Ftammy66's Profile

呢間日式餐廳開咗約1，2個月，有日買餸經過，停低望咗陣餐牌，見到定食幾吸引，同價錢尚算合理，就排隊拎飛等位，等位約10分鐘左右，裏面環境同座位分隔十分舒適，我地點咗以下嘅餐（1）連藕免治雞肉丼套餐 $138 餐裏有豆腐凍盤，1碗湯烏冬，同埋南巒炸雞，主食係煎連藕免治雞肉餅，食落口連藕粒好有口感，肉餅非常香口（2）美人鍋套餐$168 湯底我選咗我最鍾意嘅壽喜燒湯，但味道不算突出，有少少失望，我選咗明太子芝士免治豬肉，雞肉并豚腩肉，兩款肉類正常，同埋有一盤蔬菜，午餐不用加錢都有餐飲bar,款式很多，有汽水，咖哩，果汁類，綠茶等等總括嚟講，午餐定食略勝一籌…Read More

今日凍凍地，最好就係食返碗熱辣辣嘅湯麵/湯飯，話閃話真係未食過泰式船麵，咁今次我地就點咗一個係清湯湯底嘅飯同泰式最出名嘅冬蔭公麵嚟大家share嚟食啦，佢地呢度係首先選肉類/海鮮類，再配三種湯底（船湯，冬蔭公湯，清湯）（1）頂級安格斯牛肉冬蔭公湯配金邊粉$88 安格斯牛肉非常重牛味，好淋滑，湯底酸酸辣辣，好開胃，裏面材料非常豐富，有蝦，蟹柳，秋葵，青口，金邊粉份量非常多,好似食極都食唔完咁（2）雞脾肉清湯飯 $68 點咗一個重口味嘅，所以另外點一個清清地嘅，清湯湯我估應該用雞殼去餚成，雞脾肉撕成一絲絲，絕對不嚡，裏面材料仲有秋葵，蘿蔔，同埋白魚蛋（3）炸芝士雲吞$28 呢個炸雲吞配搭非常特別，裏面充滿住 mozzarella cheese，點埋泰或辣雞醬，酸酸咸咸辣辣，味道又出奇地夾呢（4）泰國原個新鮮椰青 $48 嚟食泰式餐廳梗係要飲返個椰青，非常清甜。…Read More

因有事情要去旺角處理，幾日前已經喺open rice搵定日本餐廳，見上網評價唔錯，就決定食呢間嘅日本菜，雖然得我一個人，我都諗住想試下壽司🍣同燒物🍗😁😁, 雖然地點唔係話喺大街附近，但其實都幾方便，同埋未夠1點，已經坐咗好多檯客人，一到步，餐廳職員安排咗我坐喺bar 檯，我點咗（1）燒花魚一夜干定食$78 呢度嘅燒魚定食，有埋醬汁提供，因我喺香港去過好多日式餐廳，食過好多次燒魚，都係無醬汁點燒魚嚟食，今次呢間有，非常開心，花魚超級大條，肉好厚，味道有98分，呢個定食包埋麵豉湯，一客細沙律，小食帶子裙邊同埋餐飲。（2）三文魚腩壽司 三文魚腩非常新鮮（3）燒牛舌 牛舌唔算厚，但好淋身，調味剛剛好，值得一試總括嚟講，食物質素真係好高分，加上職業非常有禮貌…Read More

是日去屋企附近看場戲，所以就去咗popcorn附近看下有咩好食先，呢間泰式fusion菜，好幾個月前已經想食，見到門口個menu, 咁啱呢段時段係食semi-brunch buffet,就立即入去點餐食啦:):)首先先點咗兩個main course先，我就點咗（1）意式煙肉雞蛋三文治 係用法國麵包烘咗，所以好香脆，裏面有煎香咗嘅煙肉片，同雞蛋，加埋焗咗嘅蕃茄，味道係唔錯的（2）全日早餐 呢個全日早餐非常精緻，炒菇加咗牛油去炒，好好味因為係半自助餐關係，出面就好多嘅沙律菜供選擇，蔬菜好新鮮，燒粟米加咗蜜糖去焗，加上用超甜粟，好鮮甜，仲有1個烤南瓜片都好好味，我食咗好多片，有1款已調好汁嘅 魷魚圈沙律，呢款都好滋味呀，酸酸辣辣，好清新呢，甜品方面， 藍莓芝士蛋糕最好食🍰🍰…Read More

