healingheart's Profile

呢間台灣餐廳位於又一城商場頂樓。啱啱晚市都唔算多人，又唔限時，幾啱同朋友坐低慢慢傾👭🏻金牌小龍包 $56一咬落去D汁就會流晒出黎，皮薄，D餡幾足料，好味👍🏻香酥雞扒麵 $88🍜湯底清清地，麵質有彈性，配埋炸得幾脆口既雞扒，唔錯魯肉蛋拌麵 $76魯肉份量好足，幾入味，係略嫌有D油膩，但整體都幾好…Read More

呢間隱世餐廳位於中環，主打日本秘魯菜。我地都用了些時間找正門，因地址寫的是地舖，但實際上要行上一層的。入到去的環境較暗，挺有氣氛，只是略為嘈吵，不過也很適合三五知己聊天聚舊。Menu係全英，而店員都好Nice, 仲會推介我地有咩好食😝😝La Causa🍤 $150佢係炸蝦配上紅菜頭薯蓉和新鮮沙律，再加埋秘製蛋黃醬，口感一流🤤呢個starter 份量唔多，餐廳亦好細心咁幫我地三人分左每人一份，省卻分野食既麻煩。Tuna & Watermelon Tartare🍉 $160我從來都冇諗過西瓜配上Tuna 會咁夾。加上日本醬油，更可以將西瓜既鮮甜味調出黎。連埋面頭有D蕃薯脆脆，一啖食到又咸又甜，又腍又脆既感覺，同平時既Tartare好唔同，有令我驚豔到，值得推介👍🏻“Ki-mo-chi” Fried Chicken🍗 $120D炸雞都幾脆，幾Juicy。我特別中意佢個特調既蛋黃醬，令到成份炸雞加左唔少分。Secreto of Tokyolima🥩 $280呢個係慢煮 Secreto Iberian Presa Pork，係我食過最嫰最juicy 既豬肉之一。不過偏愛清淡少少既我就略嫌佢油脂太豐富，亦偏重調味。中意重口味既朋友記得試下😂😂Oye Papi...! (For Choco Lovers)🍫 $100係Brownies 配椰子雪糕，配上焦糖脆脆。椰子雪糕會令到Brownies 冇咁膩。Birthday cake 🍰 Free只要有人生日，餐廳就會免費送一件蛋糕，仲會圍住大家唱生日歌。好多人都選擇喺呢間餐廳度慶生，你哋可以聽到生日歌此起彼落，場面有啲搞笑😂😂 今日餐廳送左朱古力蛋糕，個人感覺雖然好重朱古力味值得一讚，但整體有D膩。…Read More

呢間人龍店想試好耐，今次去咗銅鑼灣分店，都要排一陣先入到座。呢間鋪好有台灣嘅味道，總共有兩層，牆上有好多台灣嘅海報同相。雖然坐得有啲迫，但好似去咗台灣咁😍自選滷味車仔麵🤤全部滷味款式同麵都可以自己揀，每款大約10幾蚊。白蘿蔔🥕 $10呢款真係好好食，好入味好淋豬耳朵🐽 $12滷得好入味，外皮軟，軟骨好爽口，必叫！甜不辣😋 $12我幾鍾意食，口感幾得意，好似魚糕質地咁，煙煙韌韌麻吉燒🥰 $11口感幾特別，Q彈感覺百頁豆腐🥢 $12本身係冇味嘅，但因為滷汁食食吓好濃味，用嚟中和下都幾好雞腎🐤 $11唔算特別出色，冇乜特別王子麵🍜 $12喺台灣嘅即食麵，麵索晒啲汁，好入味…Read More

呢間以辣為主，主打四川菜，平時都幾多人等位。今次我同朋友6：00幾到，等咗唔算等好耐就有位。招牌祥仔酸菜魚🐟 $268可能係因為三個人食，我覺得份量都挺足，配料都幾多，該有既都有，同平時食開既差不多。個湯底也算幾鮮。最重要是入面的魚片很滑又薄，又無骨。酸菜魚可以選辣度，我地叫咗少辣，作為不太食得辣既我都覺得挺不錯。螞蟻上樹 $98呢個我地都係叫小辣，但唔知點解總係覺得佢辣過酸菜魚。D粉絲幾入味，但未算好特別。椒鹽排骨 $98我個人幾中意呢個。排骨好入味，肉質好腍，外面又炸得很香口，做到外脆內軟，令我食到停唔到口。香酥雞軟骨$78佢既炸物真係整得唔錯。雞軟骨酥脆得黎又香口，都算大碟。👅味道：4.3/5🌹環境：4.2/5💰性價比：4.3/5…Read More

