去左喜來登staycation,所以睇網上介紹呢間餐廳就順便訂埋，唔洗去咁遠食係房搭lift落到去，（其實仲有架餐廳專lift但早兩日無開，好友生日好想比個難忘既生日佢，呢間餐廳我覺得做到野，不過就一定要叫2人既set先可以有生日佈置，埋單既價錢同我住喜來登2晚既海景套房差不多，但我覺得有特別日子係可以接受既，講返佢除左生日佈置，仲會有專責影相既員工過黎幫你影相，當然book位需要預先要求window seat先影到靚景啦，差不多食完既時間仲會送返一張相比生日位朋友，員工亦會主動同朋友講happy birthday, 甜品拼盤亦會有寫名，送黎既時間員工亦會再幫我地影多次相，至於食物方面，洋蔥包真係好好味，至於個扒我無upgrade到，只係rib eye,其實都可以但肉質唔夠滑，但肉味都濃既，甜品唔會死甜，水準中上，當然我最開心係我個朋友已經覺得好開心又滿足又驚喜，呢d野係無價既，同埋相比起酒店既lounge同早餐，呢間餐廳可以話高質好多，下次再有特別日子會考慮再去…Read More
