kyukyukimkim's Profile

已經係老顧客☕️之前幫襯過Wanchai, Quarry Bay, Tsuen Wan分店~今日搭船睇下附近有冇好嘅非大型連鎖coffee shop竟然發現信徳有coco espresso!但係搭船永遠都係last minute好驚買唔切 之前有個app可以㩒定但已經執咗 抱住一絲希望係地鐵站打俾店員姐姐佢好好人俾我電話落左杯💓最後上黎俾錢即刻拎得☕️Nutty咖啡加oat milk係我至愛🤭好香咖啡味! 價錢又合理 大杯轉oat milk只係$46🫢…Read More

如果想係旺角油麻地去一個冇人嘅咖啡店非常推介過嚟 呢度係一個旅遊健康推廣嘅地方 所以會有一啲日常包紮+急救用嘅產品賣~ 雖然有啲奇怪但呢度係有一間coffee shop今次第一次黎點咗杯flat white 飲落去用嘅豆幾唔錯~ 偏nutty~ 價錢都係正常價 一般嘅white coffee都係40左右咁！而最重要環境好似去咗台灣嘅誠品咁 但少人版可以喺窗度望住下面好多人，但係享受寧靜嘅地方正！都埋因為冇人唔會趕你走 我坐到唔捨得走…Read More

之前經過呢間**超級**pet friendly一直都好想試吓 今日有機會去南豐紗廠就諗住試吓佢我12點半入去大約8成滿 剩返兩張四人枱同一張二人枱 我就兩個人帶住一隻哥基, 咁職員就安排二人座位俾我哋。繁忙時間，留四人枱比其他人，我覺得都合理 所以我叫佢比多張凳我俾狗狗坐 佢就同我講 "你隻狗都唔係細隻，仲要按排凳俾佢？" 我聽完呆左呆 唔明點解一間寵物友善餐廳會講啲咁嘅嘢？但我冇理佢 諗住我哋自己搞掂就算。1分鐘後同一位職員又行過嚟同我講話我隻狗阻住佢擺貨嗰條路 叫我自己移返隻狗走，"唔該你移過啲你隻狗,因為我驚佢咬我" ...跟住我移過左啲佢仲大大聲叫隔離張枱要移 話我阻住咗條路大佬 你句句都針對住我同隻狗 我都係唔食啦…Read More

今次係第二次幫襯大圍呢間無辣不歡 上一次係佢啱啱開張冇耐 果次等咗20分鐘買個手撕雞腸粉 今次以為自己醒啲就用外賣平台一早訂定takeaway 系統顯示話要等15分鐘 好！我20分鐘先到到咗就行過去問職員 佢問完我咩號碼就同我講一句"有排" 我企多5分鐘覺得唔對路就問多佢一次 佢就大大聲問廚師仲要等幾耐 廚師就大大聲覆返佢話起碼要等多半個鐘！但係明明啱啱有個客買完都係話等20分鐘咋喎 點解我變咗要等一個鐘嘅？ 我就問佢如果真係要等半個鐘可唔可以取消我張單 佢就同我講叫我自己聯絡fxxxxxxxa... 最後我搞咗論都係取消唔到張單 我就等咗9個字先拎到一盒腸粉之前喺葵芳都幫襯過呢間唔少次數... 一直都係覺得佢又好食又有心做嘅小店 但係呢間分店真係幫唔落 等嘅時間長唔係問題但你太多單就唔好接第三平台嘅單啦 同埋店員態度幾差 就算好食到飛起都冇用...…Read More

自己一個人食飯當然會想食得快靚正 本身諗住食譚仔就算,但係難得出旺角不如搵啲其他地方食唔到嘅嘢 上openrice唔打唔撞就搵到佢啦~本身超級中意食麵同飲咖啡~ 但係呢兩樣嘢通常唔會係同一間舖頭出現... 難得呢間餐廳呢兩樣野都有！梗係要試晒佢嗌咗個清清哋雞湯面同一杯本地烘焙咖啡~ 兩樣都非常出色呢間餐廳係自座scan code落單, 可以落單嗰陣時揀埋要唔要奶,糖同冰. 咖啡係偏fruity但係加完奶都非常夾! 好後悔冇嗌杯大杯嘅碗麵超足料三塊大菇, 五舊竹笙, 雞肉,雲耳,小白菜...仲有流心蛋 全部材料食得出都係好有心機去準備而且非常新鮮! 麵係幼拉麵 可以改偏拉麵🍜 落單時仲可以揀硬度, 只係少少不足之處就係食到後期啲麵就會霖咗 可以再煮得硬啲啲~ 店員全部都好friendly, 服務好好, 好耐無食過間全5分餐廳啦 本人覺得好食過大圍好湯好麵~ 一定會再返黎試其他食物🤭…Read More