早排同朋友試咗觀塘呢間樓上舖既lunch。間餐廳都幾大，位置都幾鬆動。夜晚配埋天花吊燈也挺浪漫，也很適合同朋友吹下水。佢有分室內同室外，室外就比較有特式，好似Glamping 咁。不過夏天既時候坐室外就有D熱，佢會提供小風扇，但如果人多，就未必叉得切🥵🥵60度温泉蛋卡邦尼意粉 $138滿滿既芝士同温泉蛋為意粉加咗唔少分。巨型豬扒跟薯菜 $188黎到既時候都有D嚇親，冇諗過塊豬扒真係好大塊好厚，兩個人食都有D多。塊巨型豬扒醃得挺入味，但個人認為不夠Juicy。不過配埋烤蔬菜同煙肉卷，唔會好膩。薯條炸得啱啱好，好食。阿婆的秘密 $48其實佢係蘋果紅茶沙冰，加埋檸檬汁，係夏天飲都幾Fresh。多一士不如少一士 $48「士」顧名思義就係士多啤梨Smoothie。自己個人就覺得唔算太特別。👅味道：4.1/5🌹環境：4.2/5💰性價比：4.1/5…Read More

呢間位於油麻地既日糸文青cafe，門外有兩張長木櫈，配上摩洛哥地磚，行休閒文青風，打卡一流📸️餐廳則以簡約風格為主。店內位置不多，但感覺很舒適。餐牌上可選擇的款式不多，但每款都很吸引😋😋味噌蟹醬蟹籽蟹肉扁意粉🦀🦀$128蟹膏蟹肉蟹籽份量很足，連埋紫菜同忌廉汁撈勻後，可以每啖麵都食到很Creamy又鮮既蟹味，口感相當豐富。扁意粉質地厚身，軟硬適中，配合起來，必然會令人食過番尋味🤤龍蝦湯配牛油果大蝦稻庭烏冬🦞🦞$128烏冬用木製碗裝，入面有爽口彈牙既大蝦🍤，配埋半個牛油果🥑，賣相好吸引。而自家製龍蝦湯則用迷你水煲裝住保温，分開上，好cute cute😝 龍蝦湯味道鮮甜濃郁，估唔到配埋牛油果會咁match。惟一美中不足係烏冬偏腍，如果麵質可以再硬多少少會更好。海鹽忌廉朱古力🍫飲品賣相好靚，海鹽唔會令佢太咸，朱古力亦不算太甜，兩者配合起來反而帶出一種好fresh 既感覺。Matcha Latte有好可愛嘅熊仔拉花。奶泡打得幼滑，苦甜適中。👅味道：4.5/5🌹環境：4.2/5💰性價比：4.5/5…Read More

Oico オシオ (鑽石山)鑽石山荷里活廣場早幾個月前新開咗間餐廳，今次終於得閒去試。餐廳裝修風格以淺色木材為主，主打日系簡約風。入面以多國菜同甜品為主。今次我係平日Lunch Hour 去，都有好多人。如果大家想食，可能要早少少去排隊🙈🙈我今次叫咗Lunch Set，包沙律🥗或湯🫕同埋一杯飲品☕️，價錢都好合理。晚市款式會再多啲，如果想要更多選擇嘅朋友，可以去試Dinner Set煙腩肉伴63度溫泉蛋卡邦尼意粉 $89呢個卡邦尼意粉D汁非常濃郁，配埋溫泉蛋同蘑菇，令到成個意粉唔會太膩。安格斯漢堡扒全日早餐 $118呢個全日早餐非常豐富，好足料。除咗有安格斯漢堡扒之外，仲有炒蛋、腸仔、煙肉、蕃茄、茄汁豆、沙律、窩夫同埋哈密瓜Parma Ham🤤🤤我自己個人特別鍾意安格斯漢堡扒同窩夫🧇。塊漢堡扒幾Juicy唔會好乾，而窩夫配蜜糖味道一流。我見到好多人都有叫甜品🥞🍰，賣相都非常之靚，好適合大家用嚟打卡🙈🙈下次有機會都一定要試吓😝👅味道：4.1/5🌹環境：4.1/5💰性價比：4.2/5📍 Ocio オシオ (鑽石山)鑽石山龍蟠街3號荷里活廣場2樓283-284號舖🕰️ 1130－2230#foodie #hk #hongkong #food #hkfoodie #OICO #鑽石山 #荷里活廣場 #香港美食 #食評 #打卡 #吃貨 #foodreview #foodgram #foodguide #香港食乜好 #好西…Read More

💛💛💛Chill住遊西貢一日🥰難得嚟到西貢，揾左間高質舒服cafe🤣嚟到呢度relax，我就著重環境多d，不過呢間環境同食物都咁高質🤤嗰日去仲見到可愛柴犬😍濃香煙肉蘑菇忌廉意粉 $88🤤呢個係lunch set嚟🤣意粉好creamy，料都好多😍黑松露忌廉鮮菌意粉 $88😋黑松露嘅嘢多數都唔伏，一嚟到超香黑松露味，成個意粉都好好食🤣Latte☕️午餐奉送$30飲品，呢個加$8，我係為左個拉花而嗌，個拉花真係好靚😍👅味道：4.2/5🌹環境：4.5/5💰性價比：4.5/5📍 柴太郎咖啡店西貢市場街11號地舖…Read More