我喺呢間西餐廳午餐同晚餐就食過，早餐都係第一次喺度食，望望個餐牌，其實同茶餐廳差不多有幾個餐就多咗d西式食材，環境當然唔一樣，裝修有別於一般嘅茶餐廳，坐得非常舒適我點咗一個香草雞排湯公仔麵配鮮奶炒滑蛋，跟餐送一杯熱飲，我點咗熱檸蜜，先講講雞排，都算幾大塊，其他一般茶餐廳只係得呢度嘅半塊，味道方面好重香草味，煎得唔會過乾，幾 juicy,算唔錯，但滑蛋同湯方面就非常淡，呢方面比較遜色，好似無加到調味料咁，下次都係食返午餐同晚餐比較好🤣🤣…Read More

話說帶阿仔去調景嶺看醫生，咁啱醒起附近開咗間新嘅中菜餐廳，因之前新開1個月前太多人排隊，看完醫生去到唔洗排隊，坐低看下餐牌，d點心超平，我地點咗…（1）午市自選優惠$98 （可以選1個點心，1個粉麵飯，1個蔬菜）我地選咗豉汁豆卜蒸排骨，蔥花瑤柱蛋白炒飯， 田園時蔬-菜心) 排骨都幾新鮮，炒飯嘅飯炒得夠乾身香口，菜心好鮮綠🤟(2)蟹柳棉花雞$25 魚肚好入味，唔會蒸到太淋(3) 懷舊糯米雞$28 裏面好足料，有雞翼，豬肉，冬菇，糯米好香荷葉味食咗咁多嘢，連埋茶位，都唔洗200蚊，超抵食🤗…Read More

尋日約咗我老哥中午去九龍灣看戲，佢話淘大呢邊有間海南雞好好味，咁就即管一試我地分別點咗兩個一人套餐：（1）極品海南雞油飯 $65（套餐包一碟生菜同飲品，我點咗熱利賓納） 海南雞好好味，雞肉好滑，但油飯比較爛比較散，扣小小分（2）喇沙麵 $65（套餐包一碟生菜，仲有1碟海南雞，非常豐富，飲品點咗凍檸茶）喇沙湯味濃，不太辣，湯裏面材料好多，有半隻雞蛋同炸豆腐，同埋好多花生碎，所以配合起嚟味道好夾，好抵食:):)下次會再去試試其他菜式…Read More

嚟到餐廳差唔多12點3左右，仲未到lunch時間，所以暫時人數不多，坐低就發現呢個餐廳係用QR code去點食物的，都幾環保呢出咗去自助區看下有咩嘢可拎嚟食，食物款式不算多也不算少，有兩個甜品櫃係裝細細件嘅蛋糕，啫喱，泡芙，豆腐花等等，熟食有芝士焗西蘭花，章魚丸，薯角，炸魚皮等，還有沙律區，水果都有數款選擇，仲有糖果比小朋友食添，飲品櫃：超級多款式，有盒裝飲品，罐裝飲品，橙汁，蘋果汁，啤酒類，同埋仲有梅酒，清酒呀，我都拎咗1杯梅酒飲，都幾好飲呀，仲有一個雪糕櫃，裏面雪糕雪條款式就普通款式，類似士多嘅類型而我喺QR code度點咗d串燒雞腎，燒蝦，炸雞翼，壽司主要我都係點咗三文魚，迷你海膽手卷（真係超級迷你）,刺身方面就北寄貝，油甘魚等等，質素放題嚟講都係差唔多，價錢220左右屬於正常👍…Read More

