JacCharcoal's Profile

好耐冇食過咁有水準嘅鑊氣小炒，以前細個同屋企人去食大排檔嘅回憶即刻返晒嚟！呢度啲小菜好夠鑊氣，食物一上枱果陣香味已經令大家急不及待起筷。呢度啲煎炸嘢鬆化得嚟又一啲都唔油膩，我哋食完碟椒鹽白飯魚，都忍唔住要叫多碟椒鹽鮮魷。海鮮嘅火候都啱啱好，不過想食海鮮的話，記要預早同餐廳講，等佢哋預備食材。另外一提，就係呢度嘅乾炒牛河非常有水準，一定要試雖然係茶餐廳，但堂食嘅位置都好闊落，除咗靠牆嘅卡位，中間仲有幾張大枱，一大班人柴娃娃去食飯都唔會話好迫。…Read More

明明叫4個餐，到埋單就靜靜雞加多一個餐錢，佢話我哋5個人要俾5個餐錢，但全程至埋單佢冇講過每人要點一份餐，如果你需要每人點一份餐，我哋可以多叫一份，而唔係你唔出聲自己加個餐落張單，要我哋俾錢。🤬🤬🤬食物方面亦唔係特別好食：蘋果沙律黑醋汁勁酸；吞拿魚沙律就灑咗好多鹽上去，非常咸😖；蟹肉意大利返啲飯太淋，冇蟹肉味吞拿魚pizza用咗少量罐頭吞拿魚，焗完之後又乾又鞋；油鴨比同埋牛扒叫做正常啲，但亦都唔係特別出色叫佢比幾杯水，我哋去就俾咗一壺熱水，之後埋單先知熱水收咗$30😒餐飲叫咗杯凍奶茶，拎埋嚟啲奶多到我以為係好立克；凍檸茶得一粒冰同一片檸檬，乜而家啲檸檬好貴咩？叫凍熱咖啡各一杯，order完過咗5分鐘走埋嚟再問你要凍定熱🤦🏻‍♀️👎🏻👎🏻👎🏻以平均$150一個餐計，咁嘅質素、服務、收費、同埋經營手法，尖沙咀大把好過佢嘅選擇！…Read More