黃店💛💛💛 早幾日心血來潮，同朋友去試呢間評價幾高既拉麵。店內的裝潢好有日本Feel，不過佔地不大。我地8:00到，都要排半個鐘先入到去。如果是自己一個或兩個去，則不用排咁耐。今次我地試咗三款拉麵。同大部分拉麵店一樣，佢有得揀麵條軟硬度而沾麵則有得揀冷麵熱麵🍜櫻花蝦沾麵 $93成個湯底鋪滿哂櫻花蝦得黎，又唔會太咸。不過個湯底唔夠濃稠，所以唔夠掛汁。豚骨沾麵 $90火炙過既豚肉令成碗麵更香，亦都唔算油。但同上面一樣，個湯底唔夠濃稠，所以唔夠掛汁。豚骨拉麵 $85我個人中意呢個湯底多D，入味之餘又唔咸。整體而言，三款拉麵都一级棒。惟一美中不足係佢哋D糖心蛋熟咗D🙈🙈只要多加$35，就可以加配指定小食（日式煎餃子或章魚小丸子）和汽水*平日一至五去，仲有9折添👅味道：4.4/5🌹環境：4.2/5💰性價比：4.5/5…Read More

黃店💛日前同朋友食完飯之後，隨便搵左間糖水舖，冇諗過試到 so far 我食過最好食既芋圓。芋圓有三款口味（芋頭、蕃薯、紫蕃），食落仲可以分得出佢三款口味。佢既口感煙煙韌韌，冇坊間嗰啲咁腍，真材實料。😍😍呢到選擇唔多，共有11款芋圓加1款千層蛋糕🍰仙草芋圓(薏米，紅豆) $35呢個好足料，仙草比較實，好滑，有少少涼茶feel 得黎又唔苦，好似去咗台灣食咁。配埋煮得啱啱好嘅薏米同紅豆，一絕😋鮮奶椰汁桃膠芋圓 $35哩嗰相對就比較養生，除咗芋圓同桃膠外，仲有紅棗同龍眼肉，配埋有椰香味嘅奶，好味😋如果唔夠喉想返屋企自己整，佢亦有一盒盒未煮既芋圓賣架🤩🤩*最低消費: 每人一碗糖水👅味道：4.5/5🌹環境：4.1/5💰性價比：4.4/5…Read More

位於朗豪坊既天吉屋曾經連續七年榮獲日本全國丼聯盟金賞。佢主打天婦羅，meun選擇唔多，只有五款。難得下午唔駛排隊，所以今次我地就試咗其中兩款。入座之後，店員就會提供任食沙律，椰菜花配上柚子胡椒醋，成件事勁fresh 又勁match😝天吉丼 $118 🍤🍚佢曾連續七年榮獲日本天丼金賞獎。佢主要以海鮮和野菜為主，材料有黑虎蝦、魷魚、海紅鯛、南瓜、茄子、四季豆和溫泉蛋。每個丼都係即叫即整，所有炸都好熱騰騰，外脆內軟，啱啱好。個丼既份量亦比較多，女仔好大機會食唔哂。天吉雙品 $108 🍤🍚🍜對於唔中意食飯既人黎講，呢個就係最好的選擇，佢配一碗細白飯和一碗烏冬，仲有麵豉湯。烏冬可以選擇冷（稻庭烏冬）或温（讚岐烏冬）。佢炸物選擇亦較少，只有黑虎蝦、茄子、四季豆和溫泉蛋。虎蝦肉質爽口，但切記要快D食，放得耐會嚴重影響口感。餐廳提供的茶亦正好可以解膩。🍵*人均最低消費100元，限時60分鐘👅味道：4.2/5🌹環境：4.1/5💰性價比：4.2/5…Read More

💛💛💛黃店又係bookmark左好耐嘅鋪頭，雖然都要等一陣先入到座，但果然無令人失望🥰鋪頭雖然唔係好大，但色調令人覺得好舒服🤣只係個冷氣凍得滯，大家記得帶定件外套去😂不可能漢堡包 $128🤤呢個幾乎係每枱都會嗌嘅嘢食🤣一嚟到個樣同出面食嘅burger無分別，完全唔覺得係素食😂塊「肉」入面仲要有啲粉紅色，好似整到medium rare咁，咬落一d都唔鞋，成個包好juicy又多料🤤仲有好特別係佢啲薯條係番薯條，外脆內軟，推介！泡菜意大利粉 $88😋見到無咩人講，但原來好好食🤣有蘿蔔絲同豆腐卜，味道酸酸辣辣，好開胃！👅味道：4.6/5🌹環境：4.2/5💰性價比：4.2/5…Read More