妹子's Profile

踏入呢間cafe，感覺好home feel 好warm，店內擺設有心思，細心睇會睇得出店主好用心照料店內植物。食物質數、價錢可接受。如果假日想搵一個舒適角落遠離煩囂，呢度唔會令你失望。…Read More

Weekend lunch時間通常要等位，今晚收工八點幾，見唔使等終於可以一試，叫左出名既豬頸肉加腩肉酸辣米缐小辣。等左唔使10分鐘就有得食，餸分量好足，反而配菜我覺得少咗DD。首先試個湯底，辣肉碎加酸辣湯底好夠味，又未至於好油，會令我不斷想飲個湯，一食豬頸肉，不得了，煎得好香好脆，反而腩肉比下去，下次要再試下豬扒。價錢我覺得幾抵，$41一餸套餐，分量亦大，一個女仔未必食得哂，如果少米缐可以減$1就good喇！呢間已經榮升屯門碼頭區首選米缐…Read More

翻風就想食辣野，search到咁多好評就即管試下，用openrice訂位7:30前埋單所有配料小食半價。想試多d配料，就捨棄左雞煲，叫左中辣麻辣湯加豆腐魚湯，豆腐湯淥菜一流，配埋冰菜食好好食。麻辣辣度剛好，係我喜愛既辣，所有配料好新鮮，十全丸每款都美味，推介芝士響玲，炸魚皮亦不錯配辣湯一流，牛肉新鮮，半價係超值。叫左小食生蝦刺身，不過不失，但個汁點解似點薫蹄既......服務由電話confirm位到埋單都一流，下次會返去試佢個雞煲…Read More

食完一輪串燒後, 大家覺得串燒都唔係太飽肚, 決定再試埋其他食物.螢光墨魚: 自從o係伊呂波食過後, 每次o係餐牌見到都會叫. 呢度既螢光墨魚都ok, 朋友第一次食都覺得好食....但係我都係掛住伊呂波螢光墨魚多d羊架: 我唔食羊, 朋友話羊夠'林', 但係唔係羶.珍珠蠔/中蠔: 老板介紹, 朋友話珍惜蠔冇乜蠔味. 而我食既中蠔我覺得幾ok, 有海水味.鐵板龍蝦: 推介! $288, 物有所值. 龍蝦肉入口彈牙, 朋友話估唔到個龍蝦頭幾好味. 大家都一致覺得$288好抵食!魚生拚盤: ok.特色燒飯團: 好食, 燒得表面好脆, 飯團帶少少辣.炒雜菜: 食得太多肉, 所以叫左碟菜. 都ok, 不過不失.5個人食左大約$1100左右, 串燒黎講呢個價錢差唔多. 聽講夜晚9:30後所有串燒有折扣, 都應該會仲抵.環境方面, 因為坐outdoor, 冇點認真望過店入面既環境. 但係outdoor個環境真係一流, 雖然隔離有個小巴站, 但係都唔覺太大塵. 我下次黎都會揀outdoor. …Read More

o係睇演唱會前搵埋幾個朋友黎呢度試新野, 印象中尖沙咀好似冇乜日式串燒店, 是日天氣清涼, 揀左坐outdoor位, 坐低後望上天花, 原來連outdoor都有冷氣供應, 咁天熱時咪都可以坐outdoor囉?新張期指定時段憑coupon 有 $1 hoegarden同85折, hoegarden雖然$1, 但係都有0.25L 架!之後就開始掃餐牌:炭燒蠔: 做緊promotion$68半打, 即order半打, 上檯時有火焰做伴碟, 蠔入口鮮甜, 應該加左酒去燒, $68抵蟹子沙律: ok.串燒: 雞腎/魷魚鬚/金菇牛/墨魚咀/黑豚肉露筍/煙肉荔枝/煙肉香蕉/煙肉蠔/煙肉車厘茄/雞皮/日式蕃薯推介煙肉荔枝, 煙肉蠔, 煙肉車厘茄. 估唔到荔枝加煙肉會咁好食. 而煙肉香蕉我冇食, 朋友話覺得香蕉味濃搶左煙肉味. 另外推介日式蕃薯: 一串三粒, 掃埋牛油好好味, 可以o係最後先叫當做甜品.基本上所有串燒味道都好ok, 只係覺得雞皮麻麻, 因為印象中雞皮串燒會有少少脂肪, 但係今次食既雞皮好似食緊薯片, 只係食到好脆, 唔似食緊雞皮. …Read More

