Sara沙拉's Profile

每個角格都有驚喜，有水池景、沙灘景、牆景……滿有希獵氣息，食物質素亦很好，值得推薦。今次叫咗咸蛋黃軟殼蟹意粉，同蟹肉蟹羔意粉，好好味仲有帶子意大利飯，個意大利飯好適合香港人口味，唔係生米嗰種， 飲品叫咗杯朱古力好飲，四季特飲就太甜，田黑咖啡都好香，甜品一定要試個提拉米蘇太正啦！生日可以同店員講聲喺個碟度寫字。…Read More

喺銅鑼灣區呢間泰國菜收費唔貴，仲有露天吸煙區，依家有吸煙區嘅餐廳真係好少，不過夏天坐室外位都真係幾熱，生啤仲有泰啤可以選擇環境裝修都好泰式，服務態度都唔錯，切蛋糕會收$50切餅費食物選擇都算多，令我印象最深嘅就係蟹肉米粉生菜包，一個個包好哂食得方便之余，佢個汁調得幾好唔會太辣， 個咖喱雞就一般因為個汁煮得太稀，木瓜蝦沙律都好好味，蛋網炒金邊粉都要讚，炒得好好，佢將辣椒粉放埋一邊，想食幾辣自己決定，小食拼盤同埋鐵板蠔餅就普普通通，泰式炒蜆都好好味…Read More

平時去開柴灣家嫂食，今次就約埋住新界區嘅朋友，所以選擇咗尖沙咀，都係第一次試，個名唔知點解多咗一家大小幾個字，但係都一係咁好仲要多咗日本清酒揀，柴灣有嘅呢度都有，一樣係可以預留花膠湯打邊爐，一嚟就大家先飲返碗湯先個個都有讚無彈因為今次7個人隻刺身船一上已經非常震撼，不過今次無海膽但就有長腳蟹同藍鰭吞拿魚，仲有個麻醬螺肉嘅小食幾特別，因為係時令海鮮所以每次都會有啲唔同，唯一不變嘅就係每次都會飽到抱住個肚走…Read More

有一日揸車返屋企，經過長沙灣道大街上橋嘅時候，見到有一間新嘅日本餐廳，門面裝修都幾靚比佢吸引咗，今晚終於有時間去試吓😋應該呢區最高質素，性價比高嘅🏮居酒屋🏮餐廳環境寬敞，樓底高有空間感，設有VIP房，高雅整潔，裝修同食具都好靚！服務員態度亦都好唔錯👍🏼食物方面，我哋食咗⬇️潰物拼盤（五點）秋田煙燻蘿蔔薯仔翠翠沙律黃金海膽天婦羅 自家製雞皮蝦炙燒和牛壽司金丼豚骨濃湯豬軟骨稻庭烏冬其中，我覺得超好食嘅係😋「自家製雞皮蝦」我下次去一個人最少要食兩碟🤣🤣🤣仲有佢個濃湯豬軟骨烏冬，真係不得了，湯真係好濃郁，豬軟骨夠林又入味，真係掂！一舊水有找呢個價錢嚟講，能夠食到呢個質素嘅烏冬，真係超正👍🏼…Read More

今晚做大🦪客環球生🦪拼盤，美國、西班牙及法國服務態度環境都非常好生蠔非常新鮮，好耐無試過咁正嘅蠔個薯條有創意得嚟又真係好好咪，估唔到鹹蛋同黑松露可以做到好朋友琵蝦沙律就一般般啦烤西班牙乳豬個皮卜卜脆，啲肉唔乾又夠味非常滿足嘅一餐…Read More

出餐速度快，味道普普通通，唔算太差！但真係好趕時間，一放低筷子就馬上有人問你仲要唔要，明明今日星期日，門口又無人等位，可能已經習慣咗呢種速度個火車頭竟然有一大片花膠，呢樣真係好驚喜，另外燒牛肉撈檬同咖喱豬扒包飯都一般般，如果趕時間食佢就真係好好，夠哂快…Read More

哥哥生日招呼朋友絕對不失禮，個個食完都有讚冇彈，先上個八喜冷盤，個牛𦟌同醉雞非常入味，食完都已經飽咗半，之後個火朣翅湯底非常足料翅嘅份量亦非常夠，簡直係無得輸呀之鮮白合炒甜豆，真係手工手，將甜豆拆肉再炒，真係未試過鰣魚依家唔係周圍都可以食到，蒸得剛剛好無過火又夠味煙燻鮮雞，真係用鮮雞好夠味火候啱啱好滑又夠味條海參仲粗過我 手臂一條夠十幾人分甜品高力雪糕好特別入面應該係用雪米磁去炸夠哂創意成餐飯食完個個都豎起拇指大讚…Read More

