karenyky's Profile

今日趕時間，經過哩間餐廳見唔多人而且價錢好平所以就入左去一下！我叫左個韮菜餃子面，盛惠23蚊，好平！份量是足夠的，有4隻韮菜餃子，而且都中等size唔會好細件，味道亦正常，韮菜配豬肉，我最鍾意的餃子味道。幼麵的麵質就一般，沒有很彈牙，但是可以接受的。湯底無乜味，比較淡。整體來說是標價同食物質素係成正比的！食完先醒起無影相。。。。。可能我對個麵沒有抱很大希望，所以我亦無失望！下次如果趕時間又經過的話，都會再幫襯的。👍…Read More

哩間旺角小店我一直有支持開，都已經幫襯左好幾年。我最鍾情嘅係《泡菜烤肉豆腐鍋》，泡菜湯底味道香濃獨特，酸酸辣辣，好好送飯。而且材料豐富，有泡菜，烤肉，滑滑豆腐，水蛋，韓國魚片，粉絲浸住泡菜湯食尤其好味！食完一定好滿足。另外我朋友叫左《泡菜炒牛肉鐵板飯》，哩個我自己都食過幾次，好惹味的！上臺時炸炸聲勁香，味道好正，又香又辣，d汁撈飯一流！牛肉粒分量都好多，口感十足！哩度除左泡菜湯鍋，泡菜炒牛肉鐵板都好正啊！另外試左《韓風一口雞》，好香好脆口，一口一啖剛剛好！哩間小店疫情期間依然人流不絕，必有其優勝之處！值得繼續支持！…Read More

今日好夜先收工，隨便食啲嘢醫肚食少少嘢醫肚，就揀咗爭鮮，夠方便。我揀嗰啲都係大路嘢，三文魚壽司，北寄貝壽司，玻璃蝦壽司，鰻魚壽司，芥辣八爪魚壽司。我最鍾意係芥辣八爪魚壽司， 味道適中我好啱我胃口，芥辣配八爪魚味道好清新八爪魚亦很爽口，外面個紫菜仲係脆的。👍！玻璃蝦係我第二個favourite, 玻璃蝦肉質地不錯，尚算爽口彈牙。其他壽司水準還可以。$3 一件算係咁。性價比不錯。而且呢個價錢好似已經維持左一段時間冇加價。呢間 take away 壽司有佢嘅生存空間，啱晒忙碌嘅香港人！…Read More

天氣凍又係食石頭鍋嘅時候，就會諗起呢間旺角老字號《首爾石鍋燒》。今日食咗之前食過嘅《蕃茄泡菜烤肉豆腐鍋， 配飯。》，味道依舊香辣美味。泡菜酸酸辣辣的十分醒胃，辣得來不會難入口。湯鍋入邊材料豐富，除了泡菜還有滑豆腐， 烤肉，雞蛋，粉絲。泡菜湯頭加入白飯裏是我的最愛，每次都會把成碗白飯食晒。朋友叫咗《泡菜大蝦炒飯》。佢話炒得好有鑊氣。飯粒分明，味道很香口。大蝦質地彈牙，仲有泡菜，烤肉，雞蛋絲， 雜菜。朋友讚口不絕。我哋叫咗個《韓風一口雞》小食，味道都唔錯，炸雞細細件一口一件，啱啱乍起熱辣辣好脆口，炸粉薄薄的我最鍾意，而且好香口， 正。呢間小店值得推薦， 我幫襯左咁多年， 質素平均， 繼續支持！…Read More

今日去觀塘電頭髮 ，之後好想食壽司，見到周圍都有幾多選擇 ，上網睇下呢間性價比高， 所以就入嚟試下先 ! 呢度個位置比較近牛頭角地鐵站 ， 都幾易搵到。。首先叫咗個火焰三文魚壽司 ，個三文魚超長，堅抵食! 再來一個牛油果反捲， 牛油果份量都多，一啖一啖咬落去十分有滿足感 小食有好多選擇，我就叫咗冬菇同埋甜蕃薯。。。。。燒冬菇非常香， 冬菇嘅香氣湧入口腔超正。。 甜蕃薯番薯味濃郁，味甜甜的，是我的最愛。。。。。。呢度嘅環境不錯，地方夠大，中間有棵櫻花樹，很有日本的感覺 是同朋友聚餐的一個好好嘅選擇…Read More

