味芝之's Profile

終於有機會去試食這間素食自助餐，預早一日訂定枱，早早去到完全不用等，座位隨便選，地方比想像中簡約，也比想像中好食，款式種類都算叫多，味道也很好，還會refill 轉款式，當晚餐湯是南瓜湯非常好味，韓式炸雞原來是椰菜花，所有炸物都非常香口，價錢亦都好實惠，不過用餐時間太短，入座起計個半鐘，真是食得比較急趕，另外全場地下都非常之滑，大家手拿食物行走時真是要小心啲，慢慢行才安全。 …Read More

新開的西班牙菜，感覺味道都與之前開的那間不一樣，味道都還好，價錢合理，服務都滿意，菜式方面 - 長腳蟹奶油意大利麵很不錯，蟹蓋裝了滿滿的蟹膏，拌來吃，把本身過咸的味道減了，$38一支西班牙啤酒抵飲，黑松露薯條 - 松露味道只限於在醬料之中，味道也是淡淡的帶過吧了，雞翼 - 可能因為是開了邊的原因，感覺乾了些，百爵茶焦糖燉蛋 - 茶味很濃，但是是凍的，窩夫點了麻薯口味不合我口味，生果又偏酸，都是原味的好食，總括是還可以再來的…Read More

明明要流心蛋，出到來變炒蛋，完全沒有流心，連蛋都炒到又老又鞋，佢地仲要抵賴話係擺碟唔令，真係當人係傻仔芝士汁撈丁，得個咸字，無芝士味，根本就係普普通通的一個白汁唯一最滿意係多士，厚身又夠脆咖啡就覺得似水咁，無咖啡味同埋可能初開，服務亂，明明跟餐牌叫，到入機落單時，可以話無呢樣野見另一枱客食豬仔包，賣相好令，又大件，希望下次試時，會比較好d啦同埋佢地好似好趕客咁，人地每食完一樣就即收，出面又無人等位，連杯咖啡想好好咁飲都唔得…Read More

期待了差不多近半年的德國餐廳終於開了，真是等到變長頸鹿今日先試食lunch，有黑椒汁西冷配意粉，西冷過熟，所以有少少un，另外當然要試下豬手啦，點了白豬手香腸配疏菜，白豬手同以往食開的不同，就連顏色與味道都不同，感覺似老水豬手味道叫做可以咁啦。另外餐飲咖啡淡到似水，豪無咖啡味，奶茶一般，上菜時間較長可能剛開，好多都未上手，期待慢慢有所改善，因為豬手是我至愛，又近屋企望可變做我的飯堂…Read More

以前一直都唔需要等帶位，取飛仔入座，不知幾時開始改了.....但當客人入來，他們又不主動說要取飛，又沒有指示牌說要取飛或排隊，所以部份客人都不知道，仲盲中中自行入座，搞到好似人地打尖咁......另外屏幕上沒有的餐又不在屏幕上貼紙提醒顧客說沒有提供.......餐具要自取，但係就無义又無碟，問職員，說等一陣，等到食物來了都仲未有，仲說現在洗等一陣，唔通叫人用手食？真係氣到7彩.....樓面有4個，顧客座位又唔係多，既然應付唔到，就唔好搞堂食，堂食搞自助，又搞一半唔搞一半....都唔知想點？…Read More

與朋友們聚餐，一早在openrice book枱，有8折，炸雞出乎意外好味，啖啖肉，脆卜卜牛肉拼盤 - 一般，牛里脊 - 都係一般，食韓國餐不離要叫返支燒酒，相當貴$50/支可能因為當晚我們早食，所以服服好好，但一開始人多，空氣就開始焗，煙霧瀰漫…Read More

係openrice尋找旺角的西式甜品，出乎意料的好味芒果拿破侖 - 夠脆，唔太甜窩夫 - 同樣脆卜卜，心太軟 - 朱古力味夠濃，完全係我至愛薑汁梳夫里 - 第一次見，薑汁味唔係太濃，梳夫里偏濕，有機會的話，絕對會再去…Read More

大裝修後，搖身一變，泰菜館，店內裝潢風雅，有室內與室外，有房，適合大班人包房狂歡，服務都叫唔錯，大部分都偏向後生仔女，但都有禮貌，食物方面，相比對面屋苑的另一泰菜，真是好味好多，串燒 - 大大件，肉唔鞋又唔un，冬蔭功2人份都有6碗，有一隻半大蝦，酸酸辣辣好開胃，馬拉盞炒通菜 - 好香，素春卷 - 香脆，泰式老水豬手 - 雖然賣相與餐牌內相片不符，有菜芯咸酸菜墊底，豬手好軟，唔鞋，味道剛好，正體各樣都不錯，味道好，地點清靜，絕對會變成我的私人飯堂…Read More

