Mrs Coool's Profile

尖咀好難搵打邊爐，有都麻麻，以前就算係打都會落大角咀打;朋友介紹尖咀有間正嘢，就去試咗，真係好正，地方又乾淨，食物又新鮮，service都好好，好似開咗唔夠一年~首先叫咗3樣刺身都好新鮮好正，三文魚夠厚，象拔蚌，又爽又夠海水味，仲有條唔知咩魚，上枱條尾仲郁緊，好鮮甜~~必食肥牛，超正，唔跟張枱墊時間淥都好好味~鵝腸，超爽~炸魚皮，同出面嘅唔同，要試~豬潤，夠厚，有口感，正仲都叫咗好幾樣嘢食，樣樣都唔錯，我一定會再去食~~…Read More

3個女仔，唔知去邊食飯好，醒起上次wine dinner 去mezzo gill，食物唔錯，就黎試一試dinner ~頭盤要咗個哈密瓜併ham，ham咸咸地，哈密瓜又甜，正！野菌忌廉湯又香又濃味，好正~主菜點咗豬扒同龍蝦~豬鞍扒，又厚又夠juices，配埋個蘋果醬，好fresh，推介！！波士頓龍蝦，員工介紹的，新鮮龍蝦，即叫即劏，煮法我地揀咗燒，肉質爽口彈牙，超鮮甜，超級推介！！甜品揀咗兩款，青蘋果凍湯同Sherbet ~ 青蘋果凍湯好得意，酸酸甜甜又清，加埋個奶凍，好match~~青蘋果Sherbet 好fresh~~同員工吹水得知，原來呢度啱啱轉咗style同menu，頭盤同兩個甜品都係新嘢，下次可以再黎試吓其他~~…Read More

11點幾加連威老道上完堂，厚福街就最近最多選擇，去到有好幾間都收咗舖，喺潮州舖門口望吓個menu ，就俾姐姐sale咗入去~一坐低就有一盤6杯功夫茶serve 我哋，之後另一侍應叔叔就行埋黎sale，我哋話睇睇先，過5分鐘佢又問我哋食咩，我哋又灑走咗佢。。。。首先點咗個鱔片同炒飯，其後再點個炸蠔（唔記得個名，好似春卷，但入面係蠔仔）~鱔片咸咗少少，炒飯ok，炸蠔幾好（蠔仔數量適中，又唔似蠔餅咁多油），特別一提個辣椒油，渣幾香，辣油夠辣~~整體唔錯，呢問都算係傳統潮州鋪，不過食物唔特別好食，但ok，乾淨清潔，服務唔錯，係sale 得行咗少少~~尖咀冇乜幾間打冷，如果想打冷都會返黎~~…Read More

之前都參加過好幾次wine tasting 同兩次wine dinner，今次感覺最好~~前嗰兩次wine dinner 都係安排一個area，跟住有人企出黎介紹每道菜同支酒點match 法，之後就開始食。。。。到尾~~今次，照樣坐底先黎杯welcome wine，以為遲咗黎，已經講解完酒菜嘅配搭，點知飲完個湯，法國酒商+經理+大廚，每人拎住杯酒，續枱埋枱同客傾計，問吓食物啱唔啱食，邊支酒好飲啲，嘢食同酒夾唔夾等，令客人感覺舒服好多，平民食wine dinner 都唔會格格不入，仲高尚咗添，之後間唔鐘都有埋枱講解啲酒，其中一支仲係《神之水滴》第一集入面支靚酒~~可能酒店關係，服務都好似好啲，服務生笑容都多啲，每道菜相隔時間唔會太耐，本身menu定咗主菜食牛，但訂枱時提及有朋友唔食牛，都有得轉羊，感覺窩心~~…Read More