gogocome10's Profile

未發生KOL事件前,已有幫襯,再聽完個新聞發覺太多人去炒作或攻擊,所以再去食。 當晚大約20:35去到,已經有兩圍檯有人坐緊,嗌左個9安黑椒汁牛扒五成熟$78 , 一上檯,嚇左一嚇,大份到根本就係兩人份量, 略嫌個汁多左D, 但個牛一D都唔韌, 雖然飽, 但為左尊重廚師, 都將成塊牛扒消滅左, 非常有滿足感, 而且絕對唔係出面D人老吹到點樣好食法既嗰D餐廳, 又韌又鞋又冇肉味又味精重。 所以整體尼講對今次既評價好滿意同食得十分滿足, 起碼食左唔會狂飲水。…Read More

奶奶生日,早幾日已book左某間食肆,但由於八號波關係,提早關門,唯有另覓地點,沖撞之間,搵到尼間花萼樓,原來新開,唔係好耐,去到門口,每個職員態度恰當,唔會過份,又不失禮貌,仲專登安排冷氣不大既位置,因有老人家,非常貼心,嗌左個4人套餐,包一魚一鵝,兩份小食,四個小菜,另外嗌左乳鴿同壽包,全部好好味,好有驚喜,唔會過份咸,條魚非常新鮮,隻鹵水鵝非常之嫩滑,本人最鐘意佢個梅菜扣肉,一定係要半肥先最和味,而佢個梅菜更加係一個點綴,會再番食,食得非常開心同滿足嘅一間酒樓。…Read More