Kai子宗's Profile

星期一本來諗住同女友去橫綱食...行過見到有新野...又係和民集團...上去一試...食物:鰻魚壽司帶子壽司和亭棒餃子豬軟骨拉麵(豬骨湯)滑蛋豬排飯鰻魚壽司:佢係個meun張相係好大條o個隻的, 但係泥到既時候只係鰻魚片, 可能係仲有原條鰻魚我見唔到掛, 味道真係好一般...帶子壽司的飯太過酸, 入口o個時真係連帶子味一o的都冇...和亭棒餃子:食得出都幾多料, 但係唔係太熱, 入面o的一雲耳真係幾爽...豬軟骨拉麵(豬骨湯):湯底ok咁La, 唔係話太多味精, 但係個麵就只係岩岩合格, 可能係煮耐左, 但係個豬軟骨真係唔錯wo, 好淋, 仲幾夠味...滑蛋豬排飯:普普通通, 真係冇咩好講...服務:可能係因為我地好早六點就到左...一個人都冇...真係o個晚的第一客人...o的侍應都有笑容...仲都幾好禮貌...打名其道係和民集團旗下...一入去睇完meun知左係做平價和民...$171兩個人食...都叫ok既...俾咁既錢就食咁既野真係冇錯的...上左閣樓其實如果少人都真係坐得幾舒服下的...…Read More

細佬話想食...兩個人再加老豆食...食物(只係我食的野):羅宋湯加餐飽洋蔥汁鮮嫩雞扒伴漢堡扒配薯菜凍檸茶羅宋湯加餐飽:羅宋湯好"杰", 一o的肉味都無, 好似飲緊加左菜既味精水, 個包得小小暖, 仲有o的硬...洋蔥汁鮮嫩雞扒伴漢堡扒配薯菜:老實說, 真的一般到唔知點講,話就係鮮嫩雞扒, 但係一睇就知佢同o的街邊小食店既炸雞扒一o的分別都無, 仲有o的老, 漢堡扒又係, 一睇就知係o個o的一大包雪藏貨色, 薯菜又係一般到唔一般...凍檸茶:一向都係叫開走甜, 一上到都冇晒冰, 因為用晒泥融茶, 一飲, 茶味真係好淡, 好一杯君子之交的凍檸茶...服務:可能係坐得好入...舉手叫野都冇咩人睇到...舉左好耐先有人行入泥睇到...服務又係好一般...上菜真係好慢下...都等左好耐...再者又要無咩冷氣...有o的熱...=_="e個lunch就真係一般一般一般...…Read More

同女友係電影中心睇完mummy3...過左泥e到食野...食物:焗排骨飯叉燒撈麵紅豆冰焗排骨飯:一上到真係幾香, 炒飯的香, 仲有少少番茄汁香, 食入口時炒飯真的不錯, 好干身, 加上番茄汁真係好正, 但係排骨如果一放得耐, 個脆皮就會唔脆...叉燒撈麵:普普通通咁, 叉燒都好瘦, 但係咸左小小...紅豆冰:味道真的不錯, 但係真係多左小小冰...服務:坐低都唔夠三分鐘呀姐就行過泥問食咩...想坐多坐都唔俾...=_="不過o的舊式餐廳都唔會估佢有幾好服務...個呀姐冇咩笑容...兩年前同老豆泥過...野食同兩年前比...好似冇咁好食...但係如果係真係想懷舊一下...一定係一個唔錯的地方...好一個老香港...香港人真係要去下...…Read More

女友好心意食烏冬...見咁多人話佢好...就同佢一齊泥食...食物:赤丸冷烏冬(大)滑蛋豬扒湯烏冬炸魚餅餃子赤丸冷烏冬(大):本來見咁多人食, 覺得佢係信得過的, 但係一食, 烏冬本身唔係太彈牙, 仲要好難一條條咁夾, 但係要一讚係個汁真係唔錯, 幾好咪...滑蛋豬扒湯烏冬:老實說, 食完個冷烏冬知o的麵質都唔係咁好, 仲要食熱的, 一食之下就知真係估中, 烏冬一再加熱就仲淋, o的滑蛋就真係幾滑既, 但係豬扒就真係普通得很...炸魚餅:只可以講, 衰多手, 真係普通到你唔信...餃子:相信又係交現成貸的, 食落口真係好似o的百佳買既餃子一樣, 有一隻仲要係仲凍的...服務:要記得係要自己斟水...所以o的侍應真係除左落單同送野食就冇野做...所以成日聽到佢地係咁吹水...(我同女友又要坐係佢個開放式廚房出面)個廚房大佬係咁講爛gag仲有係咁串o的侍應...真係要多謝佢俾左一餐咁好既dinner我...=_="食完女友同我講都係大盛既冷烏冬好...我都有同感...所以...覺得赤丸名過於實...唔知點解都仲係咁多笑面...可能係我高要求掛...…Read More