本來想去隔離間稻穂亭食, 點知佢話冇book位就要坐bar台...我地3個人要傾計嘛, 就過左隔離呢間pizzaexprss食.入到去睇個menu, 原來呢間就係我想食左好耐有北京填鴨pizza既一間食店. 我地叫左個合家歡餐, 入面包自選既pizza, 意粉, 4杯drinks, 焗麵包, 2款甜品, 我地仲加左個焗4式芝士麵包.北京填鴨pizza: d鴨乾左少少, 但係個汁加埋d蔥就好好味, 加埋佢個餅底好脆, 都OK好味.焗千層肉醬寬麵: 我見身邊幾台都係叫呢個, 我覺得ok啦, 冇乜特別, 同pizzahut差唔多.焗麵包: 呢個好味呀, 特別係o個3個汁, 我最鍾意係綠色o個隻汁, 就算我地食完左個包都要個waiter留低o個3個汁要要黎點pizza ^.^焗4式芝士麵包: 呢個就失望少少, 我覺得似pizzahut個厚底pizza加芝士o係面...甜品: tiramisu, ok好味, 本來想叫2款唔同既甜品, 但係因為我地太飽, 見到個朱古力蛋糕張相已經覺得好full, 其他甜品又唔多吸引, 就叫左2個tiramisu, 同意其他人所講個cake唔夠濕, 如果個餅底再濕d再酒味濃d就好喇!SERVICE我覺得勁好, 我叫左iced lemon tea, 佢不斷幫我refill, d waiters個個都好nice. 環境又好舒服, 呢一餐飯我覺得食得好開心呀~…Read More

今晚同個朋友去呢度食飯, 叫左個2人餐, 餐入面包左每人一碗麵, 小食2款, 上湯浸菜, 仲有2杯野飲.我地叫左: 豬頸肉湯河同豬頸肉撈濛. 個撈濛好好食, 我覺得同樓下間小巴黎有得揮. 豬頸肉好爽好味.小食: 香茅豬扒+雞翼, 2樣都好味, 豬扒唔乾, 因為我食過一d香茅豬扒係好乾既.上湯浸菜: 普通, 冇乜特別.最尾叫左2杯紅豆冰, 特飲唔使加錢架, 紅豆冰原價都要$17.個餐$125, 埋單都係$125....原來冇加一架, 令我覺得更加抵食~…Read More

o係書見到呢間酒店做緊芒果甜品buffet, 價錢都係$128, 以前成日都想食, 不過要預早好多book位. 前幾日見到即管打去問full booking左未啦, 又有位喎.呢間coffee shop我以前都黎過食宵夜buffet, 佢位唔多, 所以就算要排隊拎野食都唔使等太耐.講番個buffet, 有咸點, 沙律, 甜點及自助餐茶. 咸點有雞翼, 腸, 咖哩角, 三文魚夾餐包o個一類小食, 只得甜品全部made from mango既....有少少失望, 因為原本以為佢會好似日航個士多啤梨buffet咁, 連d咸點都係由士多啤梨整成. 點知唔係, 就連雪糕都係得豆腐同紅豆味, 我d朋友開頭見個雪糕櫃寫住Dreyer's....但係呢個品牌冇出豆腐味架喎, 我覺得佢應該好似倚窗閣消夜buffet個雪糕櫃咁搵d封條封左個牌子...唔好誤導客人丫嘛.甜品方面就抵讚, 因為真係幾好味, 我未試過食buffet有自助夾餅, 自己整就自己加料. 生果方面, 幾種生果都好食, d西瓜仲起沙tim.自助餐茶: 我只係勁飲凍綠茶, 佢仲有咖啡, 熱檸茶等等匯豐咭85折, 所以加埋一都係$120, 以tea buffet黎講都幾抵食既.…Read More

復活節假期夜晚9:00去呢度食...唔使等位, 仲記得以前黎親都一定要等.叫左3樣野, 西瓜涼粉:我冇食, 但係賣相都一般, 分量多囉.黑白朱古力梳乎里: 賣相好靚, 開頭以為係雪糕, 點知食落原來係雪芭, 好清....我一睇個朱古力汁時以為係豉油, 哈哈~焗酥皮朱古力豆腐花: 我黎親都會食, 不過今次我覺得水左少少, d豆腐花食落冇咁滑.價錢我覺得係貴左d, 同埋好似附近都開左間新既甜品舖, 可以搶左d客掛.總括黎講...ok啦, TST少甜品舖嘛, 佢都有佢既存在價值既.…Read More