朋友介紹呢間石燒牛扒好正， 今日就同朋友一齊嚟試下! 一入到去，見到自動點餐機簡直係一個驚喜 ，用一為喜歡好似日本咁 ，喺自動販賣機選擇喜歡的食物。餐廳供應一成熟的牛扒 ，之後可以按個人喜好，將牛扒切成小塊，燒出心目中的熟成度。 我鍾意食六成熟，今次就試下睇下燒唔燒到先牛柳$110/200g油脂分佈均勻， 咬落很有油香。 揭開塊牛扒看到裏面色澤鮮嫩 ，很有牛味 。牛柳比牛肩扒有咬感， 加埋喜馬拉雅鹽同黑椒， 已經相當好食， 亦可以跟牛肉醬汁 提升味道。很喜歡這個自己石燒這個概念 ! 因為想吃生啲又得，想吃熟啲亦都可以自己控製到! 今次整六成熟都燒得不錯:):)大滿足!另外有麵豉湯 ，白飯同埋沙律任裝， 麵豉湯好好飲飲完一碗都唔夠，要裝多 一碗先夠喉！ 喜歡石燒嘅我哋，一定會再幫襯!…Read More

呢間食道樂係正宗韓國人主理， 除咗傳統嘅韓式食品，也有唔辣嘅選擇。 今次叫咗兩款唔辣嘅食物，有海鮮忌廉湯麵，同埋豬肉餃子沙律。先嚟嘅前菜有: 泡菜，芽菜同埋韓式魚蛋。 泡菜非常惹味， 酸辣度剛剛好 ，魚片有很有特色， 而芽菜嘅清爽亦都很配合炎熱的 夏天。海鮮忌廉湯麵 $118裏面有蜆，蝦，魷魚，青口，海鮮好足料，忌廉湯非常濃沃， 好creamy，跟烏冬非常惹味。豬肉餃子沙律， 沙律汁甜甜酸酸好開胃😋餃子十分有驚喜, 不但皮薄， 而且餡料多。味道醃製得剛剛好， 十分推介。呢道個地點喺九龍灣啟興道2號，太平洋貿易中心5樓28號舖。喺附近返工嘅， 放工食飯黎呢度係不錯嘅選擇呢!…Read More

聽人講呢間泰國餐廳色香味俱全，而且非常抵食，今日就同朋友去試下啦! 佢每日都有唔同嘅一蚊優惠， 當日我去嘅$1菜式就係椰汁黃咖哩。黃咖哩雞$1有水準，好香咖哩味， 雞肉質感都算嫩滑 ，送白飯一流 。泰式拼盤有蝦餅、春卷、魚餅、香葉包雞。沾上泰式酸甜醬更加有風味!蝦餅彈牙有蝦味， 微微辣，亦有啲檸檬香味， 我覺得最好食系呢個小食！春卷酥脆， 餡料多 ，咬落去充滿口感。香葉包雞系用斑蘭葉包住雞件來炸的，雞雞有好香的斑蘭葉味 小食拼盤份量都大， 好快填飽了我哋嘅肚呢!芒果冰特飲鮮芒果製作嘅沙冰， 最適合炎炎夏日， 十分冰涼。加上芒果味鮮香， 簡直係透心涼！泰式海南雞呢個係必食首選，海南雞肉非常嫩滑， 點埋微辣嘅醬，， 味道一流， 真係超好食!店務員服務員態度良好，食物一流， 一定會再去:):)…Read More

He she eat 係我心中係一間 bookmark 左的餐廳。人氣一直高企，今日終於有機會一試。💓💓💓💓💓💓💓牛油果蟹肉凱撒沙律沙律菜新鮮爽脆，加上牛油果係最配！蟹肉都幾甜。成個配搭清新好味。作為starter十分正。❣️❣️❣️❣️❣️❣️❣️燒春雞 配薯蓉隻雞(尤其係雞皮）燒得好香好脆。雞肉都幾嫩滑唔會太鞋。我地好快就 K.O. 曬成隻雞。個薯蓉勁好食，可以再 encore.💖💖💖💖💖💖💖大蝦義大利飯我好喜歡食義大利飯所以點左里個主食。哩間餐廳的義大利飯整得頗有水準。蝦肉質地不錯，義大利飯粒粒分明掛滿濃汁口感不錯👍！食完哩餐感覺既滋味又滿足…Read More

