Sandywmlee's Profile

之前見到呢間酒樓有大閘蟹套餐，今晚去試下，店舖環境舒適，人客不是太多，所以D姐姐很好服務蕃茄蔬菜，個湯好好味义燒淮山，义燒太乾，淮山用藍苺醬ok喎個酸菜魚D魚好滑，但我覺得配菜仲好味個翅D湯好重金華火腿味，掂個雞飯都好味，但雞胸太多個蛋散熱辣辣呢個套餐可以一試…Read More

今日放假去大澳行一轉，買咗蝦同魚，因為好多洒家都冇開，所以入咗呢間。首先問我地條魚點整，我哋話起肉，佢話你地條魚得一斤半，太細起唔到架，清蒸啦，咁我地話是但啦。點知條魚蒸完，鞋到吃唔到。其他都ok,但服務員態度真係好差。下次都係去第二間。…Read More

今日得閒走咗佢形點一田行下，點知響形點搵唔到特別嘢吃，於是行咗落雞地，睇下有咩吃，見到有一間石燒牛，見門面幾吸引，於是行入去試下。入到去，原來係要自助購物，感覺幾特別，可能我第一次吃😁叫咗個牛柳，送來時好細心，有張紙響面，唔會彈到周圍都係。服務員教我將件牛柳切開，咁會易熟D,如果塊板唔夠熱仲可以幫我換。跟著原來個餐仲有湯，白飯同沙律任食。佢環境好清潔，沙律菜好新鮮，白飯可以加埋紫菜碎，個湯都好多料，除有菜外，仲有牛肉響裡面。非常美味，環境清潔，服務員態度很好。…Read More

今天要到太古坊上堂，經過呢間餐廳，叫咗個酸辣米缐，豬膶加扎肉，包埋飲品要$51，個米缐賣相已唔靚，個湯同蘿蔔仲唔熱，個酸味只係好似加咗白醋，又唔辣、另配菜話有肉碎，但搵都搵唔到，除食物差外，環境尚算淸潔，員工尚算有禮的。…Read More

今日同家姐在Yoho Mall行街，見到呢間餐廳格調唔錯，於是入去試下。餐牌除咗set dinner外，仲有稻庭烏冬選擇，於是我同家姐叫咗個肉眼扒同蟹羔海鮮龍蝦湯烏冬。首先肉眼扒set,有湯或沙律，我選擇沙律，蔬菜很新鮮，而個汁非常惹味。肉眼扒夠嫰及多汁，特別一提就是配菜亦好好味，尤其是件茄子。蟹膏海鮮龍蝦湯稻庭烏冬，一定要飲個湯，好濃味，烏冬彈牙，而D海鮮仲晤係一般餐廳嘅雪藏海鮮。另叫咗一碟小食香煎牛利，牛利夠軟身，而整碟個精華在D菇菇，入哂味。主打咖啡梗係耍飲啦，夠香伸濃。凍菠蘿茘枝鮮果茶，荔枝味濃郁仲有菠蘿肉，唔係太甜。最後吃埋個精選甜品，士多啤梨夾餅伴雪糕，夾餅㚈脆內軟，士多啤梨又甜，好滿足。餐廳環境很好，座位不是太迫，而服務員態度亦好專業。…Read More

今天同一班朋友去吃放題、呢個季節梗係吃大閘蟹啦，除咗吃大閘蟹、呢到仲有很多刺身，加$88仲可吃埋生蠔同海膽帶子，真係好新鮮，而落單是用QR code在電話內落，既環保又方便,送餐亦很快，員工態度亦很友善。D蝦好大隻，而刺身唔係薄切架帶子非常新鮮大閘蟹超多膏這間放題真係值得一試。唯一缺點就係座位有D迫。…Read More

一早約定荃灣班舊同事吃自助餐、呢間餐廳有獨立房，所以傾計都唔會嘈到其他人👍🏻首先每人有一碟美食，芝士焗龍蝦，非常美味兼隻鉗去埋殼仲要好大隻，非常細心，鵝肝軟身，入口即溶，非常惹味🤤海鮮bar有5款海鮮，特別是長腳蟹好有肉。魚生區都有多款選擇，又新鮮又美味中式麵檔，最少有10多款餸選擇，最重要落埋辣菜甫，另有海鮮喎，有三款湯底選擇。甜品區亦有3處不同地方，真係試唔晒。佢個雪糕唔係普通貨呀。突然聽到叮叮聲，出去睇睇，嘩！玩火呀，原來係響到燒蠔。隻𧐢唔可以一般𧐢，吃落有D似桶𧐢，非常鮮味。個楊枝甘露晤係太甜。環境衛生，員工服務態度和藹，可以再試多次。…Read More

今天經過安定邨轉車，見有小小餓便行入商場搵嘢食，見到呢間日本料理店價錢都合理，於是試下。辛辣海鮮手提烏冬，湯底較濃、烏冬彈牙、配料都算多。魚生飯夠新鮮、個日本芥末係新鮮磨的。鰻魚玉子燒較甜個三文魚魚頭好昧，食咗一半先記得影相😁…Read More

今晚試下呢間任食雞煲，仲有任飲，除咗雞煲，其實仲有多款湯底任選，火鍋配料亦有很多款選擇，會送一碟涼茶、尖椒皮蛋個汁味道一流，而個雞煲D雞好滑好入味，再加錢叫咗碟安格斯手切牛肉，有肉味同好滑。…Read More

雖然呢間店舖門面比較舊，但佢個下午茶就真係幾抵食，沙爹牛肉餐肉蛋米粉加埋杯飲品都係$28,個米粉係福米，D牛肉亦入味，最重要係凍飲唔使加錢，改飲紅豆冰都係加$2，環境舊舊地，但都尚算乾淨。…Read More

今日再到吃個整雲吞，加碟通菜，個雲吞細細粒，但都有6粒，唔算太少，但裡面真係冇乜料喎，點知碟通菜仲少，首先碟菜唔係送架，係要➕$10，但比起其他雲吞麵舖真係少咗D喎，以後都晤會再叫菜喎。…Read More

今天經過見到有位於是便行入去吃個下午茶，見到餐牌都幾多款式，最後叫咗個豬扒加油渣刀削麵，凍奶茶。雖然冇乜人但都要等咗差唔多15分鐘，個麵有小小硬，但塊豬扒真係唔錯，仲有凍飮係唔使加錢，埋單時見有人吃炒拉麵，個樣好似好得，下次要試下先。…Read More

今天經過呢間餐廳吃早餐，叫咗沙爹牛肉麵加奄列，佢個麵雖然只係普通餐廳即食麵，但佢煮得剛剛好，唔太淋唔太硬，所以唔使加錢吃出前一丁，而個沙爹牛肉亦非常入味，記得要加辣椒油非常美味。…Read More

今天上網訂咗一個蛋糕，因為呢個蛋糕可以滿足大家的要求，點解？因為佢有4款口味，而最特別就係榴連味，響其他餅店好少會有榴連味，不過要提大家切完榴連後必需要洗下把刀先，唔係款款味都有佢的味道，最重要係佢可以免費送貨，亦很準時。…Read More

今日去到教育路吃點心，佢有個set 蛊頭飯加燉湯，鳯爪排骨飯比肉餅飯較好味，點心即叫即蒸，非常新鮮，個流沙奶黃包太好味，相都影唔切已清哂，另蘿白糕好有蘿白味，不是其他地方吃的只有粉，環境尚算清㓗，如顧客服務再提升就更好。…Read More