為食海盜's Profile

見到本雜誌介紹．．．．好似好吸引咁喎．．．所以，　星期日，　老婆同我特登去呢間新阿宗都拜訪一下，　睇下台灣風味係點．．．（因為都未去過台灣，　所以無得同台灣比較)去到見到，　原來個舖位好細．．．．ｄ枱俾人坐在了．．餘下兩張位置好差，　一張係後港最入，　一張出ｄ，　但地下成灘水．．．．．所以坐在ｂａｒ　枱．．．．．無人招呼，　自己坐低，　自己拿張紙寫．．．．先試兩碗大腸麵線加蠔仔．．．．在等期間，　見到人地有一碗碗野，　係用個透明膠碗．．．．好細碗．．．．同埋心諗，　咁樣會平過洗碗? 定係人定台灣正宗係咁?黎到了．．．．點解淨係見到有幾粒蠔仔既? 俾錯左我地? 大腸呢? 如是問下個個阿姐．．．．我: 大腸麵線係唔係無大腸既?阿姐等左一陣，　跟住指住個底，　講: ｄ大腸响底．．跟住轉身一路行，　一路同我講，　睇清楚ｄ先問好唔好．．．．．．呢ｄ　簡直唔知咩態度羅．．．．人地見唔到，　問下妳先．．．竟然咁樣同個客講野．．．．唔通我係咁”炒”，　或食到落底先話無大腸呀．．．．．人地第一次食．．．．鬼知同雜誌，　或以下既相影出黎差咁遠呀．．．．．ｄ大腸好細粒．．．．．蠔仔都算ｏｋ．．．．但好似食緊碗仔翅．．．．但用$19蚊食呢碗野，　我覺得超唔值．．．未黎前原本仲有諗住叫埋其他野試．．．但唔使了．．．．搵ｄ　睇得好清楚，　有透視眼既人去食ｌａ．．．．．．．…Read More

周六放工, 同女友去游水前, 黎呢度試食一下, 第一次黎食。等左一陣就有位, 我就唔知有乜好食, 好似係蕃茄麵, 豬扖飽多人讚, 所以叫左一個茄牛麵, 一個茄牛通, 一個豬扖脆脆, 兩杯凍奶茶。茄牛麵同通都幾大碗, 算抵食。不過, 我都女友一致認為星座冰室好食過佢, 女友鐘意食星座果種好溶的, 不像這樣的一個湯。d 牛就麻麻地好食, 我就覺得太酸, 不過女友覺得唔夠酸。個豬夫脆脆就都係個句啦, 普通。奶茶都係普通。不過服務態度都算幾好。環境就差dd, 天氣炎熱, 食到一身汗, 好似焗桑拿咁。…Read More

早前某晚同友兩人前來, 呢度的服務水準, 一向覺得不錯, 仲有佢\係咩優質食肆。點知, 今晚的服務真叫人失望, 首先坐低後, 等左勁耐都無人理。叫侍應攞壼茶, 叫了足足3次先有茶。仲有, 發覺張枱原來係未執好, 右水角有一個上手飲過的杯响到, 簡直離譜!!!可能心情影響, 加上唔係咁肚餓, 連個担担麵都無咁好味。(叫左一個辣, 一個唔辣的)仲有叫左個小籠包, 醉雞, 一個好似叫糖醋鳳爪(侍應伯伯介紹的)。小籠包ok, 醉雞就覺得麻麻, 多毛, 肉比較鞋。個鳳爪幾得意, 數量都算多, 可以慢慢串, 不過就略嫌瘦d, 無乜肉。埋單唔係好記得幾多錢, 因事隔整月, 不過係略貴少少。希望服務水準能回復日水準。…Read More

女友見好耐無食味千, 再試下la.......叫左個豬軟骨拉麵, 同埋個义燒拉麵。個豬軟骨拉麵都幾好食, 夠腍, 唔錯。但個义燒拉麵就真係麻麻了, d义燒....唉! 點解整到好似我地燒味個隻义燒既? 但又無整得咁好味喎, 好心真係買夠义燒放落去la, 會好食d。個湯又淡, 又多油咁。仲有, 兩碗裡頭都有d好似紫菜的東西, 一舊舊咁, 第一啖食仲而為係欖菜, 好奇怪!…Read More

同女友二人, 原本想食對面的沙X王的, 但見人龍好長, 同諗到又要撘枱.......見太興無乜人, 我又未試過, 轉軚入左去太興了.....唔使等位, 一入即有位坐, 仲俾左張4人卡位我地添....叫左個燒味雙拼飯(油雞, 乳豬), 咖哩牛腩飯, 兩杯冰鎮奶茶。首先講講個隻拼飯, 比較失望, 因為個飯唔係熱的,只係暖, 燒味都幾好食, 但同出面個d燒味好似差唔多啫~咖哩牛腩飯反而幾好味, 尤其係d薯仔, 好似著條咁喎, 唔錯~兩杯冰鎮奶茶都好味, 好香滑, 而且又唔會因為d冰溶, 令到變淡, 好!服務方面, 真係唔錯, 好有禮貌。環境都唔錯, 唔使迫迫夾夾, 同人一齊坐。…Read More

