June_Chia's Profile

見左喱間野都好耐，終於有機會黎試吓。晚餐7點到，剛好不用排隊。叫左個slow cow招牌，加了蘭王蛋，跟紅酒汁。本來圖片幾吸引，都好期待味道。結果全碟野，牛肉吾熱，又乾。白飯都吾熱，微暖咁啦，又乾又硬。蛋黃冇蛋香冇乜味，得個色，好失望。我用少過1/3的飯用來拌蛋黃，因為吾想溝得太薄，結果隻蛋黃冇味冇蛋香，食完都吾知自己食左啲咩。醬汁好咸，好彩是另上的。整體黎講，好失望，當係為個飽肚可以，但你想食個熱飯，或者想食碗好飯，真的不了…Read More

以前都會不時食吓喱間，因為幾抵食。近兩三個月不順路過來沒有吃，今天終於有時間再黎。食番海南雞飯，可惜已經質素不如從前。雞肉是爽到sok sok聲咁，肉質好奇怪，又完全冇味，吾知佢啲咩我食。油飯也不如幾個月前的味道，又乾又硬，差左。今日樓面姐姐有兩人在咳，不停咳咳咳，一邊上菜一邊咳，都吾好話吾驚。仲有個後生仔樓面係度同呢兩位病了的店員打鬧，笑佢地係度咳，然後自己係度扮咳，又多一個人向啲食物咳。吾會再黎。難怪星期五晚餐也只有一半人客。…Read More

平日5點happy hour ，海旁路過想飲野，附近冇太多選擇，所以見到有128 happy hour package就入左黎。一請侍應過黎點餐，就出問題。態度好寸好差好負氣，兩款mocktail，一杯叫violet 什麼，一杯叫pink fizz，問佢分別咩味。一句好負氣：“甜嘅酸嘅”，四隻字，真係精簡。點完餐，收餐牌係搶嘅。我叫左pink fizz，係raspberry soda，和薯條。朋友叫左white wine and churros。然後個侍應都可以兩分鐘後番黎，又飛一句過黎：“紅定白話？”真係有趣嘅服務。飲品食品係ok的，合格以上啦。起碼薯條係熱住上嘅。…Read More

星期五晚，餐廳都只有4成滿。7點半入紙點單，等成45分鐘，到8:15先開始上菜，好慢，好混亂，各枱人都開始鼓燥，店家只能抱歉說廚房處理不到。店員自己也很混亂，認不得枱號，有上錯菜。因為忙，上菜是掉到你枱上的。或者隨便放下不是你枱的菜在你枱上，回頭再拿走送去另一枱。等到1小時多也只上了3-4串，不想再等，未上齊野我也直接埋單。但單論食物的話，串燒是燒得好的，上菜夠熱，調味也不錯。然後我直接去了附近其他餐廳再吃一餐。…Read More

一家人去吃早餐，叫左三份麵類通粉類沙嗲牛肉麵，蕃茄湯通粉，白汁雞扒意粉。睇黎各款麵類都會俾幾粒南瓜粒。我地都中意食南瓜，可惜喱個南瓜真係冇辦法食到，生嘅 好硬，我後生仔就咬落sock sock聲，我阿公吃直接咬吾開，生到呢。:(其他食材，麵，餐肉，蛋就正正常常啦。蕃茄湯底似開出黎，幾淡，冇乜誠意。黃埔有好多茶餐廳對比，咁冇必要食佢，試一次就不打算再吃了。上菜幾慢，15分鐘以上才上菜，放假吾趕時間還好，不過平日午餐如果都呢個速度就為大家擔心了。好在新舖頭，環境乾淨，座位也不錯。…Read More

事隔半年冇飲，今日天氣凍想飲杯野，稔起冬天可以整杯chai latte就正，所以黎買come buy。一向好中意柴茶，見到廣告牌有聖誕推介，柴茶鮮奶小芋Q。今日杯茶，茶味好淡，奶好薄，難飲，好失望，差過以前好多。個人覺得小芋圓嘅味道吾夾柴茶。今日杯芋圓仲要痴埋一大舊，已經一路飲一路keep住搞吓，都分吾散佢，好多芋圓都吸吾到，被逼浪費左一半，知早吾要小料，浪費錢。及芋圓本身都冇乜味，又吾甜又冇芋頭味。後悔冇照常要珍珠。整體全杯都差，只能永久放棄這間了。…Read More