一早計劃食完早餐就同米奇老鼠影完相就立即去迪士尼樂園玩，梳洗完就落去雲龍軒食自助早餐，坐低唔夠1分鐘拿拿臨去看下有咩食先，自助早餐嚟講呢度款式真係非常多且質素唔錯中式點心：有春卷，鍋貼， 叉燒酥，豬肉餃，燒賣，蝦餃，炸奶皇包，豬仔叉燒包，蘿蔔糕等等沙律菜，凍盤種類好多熟食：有中式湯麵，蜜汁燒火腿，章魚小丸子，炸雞粒，炒飯，中東咖哩，奄列等等麵包，蛋糕同飲品（橙汁，蘋果汁，菠蘿汁，鮮奶，咖啡）都非常多款式供客人選擇而且味道方面都屬於中上，咁嘅價錢嚟講算唔錯…Read More

[ 星期日去咗迪士尼酒店住一晚，帶咗仔仔去playhouse玩，玩完都8點，就立即落地下搵嘢食，喺門口見到menu，好似唔錯，就決定食呢間入到呢間西餐廳，好華麗嘅裝修，一坐低職員已安排好小朋友餐具同顏色筆，紙比我小朋友油顏色👍👍我地點咗………（1）鮮露荀·蕃茄醬炒長通粉 $178咁當然，去到迪士尼酒店價錢一定唔平，但我覺得味道有點普通，太淡，可能因為無肉。（2）燒羊排配紅酒汁（配忌廉焗薯） $428 羊排要求咗7成熟，羊排配紅酒汁非常夾的，雖然羊排有少少羊騷味，但味道都ok的，但忌廉焗薯，焗薯方面應該未夠熟，所以口感麻麻，呢個餐係跟埋沙律bar, 沙律蔬菜方面都幾多選擇，有1個雙薯沙律出奇地好味（3）華特一口甜點 $108呢個甜品有六款款式選擇，每個都細細個，唔會太飽，最好味係朱古力味嗰兩款🙈🙈…Read More

每年最期待就係呢兩個月，10月至11月係食大閘蟹嘅日子，其實之前都有喺寶達訂過刺身生蠔，品質都唔錯，今次喺facebook見到佢地d閘蟹相，見到價錢都非常抵，訂夠五百蚊送免費送貨到你家，仲有只要網上訂購，之後佢地就有職員聯絡你確定訂單，咁就完成🤟🤟🤟，佢地送貨仲會用佢地印咗公司名嘅保溫袋裝住d蟹，可以留返下次用因為要訂夠$500先送貨，所以我買咗（1）4隻5至5.5兩大閘蟹（公）$80/隻 重量重d,咁當然肉相對多d,但膏嘅味道無蟹乸咁鮮甜（2）6隻 3至4兩大閘蟹（乸 ）$48/隻 呢款1開就非常多膏，同埋膏每嘅味道超級鮮甜，呢款對比下高分d😆😆😆😆…Read More

呢間餐廳一年前已經想試，咁啱呢2個月喺坑口開咗分店，終於有機會可以去好好品嚐了，排隊等咗約莫15分鐘，店員安排咗個梳化位置比我地，非常舒適呢🤗🤗，坐低已經3點，肚已經打哂鼓，立即點餐（1）焦糖香蕉熱烘窩夫全日早餐 $78裏面有焦糖香蕉，窩夫，炒蛋同煙肉最出色係焦糖香蕉，面層嘅焦糖同香蕉好夾，焦糖唔會過份甜，窩夫就附上忌廉同蜜糖點嚟享用，呢款蜜糖幾香，煙肉就煎得非常香脆（2）手撕豬仔骨漢堡 $116裏面有焦糖洋蔥，太陽蛋同薯條洋蔥甜甜地，手撕豬仔骨肉係用BBQ醬去焗成，醬汁調配得十分好味，薯條炸得唔會太乾身，上檯仲係熱的，好香脆之後我地跟餐加$25嗌咗個甜品-朱古力慕絲·雲呢拿軟芝士忌廉·朱古力脆珠.朱古力蛋糕 呢個甜品我好鍾意，因我係朱古力迷，100分🤣🤣我嚟緊要試哂menu嘅美味食物…Read More