要到車品品差不多光榮引退, 先至第一次光臨呢~上周某晚同女友二人黎試, 出面企左好多人, 以為好多人等位, 原來佢地係等外賣既~叫左個魯肉餃蝦子撈麵, 碗仔翅, 蘿蔔豬紅墨丸車仔粗麵, 再加多杯梨茶。魯肉餃真係好好味喎.....將d魯肉包成隻餃咁, 好似無乜特別, 但食落又真係好味喎。碗仔翅都幾大碗喎, 而且d料都好多, 唔會成碗水咁樣。車仔麵個d蘿蔔好好味, 真係好甜, 而且仲大大舊。杯梨茶, 老闆說今晚係梨茶係有等別既, 係因為無晒片糖, 所以用左冰糖。但飲落到ok呀！整體ｄ野食都幾好食，　推介既係蘿蔔同魯肉餃！仲有老闆娘的態度真係好好，　諗住去食車仔麵，　都無期望會有ｄ乜服務同態度！　點知老闆娘的態度真係好好，　比起好多食肆的服務員好好多，　其他服務員真係要好好學習。我地見老闆娘咁唔得閒，　好多時都主動走去俾張紙佢落單，　行埋佢到找錢，　佢仲成日讚我地好，　都幾攪笑，　埋單時仲．．．．．．．ｋｅｋｅｋｅ．．．…Read More

時不時經過呢度, 都唔發覺原來呢間大家樂已經變靚靚。第一次食呢間大家樂, 近門口有三張圓型梳化位, 夠晒潮, 可惜等唔到呢幾張枱呢~其他的4人枱的椅, 某部份都不是獨立4張的, 而是用兩張長"鄧", 都幾舒服。3人食lunch, 叫了焗豬排飯, 上海排骨菜飯, 豆腐扖菇, 再加2個中湯(老黃瓜)。取飯時, 每盤都自動奉上一杯開水, 唔使每次問, 我覺得夠方便, 好!焗豬排飯同平時水準一樣, 幾好!上海排骨菜飯, 比我想像中好好多, 排骨數量不少, 而且每塊都非常腍同入味, 正呀!個豆腐扖菇就麻麻了, 因為係唔想碟碟都肉, 所以先叫呢個比較清的。個湯都幾好味呀!…Read More

星期六, 經過附近, 同女友黎食晚飯, 今次係第二次黎。叫左個御品牛肉麵餐+甜酸雞塊肉燥飯餐。御品牛肉麵個湯底好味, 但d牛就比較少, 應該加多d牛先係。雞塊飯都幾好味, 數量都ok, 若肉燥或汁可以再加多少少就更好。餐飲: 抺香珍珠(凍) + 薑母奶茶(熱)。薑母奶茶第一次飲, 薑味都幾重, 但飲落味道都幾似d中草樂味, 哈哈。…Read More

同女友睇完戲就過黎開餐, 叫左兩個1人獨享餐。雞好好食, 大件又腍, 好~整體食物都不錯, 不過反而係個兩杯汽水要等, 都幾耐下, 可能係人手唔夠的關係。仲有留意到員工都十分整潔, 女友留意到員工响地下撿了垃圾, 會主動清潔雙手, 然後才繼續工作, 值得一讚。不過, 美中不足是剛去到, 坐低時, 枱上還有一塊仔菜留低未抺走。…Read More

前幾日都女友2人第一次去試試.....都幾多人, 越來越多人等添.....等左差不多一個鐘, 終於有位了....叫左個"冤央"窩, 原來此窩已規定是麻辣湯底同藥材湯底。食物方面: 個個咩咩羊肉配極品肥牛, 手打羊肉四寶丸, 珊瑚蚌, 牛骨髓, 生菜及肥羊粉(寬)。每碟的份量都ok, 唔算話好少呀~ 羊肉同肥牛真係切到好薄。肥牛片响藥材湯那邊烚兩烚, 食時真的覺得好甜好鮮, 好好味。四寶丸都幾好食, 比較鐘意其中一款羊味重d。珊瑚蚌都幾鮮甜。牛骨髓就普通, 難以入味。生菜在藥材個邊煮, 吸到好多個d薑味。羊粉都好彈牙, 但覺得一般鐘意食。唔知係唔係天氣凍, d 茶好快就凍晒....不過, 覺得都幾貴下......…Read More

上周六, 和女友二人第二次去食函館, 叫左兩碗味濃味噌麵, 因為上次黎食, 覺得勁好味, 所以今次兩個人都食呢碗, 諗住回味一番。點知, 今次發覺味道真係好喊, d 湯都唔知點飲到。係不嬲都係咁喊? 定係今次走左手呢?今次完全走晒樣咁既......我本身都好鍾意呢度, 但今次都不得不俾個喊, 因為以咁的價錢食碗咁既味道的拉麵, 係唔值得的!…Read More

