fattyw's Profile

今次食評無食物質素評價，因為根本沒有食過！話說因有親戚回港探親，計劃一家人食晚飯，本來諗住去美心皇宮的，但之前喺呢度食過兩次都覺得okay，所以建議喺度食，兩星期前訂咗13位，訂枱時有問需唔需要訂埋餸，佢哋話唔洗，嚟度叫就可以。到食飯嗰日，原來迫埋一張中枱，根本唔夠坐，仲有原本叫咗炆班頭腩，有嗰阿姐話廚房無材料，想焗我哋轉咕嚕肉，話唔要就成張單cancel晒佢，最離普嘅係我哋加咗碟滷水拼盤，攞咗嚟枱面放低咗，過咗一陣，嗰個阿姐一手拎走咗去俾第二枱，我哋問做乜嘢攞走佢，佢猛咁喺度話廚房冇貨，原來佢攞咗去第二枱（我哋估可能係熟客啩），我哋話夾過㗎啦，佢都唔聽，淨係話廚房冇貨，就咁攞再比第二台！ 結果我哋全部起身，去咗美心皇宮！…Read More

就而言食物味道okay嘅，但服務態度真係好唔好，由落單開始一直到埋單走都係差，落單時問佢可唔可以俾多個餐牌嚟睇，佢話好遠，落完單至去攞喎，我單都落完，仲洗咩餐牌啫！叫佢攞碗仔，佢叫自己去攞，咁我自己行去攞完問佢俾多兩隻义，佢話好忙喎，最後杯嘢都未飲完，佢哋拿拿收枱，一嘢攞埋仲有半杯嘅飲品走，叫住未飲完喎，佢一嘢放番低，大姐呀，疫情呀，收枱員同上菜員要分開㗎！佢之後話沖過杯俾我哋，都走啦，咪話咁攞走吧，佢話咁要收1蚊外賣喎！我哋唔係要5星級服務，但唔好差到咁囉！正所謂己所不欲，勿施於人，你哋自己出去食嘢人哋咁態度服務你，你自問可以接受嘛！味道就算好，但態度咁差，生意唔係咁做嘅，冇下次(當然預埋如果你睇到呢個post你一定話自己係冇錯，仲會話唔care你幫唔幫襯呢個反應)。…Read More

一次不經意的路過，吃咗一碗牛肉湯麵後立刻喜歡咗呢間不起眼嘅小店，第二次試咗佢地嘅牛魔王湯麵，牛味濃厚，湯頭超正，無味精，老闆話係肴咗好耐，D麵質好有台灣感覺。第三次試咗佢地嘅嘉美雞素菜餃麵，餃子無特別之處，但雞肉就十分嫩滑，雞湯味道剛剛好，不似其他地方咁又咸又油，飲落完全無用味精雞粉呢類嘢，咁嘅價錢，仲有飲品送，如果你唔介意立食，又唔想吃D又咸又油嘅湯麵，呢間小店值得一試。如果呢間小店慢慢越來越好生意咗，我真係老闆唔好好似弟二D食店咁偷工減料，走捷徑咁加入不健康嘅味料，要堅持呢種精神，保持現有味道！努力，老闆老闆娘！…Read More

我一向習慣係，如果那間餐廳D食物、服務等唔係有認真出色，或者當中有特別差嘅嘢，我都唔會多寫評言，今次呢間就不寫不𣈱快，一陣以來都有光顧，原因味道都不錯，雖然不致到＂嘩！好好味呀＂，但都係可以再來的程度，但今晚再來，係等位期間，有一位老人家因平衡有困難不能企得太耐，所以問D店員可不可以借張椅俾佢坐著等，但得到回覆係佢地無椅可以借，我話成個店都有椅，借用一張都無？當然佢地係有權唔借，但咁簡單嘅幫忙都做唔到，我不會再光顧呢間餐廳，因為佢地連最基本嘅服務精神都欠缺，唔值得我再來。希望呢間餐廳管理層睇到，認真檢討一下。…Read More

這間日式料理餐廳食物的質素及味道大致都不錯，試了很多次，但近來發覺服務態度開始轉差，有部份待應唔多知道自己的角色，例子如我有次外賣，原來招待緊我的待應一聽見外賣即面露驚奇，反應係：＂吓，你外賣呀！＂跟著走咗去同另一張枱的客人落單，叫另外一個年輕的待應招呼我，但那年輕的待應好似唔知做乜咁，我惟有自己行入店內找其他人幫忙落單。另外有幾次叫乜無乜，過去差不多每星期都來，但現在已經轉去隔離鋪的日本料理吃了，如果鳥山名的管理者看到這評言，真希望你們可以認真改善這方面，唔好溜失D客。…Read More

試兩次牛排，味道不錯，但兩次都好多根，反而豬排好好。豬腳也不錯，可以一試，但份量都好大，幾個人分享最好。另湯夠熱，不過少咗個麵包，有埋就perfect。地方整潔，服務態度度不錯。…Read More

已經幫襯咗呢間好多年，又係街坊，直至轉咗個係門口姓劉嘅座位登記女人，D態度超差，好似官咁，最離譜係我哋6個人，入到去係張12人枱，我哋好心話太大張啦，俾張細少少嘅我哋，佢竟然話我哋講大話，為咗想快D入座6個人就講8個人喎，另一位同事話下張俾我哋，佢就話要排過再等！就係因為有咁嘅人，以後都不會再去!! 有咁嘅人係度，免費都不再去!!…Read More

—個星期連去咗食兩晚，可能夜關係唔係好多人，好易有位。有食北菇滑鷄飯，潤腸滑鷄飯，薑葱漁腩飯，D飯煲得岩岩好，唔會好似有D餐廳甘太淋或者硬，D鷄好入味，好滑，漁腩就唔腥(先頭我都有D担心腥，但出奇地ok)，同時两次都有另叫咗蠔鼓粥，唔似有D甘將蠔鼓粒，係成隻落去煲，超正！…Read More