琴晚去左打邊爐，舖頭轉左掃code自助落單，不過好多食材都係無相睇嘅，得個名同價錢，之後order左個醉雞湯底，記得以前舊舖果陣阿姐離遠捧個湯底過黎已經聞到好香嘅藥材同酒味，但係琴晚個湯底係聞唔到香味嘅，之後落埋啲雞去煮，湯底大滾都係得少少酒味，食落就感覺個湯唔夠鹹又唔夠甜，又無乜藥材味，其他火鍋食材就好普通，其中個白蘿蔔非常多渣，唔建議叫，整體大部分食材都可以係街市買到（味道一樣），但價錢就貴好多，叫左杯百香果茶，味道非常淡，淡淡嘅甜味同水味，幾個人食完埋單每位接近300蚊（無叫貴嘅牛肉同海鮮），我一直覺得尼度同其他火鍋放題嘅最大分別係佢個醉雞湯底好味啲，可以將平凡嘅食材加分，但係宜家個湯底差左咁多，我覺得食放題會開心啲。…Read More
