ｚoe *0* !!'s Profile

一開始見冇乜人等，諗住等一陣就有位，點知原來仲有訂位。明明本身係排第三堆，都足足要等45分鐘。入到去，同個男人講張枱未抹，佢同我講：「下，咁要等耐少少呀！」我成頭問號。到點野食，我講餸名，佢就係都要我講number，fine！我心諗，又要我搵number，咁你都要等耐少少 🙄 講返野食～馬拉盞椰菜仔好食😋，個馬拉盞辟哂啲椰菜仔嘅苦味，但又唔會太咸太辣。蝦餅賣相已經100分 ☺️，外脆內軟，每粒都好飽滿，份量十足冇偷工減料。蟹肉蟹籽炒粉絲夠哂惹味😍，粉絲軟硬質地啱啱好，唔會太濕或太乾，配埋蟹肉一流！雖然其他職員嘅態度都好好，但為免受氣，一坐低嗰下已經諗定唔會再有下一次🙂…Read More

早上同朋友喺澳南海岸跑步，跑完步想搵一啲輕食，行行吓就嚟到呢間 Cafe，見到好多狗狗喺入面玩，就知道呢間係 Pet Friendly 嘅 Cafe 🐶🐱 叫咗個 Yogurt Bowl🥣，有切好嘅蘋果片🍎、各類穀物，再加上一層薄薄嘅蜜糖 🍯，絕對係輕食之選 ☺️ 跟餐叫咗杯 Americano ☕️，如果要挑剔嘅話，我覺得果味可以再濃啲、再香啲就好喇！朋友就叫咗杯百香果梳打🍹，微甜得嚟仍然都充滿住百香果嘅香味。…Read More

前幾晚同朋友嚟食個輕鬆晚飯，地方好闊落，朋友帶埋小朋友嚟都坐得好舒服。三文魚茶漬飯 - 可以自行配搭茶、紫菜及配料嘅份量，茶湯好出色 牛肉烏龍麵 - 牛肉份量多，好抵食！加埋木耳冷盤，出奇地夾！屋子焙茶慕絲蛋糕 - 超級推介！焙茶味濃度適中，幕絲口感軟滑，想一吃再吃 士多啤梨戚風蛋糕 - 小朋友鍾意食士多啤梨味嘅甜品，叫之前諗住係好普通嘅戚風蛋糕，但又意想不到地好食！蛋糕質感鬆軟，味道唔會太甜已經係第二次嚟，希望下次坐到出面嘅ta-ta-mi位 …Read More

一年前黎食過一次，印象其實好差，果次係因為食物質素欠佳，記得有個白汁魚柳，啲白汁杰到係覺得全部都係麵粉團黎，自此之後就冇再諗要黎食。但今次係朋友話要黎，就即管再畀次機會佢啦。一入門口，已經感受到網友寫話態度差既感覺，超大聲問人幾位，你坐呢度，你就坐果度，呼呼喝喝咁，真係唔係幾好受。我地兩個人坐左係大台，想問有冇其他位，佢又勁冇禮貌咁叫我地坐入房，點知我地其中有個位係兩張長椅拍埋，要坐中間個罅位，講真一唔小心真係會坐坐下跌，或者隔離個人大力少少推開都會跌，危險不在話下，真係坐得好唔舒服，但由於廢事又畀人黑面，唯有死死地氣坐啦。朋友飲白湯，佢話偏淡味，入面冇咩料，似飲水咁。我飲紅湯，尚算正常，不過個人比較喜歡加紅羅白而呢度係冇既，同埋我喜歡少少偏辣既味但佢完全唔辣，所以完全唔對我胃口。到個越南粉，一上菜既時候已經冇乜湯，所以根本食兩淡就已經冇哂湯咁濟，我依家終於明點解出面啲越南粉餐廳係會有好滿既湯因爲河粉真係好快會索哂啲湯。但由於又係怕拎湯會畀人黑面，我真係唔敢出聲，唯有硬食。扎肉唔錯不過其實都係出面買現成返黎既味，肥牛略嫌少同林得濟，我想食有口感啲既肥牛，最後我冇辦法食哂，太乾，完全食唔到，食左一半就要放棄。食得好唔滿足兼食到一肚氣。所以如果有朋友再邀請我黎呢間野我係打死都唔會應成。…Read More