早餐11點，去外賣一份三文件，跟熱檸茶。在門口等了20幾分鐘，入去問成3次，都話就有就有。我後面黎左兩個人，都係叫外賣，餐大份過我的，每人兩袋，都早過我出餐。走埋，我都未有得攞。最後入去，話等太耐我要退錢，先再慢慢幫多兩枱堂食的上了餐，才包我的外賣仲話，佢地嘅三文治吾係普通三文治，所以要等。真係睇吾出有幾特別，有幾吾普通質素就係一個普通嘅三文治最特別就係一份三文治都要等成20幾分鐘。有時間嘅你，歡迎慢慢等外賣用餐體驗極差我就吾會再幫襯啦…Read More

行完街，攰攰地想坐吓，見到有未試過嘅喱間台灣野，價錢合理，所以就入左去。6點前入座，坐落發現原來仲有下午茶，馬上落單。三個人，叫左迷你牛肉麵，迷你滷肉飯，同咸牛肉蛋餅。牛肉麵正常，吾錯，牛展好淋。滷肉飯個分量都成兩碗飯咁多，一啲都吾迷你，好抵食。蛋餅都好大份，有啲木魚碎同有汁，甜甜地，好食會再encore食到一半先記得影相唯一就係有加一，不過店員哥哥們都態度好好，又肯俾水俾空碗我地幾個人分享黎食，都ok啦。…Read More

態度惡劣，吃個飯俾人趕，咁受氣法如果大家想去俾人鬧，就去囉原本想吃的餐廳休息，只能附近看看有什麼吃。晚餐時間，叫份扒，成25分鐘才上菜。沙律餐包，牛扒，凍飲，食物正常。普通街坊食店質素。但是服務好有問題吃到半路，要你埋單趕你走。限時45分鐘，係有寫係旁邊，但入門冇留意到。你仲要成25分鐘先上菜，點食得切。仲要個場得一半人，仲有幾張空枱都要趕你走。ok，點到要我埋單離場，咁咪走囉。然後竟然鬧我食吾完，剩晒係度。餐包冇食，竟然鬧我，話要罰錢。你又吾俾時間我食，咁咪掉左佢囉。又吾係自助我攞多左，個餐價包埋咖。同埋冇任何地方寫明有條款咖。結果拎走左個包。…Read More

3月到訪餐廳，有部分產品折扣優惠，openrice 訂座可以使用優惠。到店看到店面也有列出該優惠餐牌，應該walk in也可以使用。首次試吓喱間壽司店。和牛壽司可能因為係薄切，所以上到黎已經凍。海膽一般般，沒有怪味，但也不鮮甜其他刺食質素正常，合理，沒有驚喜。waiter要叫先識加茶。座位背靠牆，牆後面是商場。食到一半，餐廳外（剛好是我們背後的牆）的廣告板掉落。職員去牆外上釘裝番，打釘裝修聲1分鐘左右。冇預計一路食飯一路係我後面裝修，體驗很差。剛好旁邊有枱小朋友，充滿尖叫，用餐體驗一般。兩人最終消費近1000…Read More

店舖係棉登徑路尾，真係好吾起眼，差啲就miss左。拉麵只有三款湯底：醬油，雞湯，黑蒜油辣味噌我就叫左雞湯（少油走青硬麵）雞白湯底，有油脂味有肉味，flavorful 但吾咸。本人遍淡口味都可以成碗飲晒。湯微微粘口，但冇其他出名雞白湯嘅店嘅湯咁粘稠，各有特色。雞油我稔應該要叫番正常油量會再香啲。味玉半流心蛋黃，橙紅色。有醬油味，剛剛好，吾會太重味。襯托都蛋黃香濃又吾會搶focus。豬肉軟身吾肥。麵條就正正常常，冇咩特別。…Read More

