moonmoonb's Profile

合格以上！ 未到驚天動地！ 價錢亦貴！ 應該頭一浸多人食！ 過一兩年又係會慢慢被遺忘的店！！！！！！！！！！！！！如果去過韓國食橋村個隻炸雞，就知呢間其實好港式！ 皮係脆，但絕唔係韓式個種脆皮！ 雖合格有餘，但價錢偏貴應該都唔會食下次！！！！！！！！！！未試過可以一試！！！！！！！！！！！試完就知未驚為天人！！！！！！！！！！！！！價錢平一點會經營耐一點！！！！！另外，個條行好鬼迫！ 想order想拎餐都係好迫！…Read More

唔明點解咁出名！order左個牛肉公仔麵！到底係咪得我一個食左國王的新麵？明明係冇味但點解咁多人話好味？連公仔麵個粉都食唔出有味！成碗野淡某某！定係大家鍾意d肉d渣？牛肉算新鮮同唯一好的係份量幾多！但整體真係淡而無味！湯底又係好淡、麵又係好淡！而凍奶茶算幾好！感覺好滑，亦好夠凍，不過奶味較重！如果茶味重返d會更好！總括黎講貴而冇味！而且食物選擇唔算多！再加上又冇set供選擇！如無意外好難再去食！冇下次之選！…Read More

個人好鍾情湯粉麵類！當然雲南米線麵好鍾意，以前係荔枝角工作，所以知道有呢間米線，佢個湯底真係全港獨有，第二個地方冇佢呢種風味，奶奶地，辣辣地，食一次已經上癮！今次order左雞肉肥牛米線，肥牛正正常常，不是什麼驚艷之作但亦不差，而且肥瘦適中，而雞肉係用新鮮雞肉、超滑同有雞味！碗埋個麻辣湯底真係冇得彈！凍檸茶就正正常常咁啦！而且2送連凍飲只係42蚊！呢個價錢可以係邊搵呢？總括：去開荔枝角同長沙灣要食野都會諗起佢！有下次的餐廳！…Read More

一直想試呢間近期多人講的船麵！確實我去前係有d期望，但食完後係會有少少落差！我lunch去order左個牛肉船麵，正想order野飲時先知野飲要正價，連半價offer都冇！講真元朗星期六lunch周圍都有lunch set,呢度冇不特止仲要野飲半價優惠都冇！如果連埋野飲要80幾蚊實在太貴！呢個位一定要檢討一下！講返食物，牛肉船麵個牛肉係好味，夠淋夠入味，中評只因為舊牛肉，否則應該比負評！而金邊粉亦夠滑！魚蛋夠彈冇由於湯底太咸食唔出咩味！而個湯底算幾差，又黑又濃又咸，食完超口渴，自問已經好食得濃味都頂佢唔順！總括：星期六冇lunch set加湯底太咸都令我冇下次！…Read More

呢排鍾情東南亞菜！尋日食左船麵！今日就食喇沙！南香雞飯大部份客人都係order海南雞飯，我就order我至愛的喇沙！因為我鍾意有湯底的麵食！講返喇沙，料都幾足，有蝦、魚片、嚎粒仔、豬皮、豆卜，佢呢個喇沙係摻摻，即有米粉同粗麵，一次食兩種麵，講返味道，送就冇咩特別，不過嚎仔有好大海水味，呢個要注意下，另外個辣度剛剛好，不過就唔夠椰香，另外係個米粉同粗麵各有各放冇撈埋一齊，如果做多下功夫撈埋一齊會更好！最後，馬來西亞好飲，有d似港式奶茶但個甜度更合我口味！總結，喇沙份量幾大，lunch性價比ok!不過仍有改善地方，暫時中評！…Read More

