Karyyyu's Profile

紅石柳鴨胸南瓜意式燉飯 （$98）鴨胸煎到外脆內嫩，略鹹，但配搭香甜南瓜飯，啱啱好可以中和咗，個飯好creamy好濃南瓜味，估唔到咁好食😋！煙鴨胸物漬橘子黑醋意大利飯 （$98）呢個鴨胸都係好肥美，配黑醋飯少少酸，啱啱好都可以中和鴨胸嘅肥，食落好開胃！香蕉焙茶燕麥奶昔（$38）焙茶味好濃！有淡淡香蕉嘅香味，真材實料，唔係香蕉精，好飲！生可可藍莓香蕉燕麥奶昔（$38）有可可嘅香味加藍莓味，香蕉味反而唔係好出，味道還好，健康之選👍🏻價錢唔貴，環境坐得舒服，嘢食又好味，放假值得嚟幫襯吓小店…Read More

街坊小店，裝修樸素，地方唔算闊落，都坐到好幾枱人，無論店員定係食客都好有人情味。小籠包 （$39）粒粒爆滿，咬落去爆湯汁，入面嘅餡料鮮甜，抵食之選。排骨菜飯（$52）排骨好大塊，炸到外皮好酥脆，但係肉質偏乾。菜飯有菜+菇，都幾多，口感豐富。口水雞翼擔擔麵 （$56）呢餐最大驚喜！口水香麻惹味，喜歡濃味嘅朋友一定好鍾意！擔擔麵都偏濃味，麵質掛湯，湯唔算太膩，入口順滑。上湯津白 （$30）湯底清甜，津白淥到啱啱好，唔會過軟，份量都唔少。CP值高，經過附近入嚟食係最大嘅驚喜…Read More

人生最差嘅食飯體驗朋友個飯嚟到再食晒我個飯都未到，唔係朋友食得快，連隔離枱、隔隔離枱都係咁:( 都算啦，但我食食吓feel到隻腳痕痕哋，睇吓竟然係隻曱甴🪳即刻fing走咗，隔咗一陣又喺牆上面見到另一隻曱甴爬緊🪳真係完全食唔落🤮 埋咗單後好聲好氣同收銀阿姐反映呢個問題，只係得到一句「多謝你」，連一句「唔好意思」都冇，我諗其實作為客人嘅我聽到句「唔好意思」會舒服好多，明白有時食肆會有曱甴仔，但起碼唔會惡劣到一個客人連中兩元啩🥲…Read More