jelly_bean's Profile

醫肚都OK既, 好味就未講得上.下午茶餐都算底食, 食左個肉醬意粉加杯汽水都係28蚊.初初黎都見咁細碗以為實唔夠飽啦...(其實我係LATE LUNCH)原來都OK.食物質數真係冇咩特別.所以唔形容喇友人食左個茄牛通粉同薯仔皮, 個薯皮唔錯.想講下佢果度有位化曬妝, 茶曬粉, 眼影眼線既男服務員.係向出面執台既.我唔係性別歧視, 但係真係CAM得好緊要加埋佢D動作同語氣.忍唔住邊食邊笑...我都覺得自己好衰.…Read More

星期日晚訂左台, 唔係好多人都唔係第一次去食, 因為尋晚落大雨, 好悶熱, 想食salad唔知有冇人好似我咁, 專登比正價食salad做main course又好似好唔底咁, 所以就去左178蚊任食.一坐低校係ceasar salad啦!太正喇!加多個parma ham salad, 感覺好fresh唔知叫左幾多碟.仲有佢個芝士局蠔又係好好食.我自己都差唔多食左成打呀!wakaka意大利生牛肉又係好新鮮, 食倒牛的甜味田螺就真係唔得喇.好似白烚咁.完全冇味可言.得個大堆頭.但係堅唔好食囉.仲有個燒牛肉加吞拿魚汁, 個汁好好味呀!不過d牛肉鞋爆主菜, 其實去過幾次, 我既建議係, 兩三個人最多叫一兩碟粉類好喇!佢會勁大碟,同埋唔係幾好食.唔食曬又好似唔係幾好同埋好似冇咩配料!另外, 香草羊仔脾同牛尾骨都好好食, 叫左兩round.其他燒牛肉就唔得喇, 好"un", 魚果d都唔得, 好鞋同好雪藏甜品一人限叫一個. 我地岩岩三個人一人一個.我次次都一定係食佢個chocolate mousse!好濃朱古力味, 唔太甜, 真係好ok!木康布din, averagetiramisu, 直頭係差呀我覺得.係好有酒味, 但中間果層"海棉"好似太多.tiramisu應該係creamy感多, 蛋糕感少家嘛!芝士味冇, 唔夠creamy, 好似食件索曬酒既海棉咁.另外想講下服務雖然唔係高級餐廳, 但係都唔應該請個廣東話唔咸唔淡既伙記做西餐啦.大陸人serve我其實冇所謂, 但應該叫佢讀熟餐牌先開始返工嘛!我叫樣樣野佢都聽唔明.一定要我指住向個牌比佢睇.感覺服務唔係幾好囉雖然tiramisu同pasta唔得, 但係其他野都ok. 建議主要食頭盤d野, 就會底返曬!…Read More

老實講, 我開個open rice account都係因為lee間泰源.好耐冇食得咁窩心.店員真係好親切!話說我係中文大學同學仔, 有一次同學帶過我來後, 自此就愛上左lee度每次黎佢都一定會送一碟野比我地, 不管你兩人定係6-8人*** 通常送椒鹽豆腐, 亦試過送白灼蝦同椒鹽x尿蝦.個兩人餐, 真係勁底食.兩個女仔去係冇可能食得曬囉!同埋碟碟都好好味.又唔味精feel!1) 雞粥真係冇得頂, 我覺得係咁多間乜乜沙田雞弼最好食既!d粥唔駛食雞都食倒好香雞味.又滑, 又棉2) 椒鹽豆腐正!唔識用筆墨形容, 總之好好食3) 蒜容粉c蒸茄子真係好正呀!一定要連埋d蒜容食, 精華所在!!4) 乳鴒,本人一向都麻麻地, 所以唔識話好唔好食.5) 椒鹽雞軟骨+墨魚咀好熱氣, 但係好食到停唔倒6) 豉椒炒蜆勁大碟囉.d肉好似仲多過d殼! 有次兩個女仔去食, 食完打包返去比男朋友食, 佢以為我專登叫左一份比佢.大碟到!我唔明點解樓下的member可以寫到佢咁差.我lee個月都去左幾次.次次都勁大碟!冇可能會覺得冇肉!!!!!7) 西蘭花炒龍利柳龍利柳麻麻地, 不過d新蘭花勁新鮮! d味好似同出面街食唔係好同咁fresh.窩心事件簿: 雖然我都係去過幾次, 但次次都印象難忘!我覺得佢地待客至誠係真架囉1) 入面冇曬位, 有次我要坐出面.個人又少少怕凍.問佢可唔可以幫我轉入去...佢話等等...冇位.佢行左出來好多次, 都係冇....佢最後幫我拎d膠出來撐起佢, 同我擋風.果個moment真係覺得好warm呀!(雖然作用唔大.哈)2) 有次3個後生仔去食.咁岩兩個男仔偏大食.一個3-4人餐唔飽, 打算叫多bo粥唔知係咪呀姐睇我地學生哥估我地應該唔係好有米果ja...佢話係咪唔夠食呀?我不多d粥比你地啦!唔駛叫啦!不過冇雞架喎~我地當然好開心啦!冇咩所謂之後佢真係不返一大窩出來.同平時咁大囉.好sweet呀嬸嬸~3) 兩個女仔, 成日傻下傻下, 其實我地兩個都唔多like乳鴿既次次去都會轉第樣其實果次明明係我地冇講清楚要換走乳鴿, 點知呀叔走去換走左碟蜆拎左隻鴿來明明係我地冇講清楚掛住傾偈, 但係佢都肯換返比我地.話下次唔好喇!真係待客最上呀!!!!超讚!!!!4) 泊車....我其實都係泊向街邊.呀叔話比一個鐘佛車我, 我又懶......行來行去.咁佢話, 好啦, 我得閒同你出去裝下啦.真係見倒佢一得閒又行去望.但係佢都好多台客架!好忙!真係覺得呀叔好sweet呀!5) 另一樣係個人喜好, 我真係覺得佢個嬸嬸好sweet架有次又轉野, 問佢有咩好食呀?佢唔知答左咩野....之後我地又問, 你自己中唔中意食先?佢面紅囉......係咁向度笑.....梗係中意啦! 好鬼死cutie~食食下又會走來問岩唔岩食呀之類......唔係是但sell樣野架.睇得出佢做得好開心lee份工~食物又咁好食, d人又咁好,仲要平成咁. 又有得泊車.所以我上個月去左5-6次喇!…Read More