先申利！我係超級車仔麵控！一有出名的車仔麵我都去食！上網見到豐味食評不錯！仲要話服務好好！咁就要試下啦！叫左4送車仔麵！豬腸、冬菇、魚肉春卷、菜心，菜心度度一樣唔特別去講，其餘食評如下：豬腸：好淋有特別整過，好味唯獨有d肥，唔知有冇得order瘦腸，有的話就perfect!冬菇：世界級、超入味、勁爽口，如果再大舊d就冇得彈！魚肉春卷：不過不失，但應該入湯前已不脆了，如果keep住新鮮炸的話就冇得頂湯底：清湯加秘製辣汁不錯！不過應該配多少少腩汁更好！凍檸茶：正正常常！不錯！服務：加曬分！男女老細都超好禮貌，殷勤、招呼又周到！食野求開心！服務好一定come back! 走時更有飲品劵送for下次用！太抵讚了！總括：一定有下次！…Read More

見食評幾好住元朗冇理由唔試下！去到環境ok!點左米粉，送就order左4樣，分別係豬腸、生菜、冬菇同魚旦！生菜度度一樣唔特別講，其他食評如下：豬腸：不過不失！唔差但對比同區的永記、合記同督記（唔講全名！識就知邊幾間）就差少少啦！食完唔會有驚為天人的感覺！但唔係差的！如第一次點可以試下！冬菇：菇味唔濃！ok彈牙！味道不算好差！唯一好是份量ok!有4-5粒！魚蛋：不是陳皮魚蛋！對我黎講就差了！湯底：最唔掂就係個湯底！根本就係烏冬個湯底！自己整都整到！大家試下就知！辣醬：唔敢講係差！但唔arm我口味！凍奶茶：偏甜！不是平時茶記沖個種味！服務：從老細到員工都有d惡！食客自己感受下！總結：區內太多冠絕全港的車仔麵店！基本上唔會再去了！…Read More

11點到見寫11點完早餐入座前都問聲有冇早餐order!然後店員話冇叫我order常餐轉通粉！即刻轉身走！11點趕過黎就係想食早餐！鬼唔知可以order常餐咩？但冇啦啦貴幾蚊！唔係為左平少少都唔早餐時間趕去！算了！大把選擇唔食走人！打咁多想講佢地好唔彈性處理law!其實d野幾好食ge!但服務真係要改善一下！…Read More

以前一直食開，由28蚊食到依家！估唔到價錢貴左咁多！上年食都仲係44蚊個麵！成年冇食今日去食竟然加到去50！實在太貴啦！講返個麵先！order左麻辣濃骨湯米線配冬菇同炸雞扒同凍檸茶！先講湯底，佢個麻辣湯底其實好好味！建議食小辣，唔太辣但又唔搶豬骨湯個味！而冬菇佢蚊得好入味，有成4-5粒都唔算少！至於炸雞扒就炸得好香口，不過成日覺得佢地炸到只係剛剛熟咁！見到d肉有時唔係熟曬個d色！如果真係接受唔到可以叫佢炸熟d先上台！另外d肉醉好鬼肥！其實配菜姐，我又唔會計住比多比少！好心肥個d就唔好比人食啦！有一半都係肥肉！凍檸茶就正正常常一般茶記貨色！不過價錢就真係愈黎愈貴，唔怪之少左咁多人食！佢地真係要諗諗！50蚊已經可以order譚仔個大套餐啦！呢個價錢真係一年先食一次啦！…Read More

成日都見有人係出面排諗住應該好好味！但原來食評好麻麻！但住附近就點都比次機會佢嘅！星期日未到12點就到左！佢見到我先開埋另外個半閘做生意！做左佢今日第一個客！見到點餐紙價錢都略貴！10蚊麵底！餸就7-12蚊一款！最後點左豬腸、豆卜、冬菇公仔麵！另外加杯凍檸茶！只係咁已經要43蚊！麵一黎真係令我有d震驚！會唔會細碗得太緊要？有d小家law!ok算味道先係最重要！好老實講味道係中上！未至於驚天動地但絕對放得入口有餘！最出色係個香辣湯底！小辣唔算太辣但好惹味！將d餸嘅水平提升埋！而冬菇就一般般！蚊得唔夠入味、外面亦唔夠滑！豆卜就正正常常、豬腸就差少少啦！有少少硬而且隻味唔夠香口！凍檸茶就正常貨式但味道偏淡！不過重點係份量太少！比成9蚊個餸得個3舊同粒一個餸！太唔抵食！雖然佢起係雞地都係target附近豪宅人去食！但再唔改善下份量少問題將會冇咩回頭客！…Read More

