真味's Profile

順路經過旺角上嚟食個午飯見到網上食評寫呢間餐廳個咖喱牛腩包都幾特色，點知真係非常後悔份量極少，價錢貴都算啦，諗住食多少少啦，叔叔一攞到喺我面前我都嚇咗一跳點解剩係得碗咖喱汁同個包再加個羅宋湯，完全唔見牛腩，點知打開仲嚇一跳，牛腩數得到得三粒，我都以為自己眼花再搵吓個底有冇收埋咗一兩舊點知係冇嘅，牛腩同啲咖喱係分開煮，牛腩冇咖喱味咖喱汁又冇牛腩味，第一啖食落去味道又冇特別，一般茶餐廳中下質素，價錢$68，仲幫唔幫襯各位自行分析啦…Read More

行完廣華街近近地想食下粵菜，加上呢排成日社交媒體都見到老闆親自下廚嘅短片都想過嚟試吓，星期六晚竟然唔使等位，就已經即時入座，菜式都有驚喜，經開九龍區都會想再過嚟食💪🏻椒鹽九肚魚都好細心咁去埋中間魚骨爽滑魚皮開頭嚟到都見到細細碟雖然唔貴，但係食落去就覺得有驚喜好爽彈炸子雞雖然等得耐咗少少，但係都值得雞肉好滑，皮夠脆薑蔥蠔如果隻蠔大隻少少會比較好，不過味道都好夠生炒糯米飯都食得出係炒出嚟而且配料都好夠…Read More

【本地火鍋必食手切牛！真心推薦】「百利火鍋」—— 深藏巷弄的實力派火鍋店！主打本地手切牛頸脊，師傅刀工了得，每片厚薄均勻，大理石紋油花靚到犯規！淥8秒即食，入口牛香爆炸，肉質軟嫩帶嚼勁，油脂甘香融於舌尖，絕對係高質之選！湯底推薦秘製沙嗲鍋，濃郁惹味完美提升鮮牛肉層次～搭配炸魚皮響鈴更是絕配！人均消費$300左右，份量足料，性價比高，晚市必排長龍，建議提早訂位！仲有佢哋而家做緊宵夜時段八折真係好抵，識得食梗係揀宵夜時段啦…Read More

開頭都半信半疑一嚟到見到門口都唔太搶眼，可能平時經過都唔會入去,舖頭位置就唔算太方便都係揸車先會經過到，但小籠包同埋其他食物真係唔錯,試咗幾樣嘢包括雞絲冷麵雖然油咗啲但係都好好味小籠包超多汁，足足有三大羹羊肉湯拉麵麵質好彈牙，湯非常濃郁，羊肉都好夠味道小籠包雖然要等，但係真係好值得，可以叫做其他或者冷盤食住先，今日我哋係兩個男人去食，食咗兩個麵兩籠小籠包真係好飽，我哋食嗰陣係下晝4:00都不停有客入嚟，證明真係區內都有啲名氣😃…Read More

一直有食開泰巷，今日一去發現已經轉咗招牌都心知不妙，冇辦法老人家已經坐低咗，費事轉餐廳，一坐低就係咁推銷佢地$555購物現金券，又話好抵好抵，一個爛鬼禮盒同埋兩罐鮑魚，再加一堆現金券，見店員推銷得咁落力，唯有俾錢.叫咗幾個嘢食如下👇🏻豬頸肉沙律份量已經唔係多，味道仲要咸到超晒標冬陰功湯分量出奇地少，只係兩個大人飲都唔夠，味道當然唔係正常冬陰功嘅味道啦，應該都係現成攞貨.香茅雞翼雖然有六隻，但係都係細得可憐同麥當勞啲香辣雞翼差唔多size，味道都係好鹹，而且啲肉質唔知點解好淋，一啲香脆感覺都冇燒雞肉炒貴刁上到枱係明顯唔係即刻炒已經攤凍咗，夾起上嚟仲癡到一嚿嚿，啲雞肉唔使講都係凍凍地㗎喇食到一半我個女已經覺得啲嘢唔啱食，我有叫多半隻海南雞加油飯一上枱都個賣相非常差，已經唔想影相啦，其實碟雞都要$128仲要加$25個飯，份量已經少，隻雞仲一啲脂肪都冇，肉質鞋口同食急凍雞扒冇分別，講埋個油飯先至嬲，個飯明顯係兩兜飯混合（有軟有硬），再如啲黃色嘅油落去而且一啲香味都冇我絕對唔會再幫襯呢一間餐廳…Read More