每次食雞蛋仔都會嚟呢間，因為媽咪雞蛋仔選擇多， 又不時推出新口味今日嚟到觀塘呢間媽咪雞蛋仔， 朋友一嚟到就話要食雞蛋仔加雪糕，每次都係食呢個，百吃不厭!而我今次就是新嘢，格仔餅加金沙醬 。啲同事好專業 ，等咗大概六七分鐘，雞蛋仔就有啦!香蕉朱古力雞蛋仔雞蛋仔 口感鬆軟，有淡淡蛋香， 朱古力味香濃 ，食落有好香的香蕉和朱古力味，一啖雞蛋仔一啖雪榚，真系好正。雪羔份量很大，口感幼滑， 一冷一熱 ，層次感 好分明， 抵食夾大件， 食完會有飽肚感呢! 格仔餅加金沙醬格仔餅系即叫即製，剛拎上手仲熱辣辣呢！格仔餅外脆內軟，也有点煙韌的口感， 金沙 朱古力榛子醬好多 ，一咬落去爆曬出嚟 ， 鍾意金沙嘅朋友不能錯過，格仔餅配上朱古力榛子醬同果仁，口感非常更豐富!  朱古力味濃沃，會適合吃得甜的人呢！…Read More

This Spanish restaurant is one of my favourite. Their food is really outstanding and they serve really nice tapas. Today I came here for lunch with my best friend. Lunch sets Soup/ salad / cold Tapas + Main Course + Drink / DesertCold Prawn with AioliThis lemon Aioli is a really delicious dipping sauce and it matches great with the cold prawn. The size of the prawns are large, they are tender and flavorsome. :)Iberico Pork Chop in Sherry Vinegar Gravy with Garlic pastaThe size of the Iberico Pork Chop is huge. We enjoyed the Iberico Pork Chop because of its tenderness and juiciness. It has some fat on the side which contribute to the nutty flavor and the aroma of the Pork Chop. I especially like the sherry vinegar gravy with the garlic pasta since the gravy is full-bodied with a rich nutty and sweetish flavor.My cup of coffee tasted just right. The stuffed roasted red pepperMy friend ordered stuffed roasted red pepper with crab and spicy cream cheees as appetizer. The baby bell peppers are filled with a cheesy mixture of cream cheese and crab. The outside of the peppers are crunchy and the mixture tasted rich and thick. She really enjoys this contrast of the qualities. I tried a bite and it tasted awesome. 😋Grilled mojito Lamb Fillet The lamb fillet has a rich lamb flavor , the grilled lamb is loaded with tenderness and juicy flavor. This matched perfectly with the mint salad. Virgin SangriaThis virgin sangria is fruity and delicious 👍This place is cozy and the staffs are really nice. Would definitely recommend this place! …Read More

朋友知道我鍾意食腸粉，就來左我去哩間特色腸粉專門店試新野試新野：墨汁腸粉，配料揀了鮮蝦和生菜，另外加了櫻花蝦在上面。鮮蝦肉質不錯沒有雪藏味，墨汁腸粉味道都幾特別幾香口。上面的櫻花蝦令整體腸粉更加惹味！火龍果粉底腸粉，配料揀咗日式叉燒+粟米。叉燒肉質不錯唔會太硬，配上粟米呢個配搭味道不錯幾好味！魚肉燒賣，肉質不錯, 不是下等貨，點豉油好好味。咖喱魚蛋，魚蛋都幾彈牙，咖喱汁到幾香辣，不錯吃。芒果特飲，有芒果果香味，唔會太稀，清新又解渴。木瓜鮮奶都幾香幾濃，不錯不錯。整體而言，此餐廳腸粉種類繁多而且特別，價錢相宜，會再來的！…Read More

