or#ta66612909's Profile

我係叫外賣既，見佢4.7/5 咪TryTry佢，同Fd一齊叫幾樣餸，由1800落單，見到要120Min以上既送餐時間已經心知不妙。我地一直等到20:15都未有，打去問話餐Ready但車手未到，然後20:30再打去問，話車手攞左餐。個種開心係我仲安慰個Fd，餐廳已經做好左本份啦，差車手姐。2100仲未有，我再打去問個車手電話呢？點知發現根本未攞單，車手都只係叫左未到餐廳。要求取消訂單，餐廳串到識飛咁講：咁你就取消啦，點知到 CS打去就話會送黎。雖然最後搞左一輪取消到，但都要Comment一句，貴 餐廳 好 差！…Read More

酸菜魚大份，係唔夠兩個女仔食飽既即使加埋小食，仍然唔夠。魚有既味一樣都冇少，係魚腥味！除左個酸字，同埋佢帶出黎既腥味，有骨既魚可以係其中既賣點，至少話你聽佢係魚😀份量少，味道還好，都可以係相對既，但服務態度肯定唔係，係好差！生平第一次，比完錢，仲揸住張單，係Lift口等緊既時候，比Staff係後面好似細細聲咁講：係咪冇比錢，走左。其實客人仲係度，你光明正大問就得，如果肯定左食霸王餐，就直接報警，唔洗咁鬼鬼鼠鼠，但最後邊個樣衰就唔知啦😀…Read More