和友人兩個人去...兩個人都好中意打邊爐...好耐之前上過e到睇...今次終於係到食了...八點三入坐...食物:胡椒豬肚湯底手切牛肋粒超值魚蝦蟹船(蝦, 水蟹, 班片, 班腩)田園一籃子(冬菇, 金菇, 秀珍菇, 生菜, 白菜, 娃娃菜, 南瓜片, 翠玉瓜)竹笙鮮四寶丸(墨滑丸, 魚滑丸, 豬滑丸, 牛滑丸)白菜餃拼韮菜餃雞件胡椒豬肚湯底:一開始飲左小小, 都有o的淡, 但係食完晒所有野再飲真係幾甜, 褢面都好多豬肚仲有咸菜, 真係唔錯...手切牛肋粒:都真係幾好wo, 來來諗住會好一般, 但係煮完都真係唔錯, 食入口都幾有牛肉味, 但係比較多根, 不過都幾爽...超值魚蝦蟹船:一般般, 蝦就唔錯, 但係隻水蟹就俾我拎左去煲湯, 班片同班腩都唔係太新鮮...田園一籃子:所有野都幾好, 份量都唔錯多, 但係冇食到入面o的翠玉瓜, 因為得用佢打邊爐怪怪的...竹笙:都幾多下, 唔呃人...鮮四寶丸:係魚滑丸唔係好得, 有o的腥, 其他都唔錯, 豬滑丸仲有o的肉味, 唔似出面o個o的放到開始想變咁...白菜餃拼韮菜餃:兩樣都好正, 唯一係白菜餃唔好放咁耐, 因為佢o的皮一暖左會好易爛...雞件:又係唔錯, 食得出唔係o個o的放左好耐既野, 仲有o的雞味, 記得係雞件唔係雞片, 唔同的...服務:好多人講的我都見唔到, 可能係好彩...所有野都好快到...o的呀姐都過得去...唔會話冇禮貌既...唯一係佢地成日都會問你叫唔叫野飲...覺得有少少煩...食得多任食...有時食返o的一碟碟叫既...質素真係好o的...兩個人都係$340左右...都唔係叫貴...食得過...過左九點後仲會平o的La...…Read More

和女友食dinner...六點半左右到...叫了一個二人set dinner...食物:蕃茄忌廉湯麵包連黑醋橄欖油意式炸雞搥雜菌雞絲意粉什錦薄餅咖啡蕃茄忌廉湯:味道有少少淡, 加了少少tabasco, 岩岩好夠味...麵包連黑醋橄欖油:熱熱的麵包, 再加上黑醋橄欖油, 酸酸地, 好好食...意式炸雞搥:四大隻雞搥, 炸得非常好, 內褢還有肉汁, 配上咖哩芥辣醬, 女友話好辣, 佐係我覺得好好食, 怕辣的真的不要試...雜菌雞絲意粉:意粉非常彈口, 雞絲也嫩口, 再加上白汁真的不錯, 唯一是意粉比較少, 和雜菌雞絲的比例不是太岩...什錦薄餅:用料也是普通的, 但加上脆脆的薄餅底, 非常好食, 但芝士真的不太夠...咖啡:味道不錯, 不太甜, 但太多冰了...服務:所有侍應也非常有禮貌...食到一半時...本來的意粉來錯了...可能是落單的問題...叫了一個男侍應...各他說錯了單...他即刻係咁講對唔住...仲係咁點頭sorry...真的有對受不起...太有禮了...加水也非常快...環境:可能時間還早...不是太嘈...音樂慢慢的播放著...和女友兩個食了一個鐘頭半...非常好坐...順手一提...入坐前...侍應問了有沒有訂位...因為冇...問了我八點半前走得唔得...冇所謂...入到去見到90%的檯都留位了...大家知要回做La...…Read More

四個人去...叫左都ok多野...雜錦刺身(上)甜蝦刺身三文魚刺身蟹子天婦羅蝦壽司鰻魚壽司吉列豬扒烏冬血池海鮮烏冬一品pizza薯仔煙肉波菜餅香橙果酒雜錦刺身(上), 甜蝦刺身, 三文魚刺身, 蟹子天婦羅蝦壽司, 鰻魚壽司:始終都係食拉麵同烏冬既地方, 刺身同壽司都好一般...吉列豬扒烏冬, 血池海鮮烏冬:兩個烏冬都唔錯wo, 幾滑仲幾彈牙, 個吉列豬扒都幾好炸得唔干仲有o的肉汁係到, 個血池海鮮烏冬叫左2級辣, 都ok辣下, 唔食得既人要小心...一品pizza, 薯仔煙肉波菜餅:兩樣野都冇咩特別...香橙果酒:完全失望, 完全冇味, 都唔知飲緊咩野...別府...都係泥食拉麵同烏冬...其他既只係一般...服務都ok既...侍應都幾有禮貌...但係都係要叫先加水...記得如果係改烏冬係要加10蚊的...…Read More

尋晚同女朋友去食飯...七點半左右walk in...唔使等...一開始叫左:刺身拼盤 松甜蝦刺身手打冷烏冬芝士露荀牛肉燒鰻魚,吞拿魚,太子壽司先係e幾樣...上菜真係有o的慢...不過都可以接受...都知佢多人...講返o的野食...刺身拼盤 松&甜蝦刺身:可以接受, o的魚都一般La...手打冷烏冬:反而真係唔知佢咁好食wo, 都幾意外, 好彈口, 個汁都好好味...芝士露荀牛肉燒:佢話係時限, 唔知係唔係成日有, 但係真係幾好, 燒得岩岩好, 芝士味岩岩好, 露荀爽...鰻魚,吞拿魚,太子壽司:鰻魚真係唔錯, 好厚身, 又燒得幾好, 吞拿魚一般般La, 太子幾甜唔錯...之後加左個汁燒豬頸肉同炸軟殼蟹壽司...汁燒豬頸肉:等左成五個字=_=", 泥到個樣唔係幾好, 一食, 一半都係肥既, 唔得...炸軟殼蟹壽司:又係一般La, 覺得佢炸得有少少過火...一間好多香港人都識既日本餐廳...但係真係唔覺話太好...中等La...但係o的服務就...要叫到先加水...個個o的樣對佢o的客都冇咩表情...催多兩催就有o的黑面...地方好嘈下...一定唔會係情侶去的好地方...如果以咁既價錢...我會俾多小小去一o的好o的既地方...…Read More