今期飲食男女封面好吸引...因為係介紹雞翼, 內文有介紹到呢度既雞翼尖, 今晚即管去試下.夜晚9點去到, 排左大約十個人左右, 等左10分鐘左右就有位, o係差唔多排到頭位時, 有個伙計會同你落單, 咁坐低冇幾耐就即刻有野食.我同朋友3個人分別都叫左個3送既車仔麵, 仲加多碟雞翼尖.....平心而論, 我覺得呢度既車仔麵冇乜特別, 個腩汁唔見得好出色, 而雞翼尖....我覺得自己都可以整到呢種味, 我d朋友都覺得係...所以食物方面我覺得可以用不過不失黎形容.要讚就係佢既服務, 不論係負責編位個亞哥, 定係執台既亞姐都好helpful, 雖然食物冇乜特別, 服務搭夠令我都會再幫襯~…Read More

o係openrice見過食評幾好, 帶左一個好鍾意食喇沙既朋友黎試,2個人叫左3樣野:海鮮喇沙: $55 真係好細碗, 一個人食又多得滯, 兩個人又唔夠分, 湯底ok啦, 不過不失....冇乜驚喜.蕉葉燒魚: 呢個我覺得好好食, 係倉魚黎架, 又唔算好多骨, 上台時係用蕉葉包住, 面頭舖左好多洋蔥, 仲有個好惹味既辣汁....好好味~馬拉盞通菜: 好普通既一碟通菜囉, 所以no comment.環境衛生都幾好, 不過因為隔離係bar, 我地坐o係度feel到個地o係度震...不過避免唔到丫!…Read More

今晚同2個朋友食飯, 因為大家都係片皮鴨癡, 所以專登黎呢度試下.我地叫左片皮鴨2食, $178, 分別係片皮同生菜鴨鬆.片皮鴨好正, 隻鴨唔肥, 皮好脆, 3個人真係食唔哂,但係d餅皮唔夠夾, 要加多$30要多1打皮.生菜鴨鬆: 好食, 同鳳城有得fight, d生菜剪得好靚(個人認為有d多餘), 唔太咸.魚湯竹笙浸菜苗: 魚湯好甜好清, 都ok.我覺得呢間service都ok幾好, 食完飯仲送水果盤, 不過唔知點解冇乜人, 10:30只係得番我地一枱客.我下次都會再去幫襯佢既片皮鴨!…Read More

我同事之前已經成日提呢一間, 話d烏冬好好味, 前幾晚終於可以試下, 真係姆好喎!叫左:海鮮烏冬: 個人好鍾意, 都係因為個湯底...龍蝦湯底, 就算飽都想飲多碗湯豚肉烏冬: 因為食左海鮮烏冬先, 所以覺得佢就淡左少少, 但係d豚肉都好好食咖喱吉列豬飯: 我好鍾意食日式咖哩, 因為唔辣得黎仲好香, 呢度既咖喱吉列豬幾好食, 塊豬唔太乾, d飯都好味忌廉煮蜆: 好好味, d蜆好大隻, 仲要隻隻都有肉, 我地3個人每人都有4隻食, 呢個價錢算抵食.…Read More

青葉幾年前已經食開, 係我最鍾意既一間日式任點任食, d野算新鮮, 特別係刺身(赤貝就'醒'左d, 三文魚同榮螺最good), 其他熟食都好ok, 係個牛油煮蜆唔係太熟(因為好多都開唔到殼), 三文魚頭好正, 天婦羅都好味.我D同事第一次上黎食, 有個食完後話終於知道點解等咁耐都咁多人上黎食...因為任點任食當中呢間同外野手都算幾好喇.同埋佢唔收切餅費呢樣野都幾抵讚.Service我覺得好好, d waiter個個都好有禮貌. 不過環境就真係好嘈...不過都冇所謂, 因為我地都好嘈...強烈建議下次去真係要book左位先, 同埋8:30左右上去就唔使等太耐就有位...因為7點前入座有9折嘛, 散左7:00 o個水人就易有位d~…Read More

去完輝哥打完邊爐, 因為大家好似冇乜食過野咁, 就去左呢度食甜品, 一入去就有位, 但係過左半個鐘就要開始等位喇.老板好好人, 知我地第一次黎, 就推介我地食佢地d皇牌...我地叫左5樣野share食:楊支金露: 好芒果, 好好味唔記得個名既梅味冰: 真係好梅, 鍾意食梅既人一定好鍾意咖啡果凍: 我冇食, 因為唔係好鍾意咖啡味既野, 但係佢地話好好味, 好coffee, 特別係個雪糕.又係不知名(其實係我唔記得個名)既士多啤梨甜品: 好清最後就係我一食就上癮既榴槤枝露: 真係不得了, 好味到呢....好榴槤, 真係佢應該係新鮮榴槤用攪拌器打出黎....當日榴槤甜品因為榴槤價錢上漲而要加5元...但係都冇所謂啦~…Read More