星期六出咗去尖沙咀剪頭髮，咁啱經過金馬倫道派傳單，午餐有discount, 因為真係好肚餓，立即上去點餐我地點咗以下午餐定食一坐定有兩個前菜，1個係泡菜，1個係荳芽（1） 雞扒蛋包飯$48 呢個定食好抵食，因為超足料呀，有四塊雞扒，雞扒煎得好香，加上黑椒燒烤汁，好好味呀，佢個雞蛋份量都好多，同埋有埋沙律菜，好豐富（2）牛骨清湯粉絲配飯 $72 份量又係好大份，牛骨炆得好淋，蘿蔔吸收哂牛骨嘅香味，湯底亦好好味，唔係味精湯嘅味道 …Read More

是日重回之前工作嘅地點同兩位舊同事共進午餐，我已經有好耐時間無去過工廈嘅餐廳食過嘢了!今次呢個餐廳位置都算方便，喺地鐵站附近，2分鐘已到我地點咗三個set lunch, 價錢屬於中間，（1）煙三文魚露荀忌廉意大利飯 $78 意大利飯燉得好綿，忌廉汁偏淡，正好與煙三文魚及芝士的咸，配合得很夾，而且加上露荀及火箭菜有點脆口感。這個意大利飯很不錯呢 !!（2）香煎比目魚配蕃茄冬蔭公汁.白飯 $98比目魚扒煎得皮香肉嫩，魚油甘香，配上蕃茄冬蔭汁，特別開胃，唯白飯香味欠逢，稍為減分（3）香煎燒烤醬五花肉漢堡配薯條 $88 燒烤醬很惹味，但五花肉🐖略微乾咗少少，有點難咬，薯條炸得好香脆總體嚟講意大利飯🥘同香煎比目魚🐟高分好多…Read More

咁啱朋友講開，皇冠假日酒店嘅尚廚做緊早鳥自助晚餐六五折優惠，我就立即網上訂購，每人410左右，係真心抵🍱🥘🍲🍳🍕🌮當日我地6點半準時去到，已經見到好多人開始排隊拎嘢食，今次最吸引係有個湯飯係用龍蝦煮成嘅龍蝦濃湯，配料可以自選，有蜆，蝦，青口，雜錦海鮮等，仲有菜同菇，仲有1個好似飯焦嘅餅比你自己加落去，最後服務員就會幫你加半隻龍蝦落去就完成了，湯真係超濃龍蝦味，呢個值得食返兩碗的:)海鮮區:有加拿大龍蝦，螺，蝦，松葉蟹腳，北海道蟹等等，我個人覺得蝦係最新鮮好味，食咗超過20隻😉壽司區:壽司款式不多，刺身方面都係4至5款，質素尚可熟食方面:最好味係個酸汁燒豬脾，同埋鵝肝，同埋蒸魚好新鮮燒烤區呢度最特別有個燒烤區，有肉類，蔬菜類比大家選，選好後，你只需放底張檯卡，燒好後就會有人送到檯上，最好味係燒雞腎甜品區:甜品約莫有十五款左右，最好味係朱古力三重奏同芒果千層酥，仲有豆腐花Haagen-Dazs雪糕櫃:有七款口味，我最鍾意係意式咖啡蛋糕雪糕，好香咖啡味，食咗2碗😉飲品區:有咖啡，熱朱古力，熱檸水，凍檸茶，需要自己出去拎嘅總括嚟講，以咁嘅價錢，質素算不錯🤟🤟…Read More