因為呢間近公司，Lunch 近近哋就呢間，其實之前都食過好幾次，不過今次就試食咗個紅燒牛肉伴麵，啲牛腩係夠味嘅，但唔知係唔係夾起得太耐吹到乾哂，都係叫返湯麵會安全啲。個都又唔知點解今次會淋哂今次真係好失望！…Read More

第一次試呢間餐廳，朋友果然無介紹錯，每道菜都非常好味個牛肉他他非常鮮味雖然扇貝沙律都唔錯，但牛肉他他更勝一籌。紅蝦意粉係呢度招牌菜所以必需要試下，個黑松露闊麵都好好味，松露仲喺你面前刨落去夠哂新鮮，個麵身做得好好，不過我朋友就不太接受到松露嘅味道。牛柳配紅菊苣牛肉汁，食完個牛肉他他之後就知道呢間嘅牛肉靠得住，果然係無令到我失望黑毛豬磨菇燉肉白磨菇，連個黑毛豬都超級掂，肉汁相當豐富，煮嘅時間一定要控制的非常好先有呢個效果最後亦都係最令人難忘嘅Tiramisù，朋友話呢個係必需要試，真係最令人難忘…Read More

幫襯咗呢間好多次，次次都會食到好飽好飽，第一輪上小食➡️刺身➡️雞煲➡️ 火鍋，仲有飲品同雪條任食，一定要試咸檸檬梳打，呢個要叫侍應落單飲品櫃無。小食今次有酸菜魚、酸薑皮蛋、麻醬翠玉瓜、 白灼蜆、 蒜蓉蒸扇貝、蝦多士、黑糖磁粑……其實食完啲小食已經飽咗一半，之後再上埋個刺身同雞煲，真係好滿足……因為留咗花膠湯做火煱湯底，飲埋碗湯之後已經無哂戰爭能力食咗少少海鮮就收工，不過最後都食多兩條雪條榴槤正呀！整體食物質素都保持到水準，係啲蜆真係好多沙，呢樣需要改善…Read More

呢間餐廳如果唔熟路，係有少少難搵， 其實喺康怡廣場二樓女裝泳衣部，旁邊有度門一出就搵到，呢間餐廳個個月都會推出唔同餐牌， 今次我哋試咗三個餐：鮮茄焗豬扒飯豬扒做得好有誠意，唔似係交貨去嗰種真係自家制，個飯炒過先焗好香。咸魚蓮藕植物肉餅食唔到有咸魚嘅感覺，但味道就調得幾好，個飯加苤芽同藜麥好味青咖哩素魚配口袋包個青咖哩好香椰汁味，但略嫌個汁太稀，但配菜都有好多，個魚做得都幾真喎，配口袋包唔太飽剛剛好仲點咗個黑芝麻芝士蛋糕整得唔太甜…Read More

店舖位置唔算難搵，個川辣汁相當夠味唔太食得辣嘅叫微辣就夠今日試咗：四川擔擔麵+口水雞（微辣）+麻辣青瓜個雞真係好滑，擔擔麵都夠足料，青瓜我喜歡佢夠細粒一口一粒剛剛好。四川口水雞+重慶酸辣粉（中辣）+涼拌木耳個酸辣粉係薯粉，煙煙靭靭唔錯，最怕就係煮到太耐淋曬，配料都好足，中辣真係食到滴哂汗，木耳一般般可能醃嘅時間唔夠木耳完全無味。紅燒牛肉腩麵呢個小朋友食，清湯底就算，牛腩都算淋，但個湯底就真係好清牛𦟌涼麵（中辣）牛𦟌都ok嘅唔韌不過唔係好夠味，記得食之前一定要加醋，加咗醋中和咗啲辣味，所以唔算太辣…Read More

門面比較窄所以唔吸引，天后附近都比較多麵店選擇，呢間第一次試食，竟然有驚喜，叫咗兩碗蘭州牛肉麵，一碗係毛細麵大辣，一碗係二細麵中辣，個人喜歡就二細比較好食，佢嘅大辣都唔算太辣，適合返香港人口味，另外叫咗個金城涼麵，天氣熱食的確唔錯，呢個用咗韮菜麵，呢間啲麵條選擇比較多，想要粗幼任君選擇。再叫多個青椒皮蛋，無青椒味但就夠哂辣皮蛋仲要係糖心…Read More

今日試咗個牛肉粉絲，湯底夠味，唔算好重味精，食完唔會好口渴，最正係杯檸檬水，唔使自己篤檸檬，勁夠檸檬味。價錢相當親民六十蚊仲有找。不過可能假期人多，出餐真係好慢，平日去應該會好啲。…Read More

環境舒適清潔，尤其是樓上閣樓有個大堂，非常適合朋友聚會，服務態度又好，食物款式又多，海鮮仲要夠新鮮，價錢都算係大眾化，平均每人都係$300左右，喜歡打邊爐的朋友值得一試我就非常滿意…Read More