tsuenwan999's Profile

之前都bookmark左一段時間，終於有機會來trytry位於土瓜灣嘅Nonsense兩個人叫咗兩個main加個甜品，lunch會包埋杯飲品嘅～黑毛豬肋肉日式煲仔飯一來到店員都好細心叫我哋襯熱撈咗先，我哋都拿拿林撈起佢，試左個味先。佢個飯底仲有啲飯焦係度，佢有個汁跟埋的，但佢都好夠味，我哋都係分開試小小，都覺得唔洗再加汁。軟殼蟹鹹蛋意粉呢個就有啲驚喜，估唔到佢係成隻軟殼蟹咁上，炸得好脆好鬆化，唔錯！玫瑰芋泥日式卷蛋好多芋泥！玫瑰味剛剛好，呢個配搭幾特別Overall都值得推介！三樣食物都好味…Read More

好耐冇嚟過食outdark！今日happy Friday，朋友即將移民，就預早book左位，過嚟旺角食返轉farewell！我哋一行三個人叫咗三個菜式分別係海鮮煎餅、香蒜蜜糖炸雞、忌廉海鮮、我同埋蘋果芒果米酒～海鮮煎餅我就覺得其實係普普通通，只係因為覺得食韓國菜就配海鮮煎餅好似比較夾，不過我覺得呢間嘅海鮮煎餅就唔會係必食嘅～佢個煎餅係較淋同埋食落去都覺得比較油膩，同埋個醬汁都普通。香蒜蜜糖炸雞梗係嚟到呢度要食炸雞啦，啲雞幾滑，但係略嫌香蒜味不足。忌廉海鮮因為朋友比較想食魷魚所以就叫咗呢一個，佢係會包埋爐邊蛋、泡菜、飯、etc，個魷魚幾好食。蘋果芒果米酒幾特別，佢呢就係用碗來飲嘅😂So far都滿足，食到飽飽。除海鮮煎餅外，其餘兩個同米酒都推薦嘅👍🏻👍🏻…Read More

今晚約咗朋友嚟到尖沙咀嘅古今二食晚餐，之前都book mark左呢間餐廳一排，所以都預先book咗位，嚟到都唔需要排隊。到底佢點解咁犀利可以開咗咁多間分店，都想知道係咩料！今次Total就叫咗咁多款食物，覺得佢個壽司薄餅係幾特別，另外卷物都係值得推薦，卷物方面我哋叫咗三種唔同嘅卷，分別係彩虹卷、煙花、同埋橫綱力士龍蝦卷。龍蝦卷佢仲有埋條龍蝦尾，咁啱得咁橋我就夾中咗個龍蝦尾不過佢唔知係唔係煮得有啲太老，個龍蝦肉比較硬。彩虹卷我就覺得比較普通，煙花都係幾特別嘅海膽炒飯都係其中一個佢推薦嘅菜式，但係我就覺得普普通通，可能因為佢啲海膽唔係咁新鮮，個飯同海膽係兩件事，雖然佢有舊海膽擺喺面，但你唔同我講佢係海膽炒飯，我唔會食得出佢有海膽味。另外都叫咗一個五品海鮮刺身，其中佢嘅海膽真係比較令人失望，佢啲海膽係苦嘅⋯唔知係唔係唔新鮮⋯唔太建議叫呢一個我哋都叫咗個龍捲風沙律🥗呢個就真係幾抵食嘅，好大兜，覺得都算OK～佢個醬汁係有少少辣辣地，都值得推薦嘅～雜錦天婦羅來講佢個份量都比較少，包括坐秋葵，炸蝦、紫薯仔，唔會話好值得推薦。牛舌我哋叫咗兩份，因為我哋多人，不過佢個牛舌唔係爽嘅，佢係好韌⋯呢個都唔值得嗌。總結來講，比較推薦嘅可能係個龍捲風沙律、壽司薄餅，同埋卷物，卷嘅款式都好多。值得一讚嘅係佢嘅同事都好主動幫手斟茶，見到冇茶嘅時候就會幫手斟。…Read More