天氣涼涼地最啱食辣豆腐湯，今日去了位於通菜街的《首爾石鍋燒》。我叫咗《蕃茄泡菜烤肉豆腐鍋，配飯》材料豐富，有蕃茄、泡菜、烤肉、豆腐、粟米粒、一些蔬菜、粉絲。泡菜辣湯味道刺激醒胃，辣度適中（我叫了中棘）。雖然有烤肉喺入邊，但係湯底一啲都唔油膩，可以加落啲白飯度當係湯飯，好正。另外啲粉絲吸晒湯嘅精華，十分好味道，強烈推介❤️❤️！我個friend叫咗《泡菜大蝦炒飯，小辣》。佢話好好食，因為係即炒嘅炒飯，又香又乾身。啲蝦都幾大隻，肉質彈牙。另外又有泡菜，令味道更有層次，十分不錯👏🏻👏🏻。見到隔離枱叫咗《韓式粉絲煎餃》，我哋又叫一客來試一下。賣相幾吸引，煎到金黃色的很香脆。入邊啲餡幾好味，主要係粉絲，豬肉，和一些蔬菜，味道不錯很好吃😋😋。聽講呢度啲《韓風一口雞》不錯，要一客大家開心share。炸粉很香口而且不會太厚，𥚃面的雞肉滑滑的嫩嫩的不會乾身，yummy!😍😍這餐廳價錢實惠，質素不錯，性價比高，值得繼續支持！👍👍…Read More

呢度計早晨堂食孖寶咁抵食， 最適合我哋 呢啲觀塘返工嘅打工仔! 這裏的早晨堂食孖寶可以揀兩款點心加一杯嘢飲，都只係35蚊， 仲可以供應到十一點半，即系食個 early brunch 都可以呢!! 我就揀咗燒賣 ，加蜜汁叉燒腸 ， 凍柚子蜜蟹籽燒賣大大粒 ，一籠有三粒。餡料多 ，蝦仁 亦大大粒，裏面嘅肉半肥瘦豬肉醃得入味蜜汁叉燒腸 : 腸粉皮薄煙韌，裏面嘅叉燒 餡料很足料凍柚子蜜 : 有清香嘅柚子，味亦不會太甜 很適合我口味我朋友叫了蝦餃同埋鳳爪排骨飯。蝦餃皮薄餡料足 ，入面嘅蝦大粒 ， 蝦身彈牙 ， 飲茶絕對不能欠奉好食嘅蝦餃:)鳳爪排骨飯 : 鳳爪醃得入味 ，排骨肉質新鮮，很有咬感 。 加少少豉油已經好香。坊間有不少茶樓點心專門店， 皇廷點心工房印象深刻，感覺他們是用心製作的香港人點心餐廳 ! 價錢又十分抵食， 會多多嚟幫襯 ( 下次一定要食埋個豉油王炒麵）…Read More

最近天氣凍 ，我同好友不約而同的一齊話去食打邊爐！ 喜鍋喺油麻地 ， 近地鐵， 好方便 。之前食過一次， 感覺良好，食物新鮮，所以今日繼續encore! 芝士牛丸 (4粒）上菜時 已經覺得啲牛肉好新鮮 ，鮮紅色， 色澤靚。因為牛丸都比較大粒，所以我哋都淥多一陣。哇， 一咬落去 ，好多芝士湧出來 口感一流 ，芝味十足 !!好鍾意食牛丸嘅我地亦叫了黑椒牛筋丸黑椒牛筋丸有八粒，亦都係大大粒的， 咬落去有好重嘅黑椒味 。不會感覺辣，而係覺得好香口。 因為大粒，所以亦感覺幾飽肚的!牛脊骨肉牛脊骨肉新鮮， 一睇佢個雪花油脂均勻同埋 色澤已經知道係靚貨 食落口好有牛味 ，點少少豉油或者唔點都一樣咁好食響鈴即叫即炸 ，我喜歡比較淋身所以淥多幾秒， 仍然食落好香， 而且吸曬湯嘅精華 真係冇得頂另外叫咗烏冬， 爽口彈牙呢度嘅海鮮做緊優惠，大元貝， 蟶子皇 ，鮮鮑魚每隻都只係38蚊打邊爐點少得竹蔗茅根 。清熱解渴， 真材實料煲出嚟， 清清甜甜的!呢個地方唔係太大 ，要食好嘢記得要book枱…Read More