shlau2's Profile

叫咗個柚子醬油叉燒拉麵，個湯底完全唔得，好似係沖粉開㗎，得個鹹字，飲落完全係味精湯。舊叉燒都正常，面質同味千差唔多。本身見第二碗有半價先至去食，兩個人都食咗$200。食啲咁嘅嘢就絕對唔值。…Read More

好多方面都好差，完全同呢度既評分相反。首先套餐價錢有好多附加費，計算方法好複雜，好似簽緊電訊合約，各種費用計落都唔平，例如有假期附加費。海鮮質素麻麻，尤其元貝overcook左，咬落好似食緊擦子膠。海蝦亦好唔新鮮，見到隻蝦有的發黑，感覺發霉。最差既係從來無侍應幫我換碟，食到後面隻碟裝滿海鮮殼都無人換碟。食食下仲聞到間餐廳有好大陣煙味，侍應又不斷chur我地加料。真係好差，後來唔夠飽番屋企食杯麵算。…Read More

無論環境，服務，食物都有高級餐廳既水準。今餐食左三個course，各有特色，叫左一支香檳一支紅酒，食到捧著個肚。價錢方面就唔清楚，因為係老細請，估計要人均千五蚊。…Read More

本身想去outback食牛扒，點知要等成個鐘，最後去左北京樓，整體唔錯。叫左四個菜，包括鎮江肴肉，北京填鴨，蔥爆牛肉，乾扁四季豆。除左蔥爆牛肉個牛肉比較差外，其他都算合我口味…Read More

見呢間野價錢唔平，以為係比較高檔茶餐廳，點知各方面都好差。服務方面，坐低左幾分鐘都無人清理上一手的食物碎屑，又無人比水。叫人羅幾杯水，點知俾得兩杯(我地有三個人)。食物方面，我叫左個黯然銷魂飯，得叉燒一條條好大舊，好似食豬柳咁，完全唔似正常叉燒。叉燒又好鬼甜，可能落既叉燒醬太多。其他食物如雞中翼，熱寧蜜，米粉同多士就正常。整體黎講，無論服務同食物都差強人意，令人失望😫下次黎新達廣場都係搵其他餐廳好過啦…Read More