twotailstai's Profile

琴晚等一次過去海之戀商場行街，去到3樓見到有間食肆新開，於是埋去睇下有咩好嘢食，睇下份meun，見啲菜式好精緻，於是就同老婆入去試下，咁啱當晚個行政總廚係度，佢介紹我哋兩公婆叫套餐食，於是就叫左兩個「廚師長富豪位餐」同我老婆一人一個，由於佢叉燒賣晒嘅關係，佢幫我哋轉左個「酒薰鮑魚」，作為第一度菜，上枱嘅時候超夢幻，乾冰嘅效果令到我同老婆處於仙境當中，起筷時候更有驚喜，海蜇頭十分爽脆，白雲耳酸酸地，主角鮑魚食到啖啖酒香，令到我哋異常開胃；之後到第二度菜「宮廷雞煲翅」，雞湯味濃郁帶鮮，啲翅份量多到以為自己食緊碗湯米，以牙揀翅嚟計，呢個價錢真係足料抵食；第三度菜「蠔皇五頭鮑魚伴花菇」，呢度菜就不過不失，冇乜驚喜；到第四度菜，呢個好食喇！「金獎燕麥脆米蝦」呢度菜個蝦只係配角，真正嘅主角係用米，糯米，燕麥所做嘅飯底，集香脆軟糯於一身嘅口感，唔洗5分鐘，已經清晒碟；第五度菜「燒汁煎魚扒」，由於我係唔食魚嘅關係，總廚好好人，幫我轉左個「柚子汁脆炸元貝」，據老婆口感憶述，魚扒煎得香脆，略嫌唔夠厚身；至於我份元貝呢~~柚子汁清新微酸帶甜，元貝外脆內軟，正呀！到第六度菜喇~~「上湯蒜子菜苗」，真係用豆苗上湯浸，唔似其他食肆所謂嘅菜苗好多時求其比啲白菜仔，菜芯嫩嗰節就話係菜苗，講返個味道先，菜苗嫩滑，蒜香味濃，都係嗰句，「正」！到美點雙輝上枱喇~~~「富豪炒飯」呢個飯炒得粒粒分明，有帶子粒，櫻花蝦，味道不錯，不過我就覺得有啲重複都係飯，已經反映左比總廚，佢話會留意返呢點；到甜品喇~~~一碗椰香粿條芒果露、手工冰皮壽包、椰汁桂花糕，總廚比我哋一次過試晒三款，椰汁粿條芒果露：芒果露香，甜味適中，椰汁粿條如同河粉幼滑；冰皮壽包：壽包外形嘅糯米糍，煙韌外皮，白色內餡包裹住一粒甜甜嘅芒果肉，甜度恰到好處；椰汁桂花糕：面上層啖啖桂花清香，下層椰汁味清甜，甜度啱啱好！食完咁多度菜，飽到好似有左3個月咁，至於價錢，埋單$9XX，人均消費$500以下啦~~想試下新菜式嘅大家，本人推介一定要去星之戀，環境舒適，仲有室外露天海景位，侍應服務態度唔錯，大家一定要試下！…Read More