Ms Dinning's Profile

新張至今天幫襯過3次，車仔麵食物款式和味道不錯，份量適中。職員服務也很好。原本點的全走生菜，結果什麼都沒走，變成鼓油浸油菜。費事換，照食。食落去好似1片生菜用1匙油咁。雖然試著用水沖洗走啲油，洗出來的油明顯黃色且混濁，生菜入口一陣炸生根的油膩味道。以顏色和味道推斷，很明顯用油不新鮮，返用多次。原本叫碟菜食都係想食得健康啲，啲油劣質成咁，真係唔食好過。更令人擔心其他食物都係用劣質油。如果店家唔改善，真係唔敢再幫襯。…Read More

午市一人想食個早餐常餐之類的東西，路過lee間餐廳，入去光點了個全日早餐試試。職員服務快捷有禮，點了早餐很快上枱。食物溫度夠熱，早餐多士脆口，附有果醬。本人不喜歡果醬，抹掉沒試。早餐中的炒磨菇其實是炒雜菇，非常油膩，滴得出油。Menu寫著有牛仔早餐腸及紐倫堡腸，可是早餐上枱只有2條一樣的小白腸，不知是那一款。腸身油冧冧但顏色白雪雪，像無煎過一樣。整體來說，全日早餐質素令人失望，店家請注意食物水準。…Read More

一間店面設計相當有心思的工廈小店，推門進店時店內彌漫淡淡茶香。與同行朋友點了兩份午餐，朋友選了磨菇意大利粉，我選了羊架。食物味道不俗，奶蓋綠茶和現泡茶，茶味甚豐。唯一不足是食物份量太少，2支羊架，既細且薄，相當瘦弱，雖然伴有薯茸，仍不足以果腹。朋友的意大利粉份量尚可，若食客是男士，亦會覺得份量不夠。是日跟同行朋友亦要一起補個下午茶充饑。午餐＄90~＄120，沒有跟餐飲，加上份量太少，偏貴。另外，餐廳用紙兜盛載食物，與別出心裁的店面設計大相逕庭，格格不入，亦乏環保意識。…Read More

點了個2人餐，份量十足。龍蝦肉彈牙。薑葱炒蟹多肉，咬開發現蟹肉雪白juicy，薑葱都十分野味。鮮魷，椒鹽得黎仍保留到食材嘅鮮嫩，新鮮就係lee個口感。蟶子是蟶子皇，來佬貨，無砂，鮮甜爽口。4款海鮮，咬落去就知用料新鮮。用餐當晚食客不算多，坐戶外享受海風，十分寫意。盼能保持水準，會再幫襯。…Read More

一行五人，睇完openrice啲相片同食評，膽粗粗光顧。完全中伏！上菜次序混亂！效率奇高，坐低五分鐘：第一味：清蒸死魚；第二味：超油油菜，亂糟糟一碟上枱；第三味：餸頭餸尾芫茜湯第四味：清蒸鮑魚，豉油都無滴第五味：美極煎千年冰封死蝦，附送肥美蝦腸；第六味： 補鑊蒸元貝，老闆為清蒸死魚一而謝罪第七味：蛋白花雕蒸蟹，蛋白和蟹糕堅硬無比；第八味：龍蝦伊麵，只有龍蝦頭和龍蝦尾，淡而無味；第九味：生炒糯米飯，是全晚最正常的食物；以為食完，點知漏左第十味：白灼東風螺，螺肉是臭的。由於廚師主打團餐大鑊飯，每一樣食物均用百分百火喉，200%全熟的海令小女子畢生難忘。每位400個大洋。…Read More

9個人俾3個menu...唔緊要…揮手叫waiter...無人理…都唔緊要…唯有移玉步上前同waiter大人講…啲大人仲要望都唔望叫你等等…ok...我就等…等了又等…終於有waiter大人埋枱…一開口就問人係咪落order...menu都無得睇…點order呢okok再提一次waiter大人可唔可以俾多兩本menu...今次就笑住應…好呀…結果…………梗係無啦。唯有9個人share3本。咁嘅服務,真係要係當年今日啲檔案先搵得到…斟水又要叫…上菜時又當你透明…左碰右撞…頭都俾佢整散…lee d 金枝玉葉…呀唔係…係粗枝大葉嘅服務…相信都幾難客觀咁去品嚐佢嘅食物:(好難會再黎…講真食物味道都真係好厚度咁講句普通普通………Read More