行過虹橋買外賣🥡，梗係買返杯飲品有得食有得飲，平時都係飲開冬瓜茶，今次就試吓新野，芝士奶蓋四季青同芝士奶蓋芒果。略嫌奶蓋份量唔夠喉。同芒果比較之下，四季青較好飲，因為青茶味道較淡，配上奶蓋較厚嘅texture夾啲，芒果就會太厚。…Read More

啱啱發現井財街原來開咗間餐廳，其實好似都開咗一段時間，不過而家先發現好似大家都係食佢嘅炸雞，但因為琴日已經係其他舖頭食咗炸雞，廢時日日食炸雞咁熱器，所以今日就冇叫炸雞！叫咗個韓國烤雞吐司🍞同蟹肉飯堡🦀外賣自取，佢係冇座位食的，所以都係take away攞返屋企食。烤雞就普普通通，啲雞冇咩特別，不過蟹肉飯堡都幾特別嘅，佢係舊飯取代咗包來夾住啲蟹肉，不過我覺得蟹味就唔太出。但我男朋友就好鍾意飯堡呢個配搭，覺得個飯好濕潤有味。期待下次試吓炸雞🍗…Read More

早排見到呢頭有粥底火鍋食，專程揸車過嚟試吓，原本見到OpenRice寫有免費泊車，所以就揸咗架車過去，點知去到出面有條友會企係度，先知要收錢$40/兩小時⋯喺OpenRice book咗位8:00pm，去到可能太多人，佢都唔得閒招呼帶位，結果就喺門口等見到有職員就同佢哋講book咗位😂😅入到去都有介紹返個menu，我哋就揀咗人氣龍蝦海鮮餐，然後就會比張飛你出去簡海鮮🦞你就跟住紙照夾返啲海鮮，再攞去俾職員處理清洗就可以。不過成件事都好自助，出到去都係自己去搵個筒返來夾野😂如果指示清晰啲會比較好，入嚟第一次來又唔知頭唔知路，不過見到佢個缸裏面嗰啲海鮮，唔知係咪俾人夾晒，全部啲海鮮都唔係咁生猛，好似瞓晒覺定暈咗咁樣😓結果搞完一大輪嘢之後都已經差唔多8:30，因為一開始喺門口又等咗一陣，然後而家堂食最多食到10點，所以都得返唔係好多時間可以食嘢。然後揀好海鮮之後返埋位，就見到已經準備好個煲同埋啲雞擺咗喺入面。大概7分鐘至8分鐘左右就有得食，個雞係幾入味，同埋係啱啱好唔會太老，不過食完個雞已經有啲頸渴，佢係唔包嘢飲嘅，所以要飲品要另外加錢叫。大概9:00左右終於處理好啲海鮮，終於可以開始食嘢，佢都好貼心咁有個Menu，你可以依照佢嘅指示去蒸啲海鮮。海鮮都唔錯嘅，不過正當諗住佢有任食蔬菜諗住出去攞嘅時候，發現出面乜都冇😂全部俾人夾晒，啲人個扇貝會配粉絲，不過啲粉絲都俾人夾晒，好彩後來都有refill，咁多樣講真個扇貝就最普普通通，完全係冇味，明明都落咗勁多蒜蓉⋯食晒海鮮，到最後個粥底火鍋，原來已經喺個蒸隔下面，啲粥已經喺度，佢會俾埋啲脆米你你可以自己落。不過我就覺得佢個粥底冇咩海鮮味，真心sad咗因為之前出面有食過一間粥底火鍋嘅餐廳好出色，所以今次嚟到呢度都好有期望，但換來有啲失望。同埋我早咗兩日都有打個電話問，佢都係得5:30/8:00時間選擇，5:30食到7:45又太早，所以選擇咗8點，但8-10pm食得都比較趕。如果真係食粥底火鍋嘅我覺得可能2.5個鐘會比較寬鬆啲時間，後來都食得好趕，佢又係咁催我嘅埋單，所以我都冇咩時間再影相，最後個粥底火鍋都要打包攞走返屋企先食。不過有兩個個位都欣賞佢嘅，就係我哋因為食海鮮都會比較多殼，佢有職員一路幫我哋去清理啲食完嘅殼。同埋佢好似逢星期六日都會有live band表演，唱得都好好聽，個氣氛都唔錯嘅，都可以點唱，都可以上台一齊唱歌添。總括來說，時間唔足夠，食得太趕，不斷催促埋單，最期待嘅海鮮粥底火鍋，都冇咩海鮮味。如果對食物不太高要求，為求與朋友聚首一堂食飯，夾下海鮮聽下live band都可以體驗下嘅。如果係為咗食蒸海鮮粥底火鍋/追求食飯質素嘅話，可以有更好嘅選擇。…Read More