之前去附近川x食野時已發現呢間都係食米線嘅鋪頭！由於川x食開又較出名所以個時冇試呢間！今日再入荃灣一定唔放過啦！入到去地方唔大但人唔算太多坐得還可以啦！見到個餐牌同野食同川x好似！價錢又差不多！咁為左比較下邊間好食d我就點返同係川x食一樣嘅食物！我點左酸辣乍醬紅薯粉！另外加兩個餸分別係肥牛同豬腸！再加杯凍檸茶！麵到時真係嚇一跳！係勁大碗！冇諗過只係配菜嘅乍醬係一大pat!真係一大pat!同叫多個餸冇分別！超抵食就是了！至於湯底就中上！唔算最上乘但絕對落得肚！小辣都算辣！配埋酸辣湯底好香口！乍醬好夠味口感又好正！肥牛唔肥唔瘦係我至愛！唯口感有少少硬！但絕對可以接受！豬腸唔肥同入味！唯切得有d細！至於凍檸茶就真係唔得！完全冇味！建議大家叫返罐裝氣水免中伏！不過呢個價錢真係冇投訴！絕對有下次！…Read More

行過見到入面充滿60，70年代情懷已經好想入去試！今日同阿媽終於去試下！星期六嘅朝早唔算多人！見有卡位即刻坐低！叫左燒賣、蝦腸、牛柏葉、金錢肚、鮮蝦腐皮卷同埋鳳爪！樣樣野都係即叫即整！到台時嚇親因為都裝到幾滿一d都唔呃秤！呢樣好抵讚！食物味道方面比預期好！燒賣冇咩肥肉夠熱同入面舊蝦好脆！牛柏葉、鳳爪同金錢肚好淋好好咬！同時味好夠但又唔會好咸！鮮蝦腐皮卷好脆蝦又夠大粒！唯一麻麻地係蝦腸！佢d豉油浸味超怪！下次唔會再點腸粉！但其他確實唔錯！最正係佢地有凍飲叫！我地就叫左凍檸茶！比茶餐廳差dd但可以接受！有時唔鍾意飲茶某程度因為冇凍飲飲係酒樓！so far感覺唔錯！店入面又充滿舊日情懷！我同阿媽仲指住牆上嘅家具訴說返細個時嘅片段！食物好固然重要！但有時回憶更勝美酒佳餚！…Read More

Big John 嘅食物系列其實係中西合璧嘅free style配搭！個人最鍾意就係佢個撈丁加一款小食同飲品嘅套單！今次同友人分別點左雞扒同豬扒撈丁配格仔餅！格仔餅唔使多講！鎮店之寶名不虛傳！外脆內軟配埋奶同花生醬一絕！而撈丁就雞扒勝過豬扒少少！雞扒個皮炸得好似乳豬咁脆！從未試過嘅香脆可口感覺！豬扒都脆同薄味道唔錯！而個薑蔥撈丁好香！又配埋白菜比客真係幾好！可以唔使淨係食肉！至於飲品就推介奶茶系列！茶香奶滑水準之作！絕對可以再encore!…Read More

見食評咁多好評就即管試下！但真係幾失望！先講湯底！拉麵最重要唔係叉燒而係湯底！麵到時湯底只係熱熱地唔夠燙口！最差係個湯底好奶味！勁似忌廉湯底好唔掂！幼麵條唔錯但勁硬！好奇怪嘅口感！至於叉燒係我最唔鍾意個種質感！又硬又乾！個人鍾意半肥瘦叉燒！總括黎講唔係我杯茶！一次就算！…Read More

知道由大埔開到黎元朗！第一日開已經好多人慕名而來！住係附近嘅我就當然會試下啦！先讚嘅係即叫即炸！又熱又juicy!但就算等十幾張單都係十分鐘就有得食！值得一讚！講返隻雞脾先！份量好大隻！28蚊唔平但都值！一試就先食d皮！嘩！脆到丫！肉連皮食絕對係極尚嘅享受！仲要d肉汁必出黎真係好有層次！雖然好熱氣！但間唔中食好正！…Read More