So Tin Tin's Profile

今日去咗高興食下午茶，今次係第三次幫襯，不過第一次寫食評。今日我都係叫咗蒜香煙肉炒意粉，不過今次飲蜜桃冰茶，我老公就叫左鮮茄焗豬扒飯 & 凍檸茶少甜。先講個蒜香煙肉炒意粉，今次一d蒜味都無，食到尾聲個底仲有一大劈水，好明顯個意粉炒之前”鯨”水”鯨”得唔夠乾，不過好在夠熱。到個蜜桃冰茶，我冇嗌少甜，但係個甜味其實係少甜，不過OK啊，勝在唔係太甜。個鮮茄焗豬扒飯，原全食唔到焗嘅感覺，個飯又唔係炒底，芝士又唔夠，豬扒又硬，跟本同焗飯係二回事。個凍檸茶少甜，原全無味，茶底好混濁，一d茶味都無。係坐得舒服，感覺都幾好，不過食物一般啦。未去過的話都可一試。…Read More

今日又光顧咗另一間小店，威飛食店。其實之前Work from home 時有叫過幾次外賣，當時已經發現有驚喜，到今日第一次堂食，再有驚喜。我今日叫炸雞髀跟薯條，凍檸茶少甜，隻炸雞脾係生炸，完全冇。雪味，而且肉質Juicy, 正所謂皮脆肉嫰，薯條夠香脆，凍檸茶少甜係堅少甜，唔會似其他茶記少甜都好甜。咁好味成個餐連凍飲加兩蚊都只係$35。鋪內乾淨企理，每張枱都有搓手液提供，不過規模較細，全店剩係得五張枱。總結，值得一試。👍🏻…Read More

今日（4月2號）復活節假期第一日，發現屋企附近有呢間新嘅茶餐廳，所以即刻入去試一試，我叫左燒腩仔奶粉加凍檸茶少甜，嘩，燒腩仔個皮脆卜卜，我在咀嚼燒腩仔嘅時候坐我對面嘅老公都聽到卜卜聲，燒腩仔肉質鮮嫩，估唔到小店一間居然做出嚟嘅燒腩仔有咁嘅水準，而且凍飲加$2後成個茶餐都只係$40，份量仲好大添。另外，值得一讚嘅係夥計態度非常好，佢仲送咗2碗湯比我哋。仲有，佢哋杯凍檸茶係超級大杯，係平時茶記多一半甚至一倍嘅份量。我一定會再次幫襯👍🏻…Read More

琴日（31 Jan,2021)我又去四寶（差唔多成了我的canteen 😁),今次食三文魚烏冬，飲品都係凍檸茶少甜。一如既往，凍檸茶有茶味，唔會似有d高級茶記無味，唔知自己飲緊咩。食物有質素亦有保證，一如以往，好味😋個烏冬夠熱，撈埋個芝麻醬食，正。個三文魚好夠味。推介…Read More

响11、12度嘅氣溫，最好梗係食暖粒粒嘅石鍋啦，食石鍋，一定係呢間”首爾石鍋燒”，雖然環境一般，枱與枱之間距離好窄，冬天去時想除抵外套都會撞到隔離嗰個人。我幫襯過不下5次，但第一次食過石鍋後我每次嚟都係食石鍋，因為嚟呢度唔食石鍋返屋企會囉囉攣，所以今次都係食石鍋。我每次食嘅石鍋都係泡菜蕃茄烤肉豆腐鍋，因為我鍾意食豆腐同蕃茄 。不過今次個鍋無之前咁好食，之前上菜後個鍋仲滾緊，但今次就無，同埋今次咸左d，不過我下次再想食石鍋時我都會去呢一間。推介…Read More

Boxing Day 去咗龍城食 tea。今次已經係唔知第幾次食啦，因為個沙律實在太好味。一如已往，我今日都係 order 沙律，再加個熱狗🌭️。沙律係全雜果沙律，依家好難搵到全雜果沙律，好多都係加薯仔，因為薯仔價錢平嘛，但呢間嘅沙律係100%雜果沙律，而且份量好足，唔會食2啖就食曬，而且超級好味😋至於個熱狗🌭️，條腸堅大，唔係普通雞肉腸，完全冇Hea 客人，味道好味。總括嚟講，值得推介。…Read More

今日經過見到已開業一段時間嘅紅磡冰室，但從來未幫襯過所以決定一試。我今日 order 左炸雞髀配薯角，賣相一流，薯角好味，一食就知係即炸，而唔係炸定晒放喺度有客叫就攞出嚟，所以值得一讚但炸髀味道一般，唔係生炸，味道唔難食，但冇想再幫襯嘅衝動。飲品方面，我叫咗凍檸茶少甜，但完全冇茶味唔知飲緊咩。我老公order咗黑椒雞柳炒烏冬，我覺得味道同賣相一般，不過夠熱。總括嚟講，價錢唔貴，可以一試。…Read More

自從開業後，我同老公幫襯過不下10次，終於的起心肝寫食評同大家分享，因為性價真係高。今次我點了下午茶餐炸魚柳配薯角+凍檸茶。個炸魚柳炸得好脆，但內裡的魚肉仲好仲好 juicy 好軟，正正係外脆內軟。外層並無多餘油，連碟上都見唔到多餘油。真係堅正。凍檸茶中规中舉，但凍飲仲係只加$2，依家好小。抵讚👍🏻…Read More

由於老闆萬歲，所以作為秘書的我要安排甜品給全個部門，共25個甜品，幸好我選擇了滿記，因為佢地有送貨服務，仲要我叫佢地3:30pm前送貨，佢地真係做到。而且甜品到後，熱點仍是夠熱，凍點仍是夠凍，最最最重要係佢地無做錯我個 order. 很愉快的一次消費。…Read More