已經是第二次來訪第一次吃了肉眼牛扒和pizza，不錯，合符價位，但未至於有驚喜，所以沒有寫食評。今次二訪，兩道菜都有surprise ，值得推薦。燒豬腩肉南瓜意大利飯，除左燒豬肉和南瓜，飯裡還有kale，榛子，南瓜籽，bacon脆粒，肉粒。食材豐富不單調，每啖都有好多料，吾會得南瓜同飯咁悶。豐富到食左半份飯，先至留意到原來未食個燒豬腩肉。甚至我覺得其實喱道菜吾放燒豬肉，改素食都冇問題(我本身冇中意食素)。這道菜比較注重食材原味，我自己好中意菜式反映番食物原本嘅味道，吾需要咩醬汁調味，南瓜的甜，兩款果仁各自不同的nutty的味道，bacon少少咸脆脆地，好味。朋友係叫左羊架，我都試左兩啖。羊架肉質好嫩好軟，但又吾肥，亦好容易拆骨。好多時羊架要淋都會有肥膏。中間有微辣bbq sauce拌菜，豆，珍珠洋蔥同肉碎，都吾錯。…Read More

係google map見到評分高，上openrice 見訂座有9折，所以晚餐拍拖黎試吓。本身見到有負評有啲擔心，不過入座見到有枱 身光頸靚嘅，有啲年紀嘅貴婦同西裝佬(吾係打卡OL)，黎慶祝生日，反而感覺應該有信心。waiter好禮貌，服務好好，入座有幫忙拉櫈，有即刻俾籃我地放手袋。拉櫈呢吓真係旺角啲餐廳冇咩見過，冇稔過旺角樓上舖都可以遇到有好服務嘅。入座同我地介紹menu，今晚二人套餐有88折，所以叫左呢個。小食拼盤分量都吾少，波菜芝士焗蠔好味。雞翼炸物係正常嘢，ok。餐湯蘑菇忌廉湯，係打成蓉嘅蘑菇湯，好味，好濃。主菜揀一飯一肉，我地叫左軟殼蟹龍蝦汁意大利飯，同缽仔燉牛肉。龍蝦汁飯好大份，飯量有兩碗飯，有撒啲櫻花蝦，食落飯冇咁單調，除左龍蝦汁味但不時咬到櫻花蝦有少少甜，我中意。軟殼蟹就係正常味道。缽仔燉牛肉，酥皮面好酥好脆，牛肉好多，比想像中多，有成10舊左右，我地都食吾晒啲肉。肉好淋好軟，一叉開就散開，完成吾怕韌，缽仔底仲有薯仔蘿蔔白椰菜花，好味。跟餐甜品，我地冇加錢叫tiramisu ，就試左泡芙同焦糖榛子蛋糕，吾係自家整嘅貨，不過味道ok，正正常常。有折再加番一，800蚊兩個人，我覺得ok，會再黎。係旺角食個咩打卡cafe，晚餐都成300蚊位啦。喱度有服務，食物有質素，掂…Read More

路過尖沙咀，天氣凍，想食麵，稔起喱間bookmark左就不如順路黎試吓。落單叫左個並盛龍蝦沾麵，同加大嘅元祖芝士海膽沾麵。未上菜，收到單已經覺得奇怪，張單係龍蝦沾麵下面寫280大面，叫住個waitress 問，我話我要細新蝦沾麵，問佢係咪落錯單。佢話啱咖啦係喱個。可能我蠢在冇搵本餐牌同佢對質，對吓咩叫大 咩叫細。結果上到黎好大份，埋單都見到係俾人加左15蚊做大面。算吾算扮溝通問題強迫消費？menu都冇寫收茶錢，雖然錢吾多，但又係冇被通知就被消費左。元袓芝士海膽沾麵，只有一片海膽，大家留意餐牌上嘅圖 係圖片只供參考啦～龍蝦湯底到食完凍左都係維持良好suspension 狀態，各位識食朋友們，做catering 嘅朋友們，就可能睇得出 好可能係湯粉開出黎suspension。個味道都好類似啲大批發品牌龍蝦汁粉:(，咁冇必要黎食。…Read More

本來想去食cafe，但原來今日吾開門。都已經肚餓，就只有逛吓睇吓有咩野食。路過喱間WM vafe，見到裝修乾淨企理，又未試過，打算當一般茶餐廳，以沒有期待會有什麼好東西的心態入座，只係為左肚餓有野食落肚。叫左午餐A，西冷牛排配意粉。切開牛排生，生吾係問題，平時都食開medium or medium rare，但喱個切開生肉暗暗黑黑咁，好吾開胃，全部切開食左20％就掉左其他。都吾係特登要浪費，但冇辦法，食要落。意粉普通，茶餐廳質素，沒有期待過，所以這個沒有失望。…Read More