之前bookmark咗間餐廳一段時間，終於可以試試，大概等咗三張枱就可入座，位置唔算太多，都等咗15-20分鐘左右。入到去先再點餐，我地就叫左炸雞牛角包窩夫🧇、泡菜五花肉蛋包飯、海鮮煎餅。因為呢排都好hit食牛角包窩夫，見佢呢度有得食，然後又想食炸雞，所以就揀咗呢個，因為佢都有另一個係甜品嘅，好似係雜莓牛角包窩夫。不過我哋最後先食呢個，所以都有啲滯。不過炸雞真係好食嘅，牛角包窩夫就比想像中普通，覺得只係一個壓扁咗嘅牛角包🥐泡菜五花肉蛋包飯，職員送餐送來，會幫你切開個蛋，佢會問你使唔使影相先，然後再幫你切開。原本諗住韓國啲豬肉好食，所以嚟到韓國餐廳就叫五花肉，但佢冇韓國嗰啲五花肉咁好食😂見到其他評論都recommend牛肉，可能下次嗌牛肉會開心啲，個蛋係好味都唔會老～最後個海鮮煎餅就真係麻麻，個煎餅係冇味嘅，如果你唔點汁係好似食緊一個煎咗嘅面包⋯唔太建議嗌呢個😅總括而言，如果再俾我揀嘅話，我諗我會揀蛋包飯，同牛角包窩夫但係會揀個雜苺食，因為雜苺嗰個會有返啲cream，令到個窩夫唔會咁乾咁dry，得炸雞同窩夫。炸雞窩夫又冇cream令到個窩夫好乾，覺得兩件事唔係好夾。炸雞係recommend嘅，兩個人食份量都足夠了。不過衛生情況有待改進，一坐到入嚟間餐廳，佢有個兜裝住左啲匙羹同叉，仲有擺低咗啲碟，不過全部都係污糟洗得唔乾淨，然後個兜仲有啲醬係度，希望餐廳清潔方面可以留意吓。環境都算坐得舒服，呢位可能有啲迫，不過冇計啦始終香港地地方細…Read More

食完飯買返杯賞茶飲，由細到大都唔太好芋頭，但近排都接受左芋頭，叫咗杯手工芋頭鮮奶，不過叫左半糖都太甜了⋯下次應該唔會再叫呢一款，暫時賞茶飲過覺得最好飲要encore都係桂花烏龍第日都係飲返桂花烏龍，唔敢再試新野😅😂…Read More

今日出開APM行街，到晚飯時間行過塚田農場見唔算太多人，就走咗入去食。佢係用QR Code掃code落單，我地就叫咗個美人鍋同西京燒銀鱈魚。不過佢個美人鍋嘅份量真係少得可憐，冇特別影相，佢份牛肉少到不得了，太概一碟有7片，然後另外有個免治雞肉球嘅東西同一個蔬菜拼盤。西京燒銀鱈魚個餐係唔包白飯，我要另外加錢加個白飯⋯整體來講，雖然佢份量好少，但食物質素係OK嘅，但係我覺得個性價比真係唔係太高，兩個人埋單食咗$350左右，就算我覺得加埋個自助吧呢都唔吸引⋯因為見到佢自助吧啲食物都唔係話咁吸引⋯然後我坐個位天花板又滴水，環境一般…Read More

雜苺疏乎厘芝士蛋糕蛋糕細細個，又幾好味！適逢屋企人生日，要買蛋糕，因為屋企人唔太喜歡食cream，所以呢個蛋糕都係其中一個好選擇！而且又啱晒我哋食完晚飯先食，當做飯後甜品，因為細細個唔會食完飯食唔落～…Read More