呢排開咗唔少餐廳cafe搞到住附近嘅我表示好開心 禮拜六中午去到周圍都好多人 就求其揀咗呢間cafe試下先禮拜六冇lunch set,價錢屯門黎講係有少少貴一杯dirty加個麵就$143... 係九龍嘅價錢黎熱啡同凍奶分開上嘅Dirty我係第一次見, 仲要係用紙杯冇得俾我打個靚卡~ 但整體黎講咖啡豆係nutty, 好飲.烏龍冷麵撈咗好多汁同超多蟹子,配埋兩粒帶子, 好適合熱嘅天氣食. 仲有南瓜同其他蔬菜令到個麵好健康感覺冇乜負擔 啱晒女仔食! 份量都ok食材都非常新鮮~唯一嘅問題係廚房抽油煙機功能應該唔係好好, 食完個人成陣油煙味(炸雞翼嘅油煙)仲有就係希望店家用返啲可以循環再用嘅碗碟,環保啲就好啦!!…Read More

中環IFC嘅餐廳大多數都係連鎖式 今次介紹嘅就係香港比較少見嘅福建菜餐廳 難得又唔係藍店唔係連鎖就決定試吓佢🙈平日中午12:45去到等左15分鐘就入得去 上次有試過高湯燜炒純米粉 味道比較淡 雖然跟嘅辣醬加左唔少分 但係性價比太低 今次叫咗高麗菜五花肉燜飯 套餐價錢$128 包一碗湯同一份小食 冇加一情況下一次半次都接受到嘅...呢間餐廳食物味道普偏都比較淡 適合冇咁重口味嘅人 碗飯嘅配料（尤其係肉同聖子仔）唔算多 但係勝在健康少油同多一點菜 小食方面我叫咗炸黃花魚 由於應該係一早就炸起咗所以唔太熱氣 湯係排骨松茸湯 雖然飲落清清地 但係十分之足料 同無乜味精味除咗餐點以外,每個客人都會送一小杯COLD BREW食物擺位幾精緻 雖然價錢唔平但係如果想食得舒服同淡一D都可以考慮試下…Read More

最近轉咗新工梗要周圍試下新餐廳~ 中環附近嘅午餐一般都係要差唔多一舊水🥺 嚟排天氣比較熱，食越南檬粉就最適合不過~ 我同朋友大概12點35到, 前面已經排緊6張台, 等咗差唔多20分鐘就入到去~今次試左燒豬肉檬粉同凍越南咖啡 檬粉份量黎講女仔就足夠嘅 但係男仔可能就會覺得偏少🤭 燒豬肉其實就好似豬頸肉咁樣半肥瘦 所以食落都唔會乾 配料方面落單時都可以因應自己喜好去調整 嚟方面好貼心 有啲似去左拉麵店咁~ 檬粉比起平時食嘅粗（望落有少少似米線）加埋酸辣汁就令到更加開胃 越南咖啡就普普通通 雖然加咗煉奶但味道都係偏淡 唔係好似係越南飲過果種買單一共$116, 整體黎講檬粉稍貴但係係中環黎講呢個質素都算係咁 雖然午飯時段坐得迫但餐廳都算舒服 過多排可能會再黎~…Read More

宜家係香港旺區要搵間唔洗點排隊又坐後舒服嘅cafe真係難上加難 嚟間都算係小數符合以上條件嘅cafecafe門口都係用落地玻璃所以入面好光猛 而且啲座位都非常闊落 坐得幾舒服我同朋友都叫咗兩款嘢食同兩杯咖啡 我叫嘅係蝦包 佢成個擺盤都好多食用花同其他香草 令到個包好似個小花園咁 但係份量就十分之少 得一片包... 味道就幾好 食得出廚師係有用心準備 麵包唔會乾同硬 上面仲搽咗柚子忌廉芝士 好開胃 四隻蝦都新鮮 少少辣味令味道更有層次朋友叫嘅雞蛋漢堡包 同我果碟一樣 擺盤都係非常之靚 番薯條點黑松露醬好好食 大啡菇都好多汁 呢碟份量反而都ok~杯咖啡落單時可以揀fruity/nutty 味道不過不失 整體黎講如果男仔/食量大啲就唔會夠飽如果係想搵個地方同朋友傾吓計食少少野 嚟間都係唔錯嘅選擇~…Read More