12月01日晚, 女友舊暦生日, 吃過飯飯, 去了和民飲杯野, 食下甜品, 坐下傾下。叫了綠茶芝麻芭菲, 朱古力軟心蛋糕, 西印度櫻桃飲料。綠茶芝麻芭菲: 好食, d 雪糕的口感很好, 夠滑。也有d似麻布茶房個種, 好味。朱古力軟心蛋糕: 麻麻地, 口感都平時食開既唔同。西印度櫻桃飲料: 見到佢個menu 介紹, 18蚊杯, 好似幾健康有益, 咁就1人叫左杯, 我個杯好似溝橙汁, 女友個杯溝檸檬茶。我個人覺得好難飲, 似藥水, 所以飲得好慢。女友覺得過得去, 唔係好飲。跟住見佢個menu 野飲買2送1, 咁女友竟然再叫多杯西印度櫻桃的熱飲(唔記得溝左乜), 但我覺得同樣咁難飲, 飲佢免費的茶仲好。…Read More

都女友行開APM, 唔想食太貴的野, 行呀行, 終於都見到花園餐廳的晚餐, $49蚊個SET(有湯, 沙律, 主菜及餐飲)都算幾抵呀, 咁就上去食羅, 因為好鬼肚餓。先黎個湯, 1紅1白, 羅宋湯較稀, 味道屬一般; 另外的海鮮忌簾湯, 唔知有咩海鮮來煲架呢........沙律, 八爪魚沙律, 有一隻八爪魚仔, 伴D 菜, 少少生果粒, 加上沙律醬, 味道都幾好。主菜, 選了鐡板豬"手八"拼帶子皇,有兩塊豬"手八", 1塊幾腍, 另一等好"un"。帶子皇, 有3隻, 好大隻下, 一切一食, 覺得係假的帶子, 似係素帶子個D 咁樣的口感。選了黑椒汁, 我唔係太食得辣, 覺得都幾辣下。餐飲OK。以前中學時代覺好好食的餐廳, 今次再食, 已覺得係一D好一般的餐廳, 咁既價錢, 個人認為椰林閣的"手八"好食D, 不過觀塘就未試過。…Read More

沉日黎左呢間分店, 都唔係第一次黎既, 呢間抵左辣係唔使錢(佢話暫時), 同野飲都係3蚊雞。我就好唔明, 佢個麻辣可以分咁多等級, 個酸辣點解唔可以呢?總覺得譚仔開始走火入魔, 一心諗住吸引佷辣之人, 越整越辣, (都真係唔知定係我味覺有問題), 忽略了唔食辣及食得無咁辣的人。最記得以前佢d清湯鮮甜美味, 酸辣恰到好處, 好醒胃。但而家變左清湯鮮味減少, 咸味出左黎。個酸辣就越黎越辣, 淨係得個辣。自問本身唔係辣味之士, 但酸辣可應付, 但而家就應付唔到。總店如果叫辣底, 都可以叫阿姐整碗細既清湯。呢間分店, 既然辣係唔使錢, 點解唔可以叫清湯, 整碗細的辣湯呢? 如果唔得, 咁我覺得在碗清湯中, 加少少辣湯都得掛!但都唔得...我都唔明點解唔得? 我只係想係佢的酸辣到, 再無咁辣啫....咁都唔得, 真係無理由。仲有, 今時今日, 食店的衞生都應該講究, 員工都應該注意, 但係個阿姐的手指, 竟然係"差"到落碗米線到, 唉!!!!!!!!!!!!!!!!!!!!…Read More

黎過呢到幾次, 對上個次係約兩星期前, 總結感覺呢度的食物, 味度係有水準, 而且可以保持得到。呢度d 食物, 絶唔會好似其他鋪頭樣樣都細細碟, 話等你試多d。呢度的份量真係足夠, 絶對無厄錢。不過, 我最憎就係員工的態度, 笑容欠奉, 態度麻麻。但係, 最近個次去呢, 態度都算係咁, 其中都有一個會對你笑, 又有主動酙茶。最近個次同女朋友兩人叫左蟹膏海鮮炒飯, 酒煮生蠔, 一個雪糕雙拼(豆腐+忌廉芝士)。個抄飯大碟, 蟹膏的香味濃郁。不過, 可能蟹膏炒完後會散晒, 所以食落就唔知邊舊係蟹膏。蝦的數目都不少。酒煮生蠔, 係我地最鐘意食的一味。生蠔都算大隻, 食落有口感, 又有酒湯浸住, 蠔的鮮味+酒的香味都有, 正!雪糕, 原本諗住叫個個紫番薯味, 但無, 咁就試下呢兩隻味la。豆腐味, 真係有豆的香味, 清清地的感覺。忌廉芝士味, 都幾得意呀! 環境方面, 呢度就唔係話坐得好舒服了, 間鋪唔大, 坐位都幾密, 又無分吸/非吸煙區, 所以都幾噪, 空氣質素就麻麻。食到飽, 埋單約160元, 呢度好在無加一, 呢個價錢, 想係出面食到一樣飽, 可能要事先打定底lu。…Read More