早前朋友聚會食過,好記得入口好鬆脆,而入面夾住的餡料真係好似雪糕,真係好難忘,有日咁小啱行經佢哋鋪頭見到佢哋推出左幾隻新口味,當然要買返幾件返屋企慢慢品嚐,今次買左佢哋皇牌的抹茶味,開心果草莓味,芝麻味,仲上之前一試難忘的蘭姆葡萄味,店員提醒可以放在冰箱保存5-7日,我即時放心去買,不過一定要室温解凍15分鐘,先講抹茶味真係好濃郁而且仲有小小的麻糬在中間qq地,10分滿分的話我比10分,之後再試的蘭姆葡萄味,入面一粒粒提子酒味好濃郁,超正…Read More

琴晚小弟同老婆收工行經油麻地,見落雨淋住近近地搵間餐廳食個麵,都比較過對面街另一間又係賣清湯腩既食店,見呢間門面裝修好小小又大大隻字寫住4年米之連推介就入左去食,入到去人客唔多但座位都好迫下,叫左1個餐再加個粉麵,價錢算ok,首先來到碟咖哩牛腩,我同老婆一睇都似食開大埔果間咖哩牛腩,點知我落隻勺了下碗野,真係見唔多見到有牛腩既,主要係得d零零碎碎既有肉粒同幾粒薯仔.之後來左個清湯腩河粉又係得幾粒牛腩,我相信係我平時食開既3分1份量,份量唔多唯睇下個味道有無得搭夠啦,點知都係失望,牛腩又鞋有無味,仲好意思叫招牌清湯腩,湯就就味精溝出來,無乜牛味.跟住個餐跟既小食都係無誠意既,麻辣牛肚只不過係3大舊牛肚上面迪左3迪辣油,咁既話不如洗小隻碟好過,再跟住到碟菜,個菜頭黑曬都唔切左佢,照淥比客食.總結我建議大家可以唔使再幫襯.食其他鋪頭好過,唔好比佢個招牌同鋪頭裝修坤左.如果有得比分數我會比-100分…Read More

同事知道我好鐘意食辣野,所以推介左去川味雞試下,佢話自己差唔多個個星期都去食,仲推介一定要試佢個招牌口水雞,包我一定上引,加上近排咁熱既天氣,呢d冷盤啱曬.上星期五一收工即刻約左我愛人去開餐,一去到門口見到有部hoegaarden啤酒機,唔使講即刻order 一杯降溫先,之後我地order 左同事推介的口水雞,滑魚皮,牛展,做頭盤,一上台見到紅卜卜的口水雞汁已經流曬口水,一夾入口第一啖已經感受到辣椒油的香味,再接著而來仲有淡淡的花椒麻香,雞肉細嫩,再加上花生的香口,我忍唔住要夾多舊,四川菜我都試過好多間,尼度的口水雞汁多左一種第二度食唔到的味道,文字上好難型容.值得一讚,之後我地再order左烤魽魚,雖然魚肉不算多,但魚肉肥美,加上辣湯烤煮都十分之不錯,總結整餐晚飯我同女朋友都十分滿意:).…Read More

垃圾~~~~~~先講服務~~~~今日我地5個同事落去食lunch,真係以後都唔會再去羅!首先個侍應態度極差,我地五個人叫4個set 因為有2個唔肚餓,點完菜之後用不禮貌的語氣仲不停追問幾次,使唔使叫定杯野飲一陣叫左set計返你餐飲,你唔使飲野咩!,你唔食野嫁?,驚我左佢地做生意甘,但係間餐廳仲有大把位,未爆!再之後我格離位問尼位侍應哥哥拿1杯冰水(因為杯coffee太甜),佢就拿2杯水過尼,仲問係唔係要2杯水tim頂佢!!!到找數的時候仲好笑,佢話:(尼位老細,多謝你xxx元),唉~大佬尼度都叫做高級小小的餐廳尼嫁喇(以價錢計),點解會好似身處大排檔甘?再講野食~~~個蘋果豬柳意粉真係好難食,d汁好似醋甘,塊豬柳好似煲過湯甘,直頭介口,講真尼d野茶餐廳都整得好過佢!!!其二,個龍莉柳真係好細碟,又有雪櫃味,又梅,薯條算ok, 不過可惜得幾條,成個set女仔食都唔會飽唉~~~~總括尼講都係有一次無下次各位食家小心小心~~~~~…Read More