叫左外賣自取，佢另外有外賣紙for外賣既。我叫左分別有拖羅、三文魚、蟹子軍艦、松葉蟹、鰻魚、油甘魚。叫得外賣，預左冇堂食咁新鮮。食物只可以叫做不過不失吧。不過員工服務的確有待改善，整個付款過程沒有說過一句話，當然也沒有說多謝啦。付款後問她要等多久，她說半小時，但叫我留低電話，做好致電給我，我就先到處走走。到大約過了20分鐘，我回去店看看，原來已經做好，但明顯沒有人致電給我，也有少少影響了食物新鮮度。…Read More

係附近返工，本身打算係隔離粥店食粥，點知果間粥大排長龍，所以入左黎呢間餐廳，冇諗過咁就中伏！見到餐牌寫住有「生滾靚粥」咪諗住試下囉！個呀姐一聽到我地叫粥，樣都變埋，嫌棄我地係佢餐廳叫粥，喂咁你餐牌又寫？如果唔想人叫，係咪應該寫明供應時間呀？唔使咁樣黑我面喎！之後粥黎喇，個呀叔一野勁大力放低碗粥，勁大聲講左一句「粥呀」！咁算係咩意思？你一碗粥大大話話都要$32，我又唔係唔畀錢，唔明點解入黎畀錢食野要受氣！我果碗艇仔粥，d料好似之前d人食剩既料咁，求其加d豬皮魷魚生菜就完，又勁多油，仲有奇怪味；朋友果碗雞粥，如圖，先唔講味道，食飯都係想飽肚，放低碗粥見唔到可以食嘅野都已經心感不妙，拎起匙羹，筆極都筆唔到米粒，得d水，再者，成碗都啖而無味，好似飲水咁，成碗雞粥好似白焯雞件，加少少生菜咁，可能係我地唔識食，不過對於我地黎講，呢兩碗野係我地食過最難食嘅「粥」！完全係hea我地，完全冇誠意，唔想做生意咁，唔想做生意就早D講啦！一定冇下次！一定唔會再黎！…Read More

同男朋友兩個黎食晚餐，平日既晚上唔算多人，唔需要等位。叫左擔擔麵，奶油準白，宮保蝦。擔擔麵只係$48，味道濃郁，配料充足，麵質彈牙，水準一流！不過喜歡食辣嘅我覺得可以再辣啲！宮保蝦原價$2xx，星期四半價優惠$1xx，半價後超抵食！醬汁偏甜，少少辣，同平時嘅宮保味有啲唔同，蝦既外皮用粉炸過，脆卜卜，口感一流！奶油準白，鍾意奶油，牛油，cream嘅人一定會好鍾意，因為佢比出面果啲落左更多奶油，更杰，更濃郁，同埋更濟 。不過我好喜歡！最後埋單$300，咁嘅水準絕對係抵食！…Read More

好耐以前已經幫襯開北角原店，食物一流！之後幫襯過寶琳，都正正常常，但屯門呢間就真係唔太掂。屯門呢間開張期間已經幫襯，因為果陣平賣，見咁平就同朋友一次過試哂魚蛋、燒賣、生菜魚肉、碗仔翅，係冇試雞蛋仔（純粹自己冇興趣，不過屋企人食過表示都唔錯但唔算抵食）。魚蛋肉質尚算彈牙，但辣汁完全唔夠辣（譚仔食開5小），同埋最大問題係俾太少醬，要知道魚蛋既重點就係個醬嘛。燒賣正常啦冇特別。生菜魚肉，先講樣子，非常不討好，像一堆湯咋，魚肉有少許幼骨但接受到，生菜像梅菜，味道係普通拎包味精煮既味無別。碗仔翅，本人覺得要整一碗好味既碗仔翅的確係有難度，呢道都係整得唔好食既。另外想講係員工態度，咁耐以黎幫襯左都四五次，每一次既交易過程都會有事發生。第一次係開張期間，收銀機突然故障出唔到飛，收銀姐姐就手寫我地張單，佢啲字又非常撩，因為店鋪開張，佢地勁忙兼勁亂，佢地躁底之餘其實我都好躁底，因為果張手寫單來來回回去左幾個人手上，都仲未俾到野我，每一個拎完張單就問我一次要唔要辣或要唔要醋之類，真係火都黎，不過最後都係畀錯既！😑 咁之後過左開張期諗住好啲啦，呢次買左四串燒賣魚蛋拎走，遞單後我企開左睇電話，突然丫姐拎左盒野上黎，望住我話「你既」，我就毫不猶豫拎走，但我突然覺得心有不妙就望望盒野，哈，點知真係變左碗仔翅，好彩只係行左幾步。仲有一次，只係買一串燒賣，當時我前面有兩位都等緊燒賣魚蛋，入面負責個丫姐唔知整緊啲乜，應該係有啲野要趕住整但我望唔到，佢一路冇理我地，其他丫姐就係自己岡位但冇諗過幫佢，整左分幾鐘後終於問我地要乜，前面個客個雞蛋仔都已經到手，同佢講話魚蛋燒賣，點知丫姐又唔知整乜行開左，番黎又問多次，前面個客已炆，到我喇，又係唔知點解要問我兩次辣唔辣，其實有冇咁難記？最慘唔係一次半次，係每次都有唔好既過程，真係唔想再幫襯。…Read More

