mwclee's Profile

喺成田機場食嗰陣好驚艷，飲第一啖湯已經欲罷不能，因為個雞湯好濃好濃，好似平時中湯燉雞湯嗰種味再香d，返到香港念念不忘去食，結果完全唔係嗰回事。喺日本有買到即食返黎自己煮嗰d, 而香港呢間就同即食嗰個版本冇分別。睇相就知，第一張係香港嗰間，第二張係成田。d湯既色同味都差好遠。…Read More

因為好夜先食野，所以諗住搵間居酒屋隨便食d, 去到都10點。間餐廳其實都又暗d位又窄，其中一個店員俾個情人節menu我地睇話‘’好抵食‘’，個餐係14xx, 我望一望已經冇咩興趣，因為真心想食d宵夜咁，唔係咩慶祝，我話唔洗喇我地咁夜冇諗住食咁多，點知佢再話 “咁夜但你地食左野未既先？” 我覺得真係好awkward.... 其實都講左冇興趣點解仲要逼人 之後我地揀個刺身4品，300蚊，其實黎到真係好頹，頹到我完全唔想影相，完全冇presentation, 話3片三文魚，3片油甘魚，2隻帶子，2隻蝦咁啦，三文魚同油甘魚好似唔捨得俾人食咁，簡直就係將平時既一片切做3片...... 跟住我未食完個拼盤，有個服務員黎執野，直接將隻碟掉落我個拼盤入面....我話我未食完架，佢話 ‘丫，我睇唔到呀，不過唔驚既掂唔到既！’，我真係呆左，佢話 “如果你介意，我俾過粒新既帶子你”，其實唔洗問啦下嘛..... 但最後我話算啦，已經唔想糾纏，想食完就算叫左幾款串燒，佢地一定要每款兩串咁叫，一串牛舌得3片....74蚊串... 免治雞肉串50幾蚊串.... 大佬，出面普遍都係30幾蚊串... 佢呢個價但間餐廳又唔係靚服務又唔係到位... 連d蕃薯呀菇呀粟米都樣樣30幾蚊串...... 咩玩法叫個明太子玉子燒都收你1xx 最後呢餐宵夜食左我1000蚊，都唔知食左乜。不可一不可再。…Read More

一個煎雞扒火腿茄汁豆早餐，要等15-20分鐘先有得食都算啦，黎到塊雞扒塊皮鹹到生腎石咁，塊火腿酸既，d茄汁豆煮熱都懶，凍既，好明顯直接筆出黎就俾人食，得塊包係正常，幾十蚊都唔係咁下話？…Read More

之前第一次試黯然銷魂飯，叉燒又乾又硬，我諗住係太夜過去，得返d賣剩叉燒啦，所以算啦，琴晚俾多次機會，再食一次，我想講真係冇下次，依然都係又乾又硬，求其搵間燒臘鋪或者街市買d叉燒我都肯肯定會好食過佢。食落完全唔似叉燒，唔係嗰個texture, 唔係嗰個味.... 仲要真係好難咬。唯一ok既，咪隻蛋囉…見佢又poster又有晒圖咁，以為係佢地點既重點推介，仲要用 “黯然銷魂飯”呢個名，點知.....真係食個常餐咪算囉....唉。…Read More

諗住同老公慶祝紙婚紀念日，早幾日前已經喺openrice book左食brunch, 留左言問甜品可唔可以有寫字服務，見兩日都冇人覆，咁我自己打去餐廳問，有位男同事幫我mark低左，幫我寫 "Happy Paper Anniversary" 加埋我地個名, 隔左兩日，又有個女仔打黎confirm booking, 問我想寫咩字,我話已經有個男同事幫我mark低左，點知佢話冇資料，咁我再講多次啦，然後佢話隻碟冇咁大寫唔到個名，我話唔緊要啦，點知到當日，個甜品出既時間，係分開我同我老公一人一碟，一粒字都冇寫過。我問個waitress點解冇字，一句唔好意思都冇講，拎走我嗰碟，出返黎就住寫"Happy Anniversary"..... 我係慶祝結婚第一年，所以先想寫 "paper",結果冇左呢個字。Waitress放低個甜品就咁行左去，一句唔好意思或者恭喜都冇講。同埋點解唔用隻大碟放晒兩份甜品...? 淨係寫喺其中一份....? 其實都已經好影響心情，因為我係特登早幾日做reservation同埋落呢個request，之後我地拎住隻碟自拍，亦冇人問過需唔需要幫手影張相。有個好高既男仔，應該係經理，一直企喺bar枱，連少少既service recovery都唔做。同埋openrice做緊訂枱送25miles, 食完兩日餐廳都冇人確認訂座，同埋原來消費$2可以賺1里，我地張單食左800幾蚊，亦都冇人提過可以儲miles!! 其實食物好ok, 但佢地既服務質素完全配合唔到食物，令到成個experience 扣晒分。講完服務都要講返食物，一開始有個3小碟，生蝦拼牛肉他他同三文魚壽司，好清新。之後個Main係 tempura蝦同埋一d蔬菜，再拼wagyu Sirloin (另外加錢)。其實我慣左食牛肉要食mustard, 但餐廳就話佢地冇mustard, 話用左辣根同鹽。 我明白廚師可能覺得唔需要點mustard, 但其實客人想食，mustard呢d好基本...餐廳係咪都可以spare喺到...? 個牛都好ok, 唔太生，切薄片所以都好淋; Tempura 炸粉都唔多。Pasta就係明太子烏冬, 餐廳應該係用左讚岐烏冬，因為比較粗，但個人覺得食左幾個course有d飽，再配埋咁creamy既汁，如果用稻庭烏冬可能會冇咁膩。最後甜品只係creme brulee同cheese cake, creme brulee比起其他地方味道偏淡....cheese cake冇乜特別。總括黎講，呢到只係適合普通食餐飯，如果想慶祝，建議搵過另一d有服務既地方。…Read More