環境 - 逼了點，枱同枱太接近，肥少少都出唔到；服務 - 入了餐廳，明明有2個人望到我，都唔行過黎，要人係到等到佢送餐時先順便過來問咩事；價錢 - 現在有優惠，主菜買一送一；肉眼扒伴松露薯條 - 舊肉眼又鞋又無味，係全餐廳最貴的主餐，只可以用失望，不值來形容；德國烚咸豬手 - 這個反而係意料之外好味，原本仲怕會烚到無味，點知味道係剛好，皮有彈性，肉質唔鞋，又軟（唔係散個種）；叫了2杯雞尾酒，其中一杯係無酒精，主要係士多啤梨，朋友說好飲，另一杯係旋風系列，主要係rum酒+生果汁，酒味剛好，又唔太甜；最尾好奇怪，唔知點解食完成身都有一陣油煙味，好似去了大排擋的感覺…Read More

店細細，得一張六人枱，三張四人枱，兩張二人枱，樓面已經四個，得一個字 - 亂.....菜肉雲吞味道一般，小龍包皮超厚，唯一好食只有回鍋肉炒年糕....有4款雲吞，當中三款都話無，只係中午時間咁快就賣哂用餐途中，有超大隻米奇出現，起碼有12寸長，未計尾巴，呢一餐真係驚嚇十足…Read More

由於與友人都愛辣辣鍋，找了附近一間，見食評不錯，即管一試，湯底只有三款，愛辣的我們當然要麻辣，要了中少辣，辣度剛剛好，安格斯牛頸脊抵食，又肥味有牛肉味，好似食緊和牛一樣，響玲多層次感，薯粉粗粗一條好q好煙un，2位服務姐姐亦都好友善，值得再試…Read More

174任飲任食火鍋，其實呢個價係可以接受，不過呢間店唔可以接受，成間鋪有4個服務生，但係只得一個係做到野，其餘都係唔知在做甚麼的，叫加湯，應完又唔加，交菜單，又無人接，追漏了的食物，又係應完就算，我地2個人，得一個調味碟，追加又唔理，連調味盤要問幾次先俾，仲之所有野都起碼要叫3次以上先會做，另外係有包任飲，最初係叫人自己去飲品櫃自取，但原來當中有些是需要另外收費，又唔講，最終係埋單時見到條數我地先知，總結：服務唔好，食物一盤（要麻辣湯底，又唔麻又唔辣），選擇不多，唔會再去…Read More

$160位，冬陰公湯 - 無限添飲，內有素蝦，味道酸酸少辣辣，開胃，水果沙律 - 蘋果，火龍果，柚子，菠蘿，芭樂，味道清新，沙爹串燒 - 質感超似真肉，味道一流，紅咖哩+檬粉 - 咖哩不辣，第一次見用冬瓜做配料，沙爹西蘭花炒芥蘭 - 甜甜地，好地道泰菜款式，香芋炸春卷 - 大大條，超脆，菜肉瓜飯 - 節瓜中間淘空加上飯，好特別，南瓜豆腐拉撒 - 炒埋一堆，不過味道好泰式，一流，芒果糯米 - 初見d芒果青bb以為會酸，但竟然唔係，超甜，反而糯米就過甜了，椰汁涼粉 - 清新，唔甜，好味，服務人員唔多，不過服務都好周到，可能幫襯當日人少啦，只有3枱客（約20個人樓下），因為係私房菜，份量係按人頭計，雖然唔係大碟，有d仲係一人一件，不過真係剛剛好，絕對夠飽肚大廈升降機較恐怖，係舊式拉閘的，不過都可以當係一個景點，總結：絕對會繼續幫襯…Read More

此間已幫襯多年，煲底牛骨煲真是抵食，價錢公道，超多料，有牛骨，牛腩，牛筋，牛肚，牛肺，牛膀，牛腸，冬瓜，真係食個煲都夠哂，另外一讚係肥牛，真係有牛味，又大件，又肥味，肉質油脂均勻，響玲即叫即炸搭配牛骨煲一流，手打墨魚滑，好味，有質感，同埋此處還有好多不同部位的牛食，俐如牛心頂.....有d真係聽都未聽過，而豬亦都有好多唔同部位，豬天梯.......另外仲有其他熟食，炸三文魚，炸墨角咀，刺身......送啤酒一流，此處另一賣點係無限時，大家可以慢慢食，慢慢嘆，慢慢吹…Read More

環境好...服務好...食物好....絕對係視覺 + 美覺的一餐，不過就限用餐時間一個半小時，如果係齋飲飲食食就真係絕對無問題，因為上菜速度真係超快，但要同朋友們飲飲吹吹就真係有難度了...…Read More