排隊既時候受到不公平對待，門口負責登記既員工做法好差，我地等左60分鐘終於排到第一，但突然佢叫左我地後面排緊隊既一堆人入去。我就問番佢，點解後面7位會快過我地7位？之後佢就講話係跟登記去安排次序，我就唔係好明，問佢咁點解排後面會入先過我地？係咪登記時出錯？但佢就一味帶我遊花園，答非所問，之後佢仲借啲椅走左去，其實佢果下係未解決到我既疑問。跟住我襯佢行開就想望下張登記表，點知個員工番黎見到，將個登記板反轉唔俾我睇，態度很差。之後經理應該係見到我一臉疑惑既樣，就黎問我咩事，我就講番情況佢知，佢就講左幾句安慰我話好快入得，我都明個經理唔係監察住個登記情況，唔會幫到我啲咩，因此我真係好無奈，不過我覺得果位K字頭既員工做法同態度都極度需要改進。最後因為唔多大檯，我地要等多20分鐘先入得，所以都幾谷氣。不過食物方面叫做加番啲分，都算有水準。必叫既當然係烤豬手，另外亦叫了洋蔥煙肉Pizza，腸仔拼盤，一個飯一個意粉。烤豬手外脆內軟，味道唔會太咸，非常適中，值得一試再試；Pizza 配料配搭做得很好，醬料不錯，味道也不錯；腸仔拼盤今次既水準就不及之前，有少少失手，感覺係煮過龍了；飯意粉就正常。之後叫左三層甜品拼盤，上層係朱古力蛋糕，中層係類似莓醬香草甜餅，下層係類似蘋果批。我平時不喜歡食朱古力蛋糕，但佢呢個味唔同出面普通蛋糕，唔會太漏，味道又唔會太甜；香草餅不錯，甜甜地再加埋果醬，味道配合得好好，口感亦不錯；蘋果批就正常。總結和後感：雖然食物水準唔錯，但員工質素有待改善，如果做服務行業係咁既水準，的確唔合格，亦令我對呢間餐廳整體減分。同埋有留意到其他評論都有講入座安排既問題，希望餐廳和經理都會多加注意和正視。…Read More

同男朋友兩個黎食，平安夜都只係等左10分鐘，唔知係咪新開既關係？侍應對於客人食完既碟冇乜反應，唔會主動執走，加水只係加半杯，好奇怪，但普遍禮貌ok。總結係不過不失，有待改善！…Read More

果日行街..本身想食扒王之王,,,點知好多人等位...相反呢間就冇人等,....諗住不如試下啦...點知就出事....入到去.....都冇人招呼我地,,,果道分兩層.....我地坐低左.....有個人又叫我地坐番上去........ 睇餐牌睇得慢,,,,想慢慢揀,,,,點知佢又唔好老脾.....大佬呀食野想睇清楚姐.....之後一直都態度唔好,,,,到俾錢,,,,咁大間食肆唔收毫子.....咩餐廳黎架???????個經理一手推開我D毫子話唔收.....我問佢點解唔收......根本唔可以唔收.....佢冇解釋...仲係咁叫我俾錢,,,,,,咩餐廳黎架??????服務態度真係奇差!!!!!!!!!!!!!!!!!!!!我想食野姐.....點解要黎受氣???????????…Read More

琴日中午同3個朋友去食…Lunch Set $135/4人…4個湯，8塊蒜蓉包…4杯野飲…2個細批，1個飯，1個意粉…夠哂飽…好抵食 =]加$10要左雪糕紅豆冰…都唔錯嫁 =]雖然係位於旺角，但因為佢好大，都唔會冇位……Read More