goldenjai's Profile

上年係荃灣食過一次，印象中水準唔錯。對尖沙咀呢間都幾有期望，但始終有d落差。前排佢地搞團購優惠，人流十分多，雖然係星期五，揀左晏d個輪(8:30-11:30)，8:15左右去到都等左20-30分鐘。一坐底，荼都未比，侍應已經講定乜野乜野冇。第一輛例牌點刺身(有幾款都話冇) 同海膽手卷，刺身賣相一般，但新鮮程度都可接受。比較中意既係佢地d挪威三文魚同甜蝦，鮮甜既。其他只係普普通通。海膽手卷就麻麻地，海膽有腥味！第二、三輪點左炸物、串燒同和食。炸物真係唔得！好多油同粉又唔熱，似係一早炸定放係到。串燒都還可以，鹽燒海蝦最可取，大隻得黎肉質鮮嫩。神戶牛舌個人好幾中意但朋友就認為硬得濟。到和食，個清酒煮蜆，一來有d沙，二來味道好淡，冇酒味，食落真係似普通水煮蜆。總括黎講，相比荃灣個間， 呢間整體真係麻麻地，不輪服務定食物質素。相信未必再黎。…Read More

誤打誤撞同朋友試左呢間三木放題。First impressive好似幾唔錯。食第一輪，唔洗等已經可以入坐。:)一開波緊係主打刺身，一間放題好唔好食，好取決於刺身既質素。刺身差不多全部點齊，三文魚, 油甘魚, 希靈魚籽, 帆立貝, 極大甜蝦, 螺片,北寄貝和鮑片等，刺身整體賣相吸引，有光澤，夠新鮮。會推介帆立貝同極大甜蝦，帆立貝好大粒，夠清甜。極大甜蝦好大隻，鮮甜爽口。相反，三文魚、油甘魚、螺片個d只係一般貨色，三文魚、油甘魚稍為薄切左，唔夠肥美。鮑片同出面買到個d分別不大。到燒物，牛舌、海蝦、秋刀鱼都不錯。個人幾中意個牛舌，不過朋友就覺得太鹹了。海蝦大隻爽脆，秋刀魚鮮甜入味。其他燒物不至於上品，算中規中矩，過得去。不過，敗不之作真佢地炸物。。。粉漿甚厚，兼且太油。炸蝦、蟹鉗咬開好多麵粉，茄子可能厚切左，未熟，硬左少少。不過，令我們最無奈既係，食到中途好似已經想趕我地走，差唔多提前4,5個字已經同我地講lastorder，聽到真都係呆左。急急腳叫多round啦，點知又missorder，吹佢時已經差不多夠鐘，急急腳食完賣單。講真，呢個價位會搵其他選擇，起碼唔洗食得咁急。…Read More