前排啱啱開返晚市又放寬咗可以4人同枱食飯，梗係要抐返間特別嘅餐廳食吓 咁啱見到嚟間新開嘅餐廳係fb有廣告 訂位仲有八折添 就試試佢啦~好彩禮拜五晚有book位姐! 基本上八點左右都已經無walk in位 座位分別有卡位同bar枱 今次3個人食就有卡位坐餐牌上面大部分嘅食物都加咗cbd 如果有特別要求可以掃qr code落單時寫低蜜桃乳酪沙冰好好飲同幾大杯 平時飲開微糖嘅我都唔會覺得太甜 蜜桃重過乳酪味第一款小食係西西里式老海灣釀烤吊桶 上菜第一個諗法就係點解條魷魚咁細嘅！？ 味道方面都ok 魷魚入面釀咗啲魚醬 反而啲薯條更加好食叫呢款小食嗰陣時都唔知原來魷魚會配薯條 嚟碟薯條同頭先嗰碟一樣 口感味道似扭扭薯條(粗版) 白醬唔係好夠咸 但係海鮮份量都幾多 食到有魷魚粒同青口粒嚟碟柚子漬三文魚半熟吞拿魚赤身珍珠飯係全晚最好食嘅一碟 首先魚嘅份量非常多 仲有半熟蛋同菜 最驚喜係炸咗一粒粒嘅椰菜粒 平時如果就咁煮會好苦但係炸完好易入口 仲令到口感更加豐富 柚子味嘅三文魚加搽咗辣醬嘅半熟吞拿魚超好送飯 啲餸多到好想叫多碗白飯嚟個意粉嘅味道比我想像中差 煎蠔食落係幾新鮮嘅但就同個意粉唔係好夾 忌廉汁又好少 令到碟意粉偏乾 好彩wasabi味夠出 唔會好膩最後就係千層酥 平時出面食開嘅都有三層酥皮 嚟度就大塊啲但係得兩層 味道方面中規中矩啦 酥皮非常脆但係就偏薄 又冇乜牛油味 上面嘅開心果忌廉同芒果都幾清新幾夾八折後每人$240 尖沙咀來講都唔算太貴但係味道就小失望 之後睇其他食評發現可能係冇叫到佢地主打菜式 如果有機會都會想試多埋其他菜同埋啱啱開業 人手安排都未係好夠 我地碟意粉係等咗75分鐘先上 我見有啲枱漏單情況都多 趕住/急住走嘅人就可能要係咁催單啦…Read More

一直係某社交平台都見到好多人講嚟間日本過江嘅麵包店 難得今日約咗朋友食下午茶又係閒日 最適合不過試啲平時好多人排隊嘅餐廳排咗大概20分就入座 限時75分鐘 一入到去就決定三個人就可以試9隻jam, 由於有個fd對水果jam冇興趣 所以就決左試其他口味~~咖啡唔算好特別 偏nutty 拉花都唔係好靚... 小失望上到枱先發現啲jam嘅顏色差唔多樣 睇黎真係要挑戰下自己味蕾 極生麵包比起一般白方包真係香好多 好重蛋同奶油味 上到枱已經烘到金黃色 下面仲有塊鐵網令到包唔會因為水蒸氣所以濕咗黎到jam嘅部份 就由最好食嘅jam開始講起5分以下嘅都唔推薦試！冧酒提子(8/10) 冧酒味好重 同烘過嘅極生好夾伯爵茶(8/10) 濃濃嘅茶味 唔會過份甜Opera(7.5/10) 本身以為係普通嘅朱古力醬 但係食落又幾濃又有少少少少酒味 品會過份甜 (朋友's choice jam嘅第一位)黑芝麻(7/10) 本身唔係好鍾意食黑芝麻 嚟款黑芝麻味幾香口又唔會太重太甜抹茶(5/10) 冇乜抹茶味 同有少少過甜 韓國o sulloc出嘅jam仲好食過佢榛子, 開心果 (3.5/10) 兩隻都食唔出果仁味 唔係因為顏色應該唔係好食得出 黃豆粉, 牛奶煉乳 (2.5/10) 只有甜味 而且呢兩款食咗幾次都係同一隻味:(我仲買咗一條極生麵包同一樽冧酒提子jam走 五十蚊條極生包比起其他麵包店一啲都唔算平 但係分開食咗成5日都可以keep到店嘅水準(自己有烘返熱佢)！ 同埋自己切舊包先知佢同外面普通麵包嘅分別 就係會有少少癡粒粒同重奶油味 整體黎講係有驚喜！下次經過條隊唔係好長都會想買嚟食多次…Read More

之前都有黎過page common兩次，就算係3點黎都試唔到佢嘅tiramisu 今次係附近食完晏決定黎碰碰運氣 估唔到真係試到啦！每次排隊前都會走上去問吓職員tiramisu仲有冇~ 免得浪費時間。排咗大概十分鐘就有位 亦冇minimum charge.十分推薦tiramisu! 雖然份量唔算大 但係擺盤同味道真係滿分！上面嘅cream打得好細滑 加埋可可粉好似一張被包住佢Tiramisu整體黎講一啲都唔會過甜 酒同咖啡味好平均 手指餅四邊都有浸過espresso 但絕對唔會浸到過濕 仲可以保持到蛋糕嘅口感 啱晒一個人自私食~食完甜品飲啖cold brew chamomile放鬆下，係一個完美嘅下午茶以酒店同味道黎講 嚟個價錢都可以！會有下次…Read More

