KennethKwok6935's Profile

我同兩個同事Lunch time幫襯民安街陳記燒鵝，坐低見到貼有午餐，大約$59左右包熱飲，午餐選擇都有五至六款，其中有款係"燒腩仔鹽焗雞飯"。正在討論食邊個餐既時候，有個男職員走埋黎問有咩想食，可以幫我地落單(枱面都有QR code可以自行落單)，其中一人率先要左一個"燒腩仔鹽焗雞飯+例湯+凍奶茶"。其餘兩人對鹽焗雞有些考慮既時候，男職員聲稱"唔啱食唔緊要，睇想食咩"，強調係可以"盡量做到俾你"，最後兩人叫左"燒腩仔燒鵝飯+凍奶茶"，同埋"燒腩仔叉燒飯+熱檸水"。"盡量做到俾你"係語言偽術！埋單先發覺後叫兩碟飯唔係午餐，似係散叫燒味飯，飲品半價咁上下，而雙併燒味飯個價係由單併價再加配(+$18-20)。燒腩仔飯+拼燒鵝+凍奶茶 $58+$18+$8 = $84叉燒飯+拼燒腩仔+熱檸水 $49+$20+$6 = $75咩叫"盡量做到俾你"？我同個男職員理論，話咁則係散叫，佢話係咁計，已經平左。如果我地用AR code自行落單，見到個價錢，一定唔會咁叫。冇下次。…Read More

第一次晌將軍澳食鐵板燒，眼見openrice係一致好評，原本有些期望，味道其實係唔錯，只係份量比較少，最大問題係反而係招待安排失當。可能係lunch set，唔係bar枱面向厨司，而係被安排到房內。房內有五六張枱，我地係最早坐低，其後陸續有其它食客坐下。餐廳有壽司餐同鐵板燒客，好多客人都叫左鐵板燒餐。我叫左鐵板燒餐，老婆就叫左壽司餐(壽司分左三碟上)。起菜次序：12:28 落單12:35 我同老婆沙律同蒸蛋同上12:46 老婆既第一碟壽司四件12:54 老婆既第二碟壽司三件13:00 老婆既第三碟壽司三件13:03 我既半隻龍蝦13:32 我既牛柳13:40 我既炒飯13:44 我同老婆既麵豉湯13:47 我同老婆既雪糕我地食完沙律同蒸蛋，我再等半個鐘，其間我睇住老婆食完三碟十件壽司，我半隻龍蝦先到。半隻龍蝦拆左肉，其實一啖食完，跟住我再要等半個鐘，我既牛柳先到。實情係每次上菜都係大log咁上，則係我既龍蝦同牛柳都係等埋其它食客一齊上，而唔係我叫先就上先。我等牛柳等得好唔耐煩有同餐廳講，冇耐餐廳竟然上左炒飯先，我黑面叫餐廳收回，我不能接受呢種安排。最後草草食完即閃，冇下次。…Read More

位於女人街頭段，比較少遊客，入到餐廳第一件事當然係量體溫，侍應非常有禮貌，好快已經安排好坐位坐下。餐廳叫元洲牛肉麵，當然要試佢既招牌牛肉麵，麵可揀粗幼，我揀左粗麵。等左一陣，大大碗既牛肉麵就奉上，牛肉有三大塊，勁厚！湯底係牛肉清湯，可以飲到牛肉味，同個粗麵好夾！食完碗麵，飲左好多湯，但冇乜囗渴感覺，果然真材實料，牛肉麵盛惠$50，真心覺得cp超高！一定會多多幫襯！…Read More