之前bookmark左一段時間，今日行開旺角終於可以try trylunch時間來食，都等咗幾張枱，之後後面就多人排隊咗😂我就叫咗個乜蟹都有丼🦀🦀而男朋友就叫九公丼！乜蟹都有丼配咗明太子個汁，不過我覺得普普通話，個蟹係得返清得好乾淨嘅殼姐🦀搞到我有啲質疑到底個殼係唔係重用，好似菠蘿炒飯咁😅我食完後會覺得都係叫返個tea餐抵食啲，因為佢有個抵嘅嘅tea，我為咗食呢個蟹丼選擇咗單點。九公丼就ok！正常發揮另外叫多咗個金龍卷，一上菜會點火！就係打卡嘅時候啦，都幾好食！如果晏晝食會比較recommend叫個tea再加金龍卷，可能會比較經濟實惠～…Read More

今日黎開觀塘終於可以去下早排bookmark左嘅龍點心，試吓佢咩料一去到都有啲人等位，午飯時間，等6張枱左右，入去會問你想飲咩茶。我哋就簡咗觀音，正正常常，不過佢同平時茶樓有啲唔同，佢一個壺裝晒的。叫野食就嗌咗6個點心，包括拉絲菠蘿包、脆脆富貴紅米腸、馬拉小籠包、三鮮粥、大澳蝦醬鮮魷卷、滷水鵪鶉蛋燒賣。拉絲菠蘿包查實就係芝士菠蘿包，不過完全唔拉絲，芝士味好淡，我寧願佢擺個菠蘿入去😂脆脆富貴好米卷好味包住炸蝦，好正！仲有三款汁去點！兩個人食就啱啱好試晒三款汁馬拉小籠包原來裡面嘅湯係肉骨茶，不過我就覺得個味唔係咁出。三鮮粥唔錯啲料都幾多大澳蝦醬鮮魷卷有淡淡嘅蝦醬味，炸得好脆。最後燒賣就冇幫佢影相😂太肚餓食左了！佢呢度有好多款燒賣簡！好想試晒咁多款🤣2個人食到好飽正！除咗菠蘿包同蝦醬鮮魷卷，都可以一試！…Read More

呢個薄餅比想像份量細，不過都幾好味然後個Taco就唔錯唔錯，抵食又大份！仲要好食必嗌！Main dish就叫咗個魚，原來仲會包埋後面個碟，有個飯同夾餅，配埋啲橙個感覺好fresh最後食飽飯，餐廳請咗個甜品俾我哋係佢哋招牌嘅churros！好好食埋單大約$700幾蚊，除返開都唔算太貴，大家都食飽飽！配合埋條街美美的燈飾，氣氛好好，一大班friend一齊食Happy share就啱晒！而且員工都好好人，好幫手影相，多角度幫我哋影咗好多合照😂絕對係高質嘅墨西哥菜 …Read More

一串兩串三串四串⋯你又食串我又食串！咁多串串，呢度咪就係俾大家密密燒串燒🤩其實早排都發現到呢間位於長沙灣嘅串燒舖，但一直未有機會食到，今次終於去試試啦～舖頭都算多位，最正就係有得任飲任食，連酒都有得飲🍻仲要幫你吉埋先正啊ma，今舖真係可以密密燒啦！牛肉部位都幾多元化，牛肩胛、西冷、牛板腱、牛肋腩同牛舌都有。除左牛、豬、雞，佢連魚、羊、鴨、蔬菜都有。當然唔少得丸、腸啦～佢嘅雞翼同雞軟骨真係好出色！自助式懶人燒烤，乾淨企理，觀塘同長沙灣都有分店，$238一個人，我覺得係幾特別嘅，不過如果有埋海鮮就perfect池，可以一試過下癮～ $238/人 …Read More

My favourite Outback!好抵食啊，outback下午茶原來咁抵食！$72有咁大條ribs食！佢英文翻譯仲要係Mini BBQ Pork Ribs，諗住好mini，點知咁大塊，心諗有冇上錯俾我🤣下午茶兩個人share都得啦！仲有個墨西哥餅不過我就覺得普通！講真平時超市買條咁嘅ribs都要$70，仲要自己返去整返去焗，所以呢個價錢我覺得真心抵😱如果想食佢招牌黑糖麵包，就要加$10先有得食啦！另有加一燒肉醬味豬肋骨 $72…Read More