見到賣廣告，有大閘蟹餐，仲要其他餸好豐富，有燕窩羹有鮑魚，特登早幾日book定位，佢分時段，6點第一round, 8半第二round。去到好多人企喺門口，但上一round既人仲食緊，冇人負責reception, 冇得攞飛，冇得mark名，企前d就早d入，一d秩序都冇，book左枱等如冇book。野食好恐怖，完全感受到咩係圖片只供參考，反差大到呢.....等左半個鐘先食第一round蟹，仲要唔係熱，係暖既。好細隻，我諗4兩都未必有。不過算啦，預左任食一定質素麻麻。但冇諗過等對手套同把較剪都等左5分鐘。個湯真係好恐怖，所謂蟹肉燕窩羹，連燕窩碎都冇，我覺得係純粹一pat好"杰"既芡。嗰個所謂蟹粉扒時蔬，都係一d蟹粉都冇，again,係一pat芡喺d白菜仔上面。嗰舊鮑魚，食落直頭似假既，好淋，冇味....我有懷疑係咪齋鮑魚。嗰個籠仔飯，我以為係臘味飯，點知係有d味既白飯，仲要冇餸喺入面既。薑茶，完全冇薑味。無論食物同服務都係好恐怖，計埋茶錢同加一，兩個人都要700幾，我究竟食左d乜。…Read More

朋友訂左枱食生日飯，原本4人，所以安排左4人枱，之後另一朋友喺附近，所以叫埋佢過黎食。我地同餐廳waitress講話想轉5人，佢話其他枱已經fully booked,所以冇得拍枱亦冇得調枱，我地明白，所以唯有3個人逼住坐sofa一邊。點知全晚隔離枱冇出現過，而附近既枱亦喺大概1個鐘之後走左。我地同waitress 反映，如果客人唔黎點解中間唔幫我地拍返枱，態度極差，怪返個客人唔早d通知,一時話d枱要留俾walk in，一時話隔離枱係book左9點但no show。之後一位姓黃女經理上前了解，態度一樣差，話隔離枱book左7點半no show, 之後佢地再接左張9點又no show，keep住講話我地早d通知佢先安排到，總之就唔關佢地事而係個客既錯。其實呢間野標榜到好似高級食府咁，但服務完全係趕客。食物其實係ok既， 個蘿蔔心好淋好入味， 蝦膏紅米飯個湯好濃，蝦膏味好香， 酸菜安格斯牛好清新，味道出奇地夾，宮保雞丁甜中帶少少辣，值得一試。而水煮魚片可能因為叫左少辣，所以試唔真，但都ok, 棒棒雞個名得意，但食落就好似係辣味既雞絲咁，唔太特別，蒜泥白玉presentation好靚，但就覺得蒜味唔夠濃。希望呢間餐廳既服務可以改善，如果唔係其實冇咩興趣食第二次... 呢個價錢，其實有更好選擇。…Read More

上網見到好多笑，過黎試下，餐廳有兩層，我地坐上層，得一個服務員。我地叫左半打精選promo蠔，兩隻美國，兩隻南非，兩隻Gilladeau, total 1打。侍應話唔好叫熟食住，驚熟食出得快過生蠔，好啦咁唔叫住啦。點知，等左45分鐘，嗰打蠔仲未出現! 再等，終於出現啦，得10隻，個侍應放低就行左去，冇介紹過。再問仲有兩隻去左邊，佢先話賣晒! 精選蠔唔錯既，都新鮮，南非好creamy,食完好滯。驚等得耐，即刻叫左兩碟熟食，點知....再等多半個鐘都係乜都冇! 催佢，黎左碟一口牛，一食，凍既!! 即刻cancel!! 再黎碟海膽芝士多士，室溫，完全冇海膽味，自己喺屋企焗都肯定好食過佢! 頂唔順，唔想再等，埋單，等幾個字都見唔到張單! 要自己行落去! 個半鐘，食左300，我完全唔知食左乜，個肚好空虛!! 之後睇返d食評，好得意地，原來日日都有4星會員submit好評既~仲好多時都係同一日有好多個3/4星會員咁啱都submit左好評tim~真係好值得參考既~…Read More