計吓計吓都有成一年幾冇去過韓國，今次去試一間平時係香港都比較少見嘅韓式中華料理一入門口就會見到原來分咗兩間餐廳，左邊係bong樓而右邊係食韓式燒烤為主嘅餐廳。一部分員工都係韓國人，bong樓嘅食客7成都係韓國人，感覺非常正宗！睇完個menu就知識揀一定係揀食中午套餐！因為真係大件夾抵食，平均每碗麵加十蚊就有多碟肉！炸醬麵同我係韓國食嘅一樣味！黑豆味濃，而且好香洋蔥豬肉味。唔好睇佢個碗好似好細，個麵餅真係超大舊，男仔都會食得飽！朋友叫嘅辣海鮮麵，海鮮嘅份量超足料仲有唔同嘅蔬菜。海鮮湯唔會好辣而且有濃濃嘅海鮮味，勁鮮甜。麵嘅份量都算多，非常適合食量較大嘅朋友。第一次試嘅干烹雞。舊雞肉炸到少少硬，食落唔係好似雞肉，但係醬汁又酸又甜又辣，超開胃！糖醋肉都係同韓國食嘅一樣味，但係就略嫌有少少凍。加十蚊嚟講真係超大份！相比起黎講，我比較中意干烹雞，味道更加多層次。兩個大食嘅女仔最後係食唔晒，剩返低一整碟肉要拎走。香港地黎講，一碗麵都要八九十蚊可能未必係最平，但係真係比較少有韓式中華料理。十分推薦又大食又熱愛嘅韓食嘅人…Read More

入到長洲雖然好多好嘢食 但係冇阻我返兜食餃子嚟度真係餃子控必到~ 第二次黎 今次係四個人食所以可以試到多啲口味 嚟度煎餃比較似炸 但食落唔會太油 加上每張枱都附有醋同辣菜脯 但係因為餃子都較重口味 朋友都建議試吓原汁原味享用先再決定要唔要加醬禮拜日去要排大概半個鐘因為鋪頭都比較細煎黑白土匪餃(8隻連酸辣湯)$63獨創口味 餃子外層重孜然粉味 口味幾似譚仔嘅土匪雞翼酸辣湯偏酸 味道唔算好特別 可以唔洗試煎原隻鮮蝦菠菜餃(8隻)$59蝦仁大隻又新鮮 配埋菠菜個餃子勁多汁煎鹹蛋黃黃金餃鹹蛋 (8隻)$59好少見嘅配搭 會比其他煎餃油 入面都係爆多汁 要小心唔係好易辣襯嘴煎印第安餃(5隻)$35期間限定！餃子上面有辣椒 但係餡唔太辣 味道有啲失望 唔及其他口味特別五香芋頭臘肉餃(8隻)$54期間限定！係今次唯一一款叫嘅蒸餃 味好香五香粉 口感亦充滿芋頭同肉餡嚟度餃子口味款式真係算多又特別 雖然價錢唔係好平 但係偶爾嚟到長洲都可以一試…Read More

朋友一直想食hemma啲cheesecake，終於得知係九龍區有得食，仲要係長沙灣附近，襯冇乜人知新開就𢲡𢲡臨去試。Cafe裝修有格調，閒日3點就完全唔洗等位就入得。冇限入座時間但係冇wifi提供兩個人嗌咗兩杯咖啡兩件蛋糕。其實都好想試bagel，但係今次係食完飯先黎，就食唔落啦。Ice-drip Latte我都係第一次聽，問咗店員先知原來係濃縮啲嘅咖啡再加鮮奶。今次叫咗小冰但係都係仲有好多。可能因為我唔太鍾意飲濃縮嘅涷齋啡，所以嚟杯飲品唔係好啱我心水。(以為latte就係多奶...)反而fd子杯mocha真係幾正，又香又濃。黎到最驚喜嘅basque cheesecake,今日咁啱又係我哋兩個想試嘅口味:原味同冧酒提子。原味芝士蛋糕好香，重蛋味，唔會太過甜。但係一山還有一山高，冧酒提子芝士蛋糕個酒味超濃，提子乾都幾足料，中間超級流心，望住個樣已經好治癒 好啱酒鬼試~兩個人食兩件蛋糕真係有少少飽肚，建議下次兩個人可以嗌一個主食一個蛋糕。…Read More