kapo0422's Profile

🍚The Trafalgar Brewing Company📍地址: 旺角染布房街12-14A號依利大廈地下D號呢間餐廳想打食評好耐，但之前真係太忙唔記得左，剛好睇相見到，即刻打返先。純粹約個中間點同朋友吹水小聚一下，朋友想食扒就係openrice搵，見呢間價錢ok又岩食就試下。到達時先發現原來係類似bar, 我地都唔介意就入左去。set的話唔算太多選擇，另外有meun可以揀其他野食。餐湯忘記左係咩，應該正正常常，如果唔係我一定記得肉眼牛扒只係$158, 無特別期望仲諗緊會唔會茶餐廳薄牛扒貨色🤣點知黎到有驚喜，煎得夠香有格紋，又有side dish另外叫左個燴飯，好creamy份量亦大，好食！最後仲有一件蛋糕仔做甜品員工好有禮貌，全程都好舒服，座位唔算多但無趕我地，足足傾左兩三個鐘，可惜下一日返工，如果唔係我地會叫酒飲，所以絕對會再去🙂！…Read More

🍚汎花餐廳 Blossomy Thai Cuisine (長沙灣)📍長沙灣順寧道98號美寧中心A座地下2號舖➖趁放假重回舊地行下街，以前附近返工，知道有好多餐廳，今次黎都變左不少，見到呢間新開加上好耐無食泰國菜就入去，餐牌選擇多，有沙律 小食 意粉 燉飯 以及不同主菜例如燒雞 薄餅等等➖我同蛋黃媽2個人，不約而同選擇左泰式蝦醬肉碎蒜片欖油炒意粉，另外叫左安格斯牛扒伴紅咖哩焗薯蓉，冬陰公炸雞翼，加$20可以轉餐，有餐湯 沙律 飲品，超值。➖今日餐湯係紅菜頭蕃茄洋葱湯（偷聽隔離枱問侍應），好足料鮮甜，帶少少辣幾惹味。➖沙律有兩款，燒菠蘿沙律 青木瓜沙律，剛好試晒，沙律菜好新鮮爽脆，菠蘿兩面都有燒過甜味更出，亦見到廚師既認真👍🏻。➖泰式蝦醬肉碎蒜片欖油炒意粉，一上枱已經聞到蝦醬味道超香！食落蝦醬味唔算太濃但夠味，肉碎量多唔太乾，幾好食，以炒意粉黎講做得唔錯，至少碟底唔會成層油。➖安格斯牛扒伴紅咖哩焗薯蓉，有牛扒先$138⋯真心覺得超值，伴碟薯蓉好多好滑，唔知有無食錯，薯蓉好似加左少少紅咖哩，令佢同牛扒加醬汁有個連貫性係度，做得好好。而牛扒表面煎得香，內裡軟熟，好食，紅咖哩帶少少辣，相信小朋友都食到。➖冬陰公炸雞翼，雞翼大隻滑溜，炸粉薄配冬陰公既酸辣味，非常惹味。➖餐飲可以選特飲，所以$20改為餐真係好抵。凍泰式手標奶茶&芒果乳酪特飲，茶味唔會苦澀，自己加糖，我覺得幾好飲，芒果我無試蛋黃媽表示ok。➖埋單$304食到一餐泰國菜，而又好食既，我覺得真係cp值高，見到隔離枱食燉飯我都好想試，唯有下次再黎🙂…Read More

因為有張$50現金卷11月尾到期，行一田前叫阿媽用左佢，佢話未試過奶昔，咁就試下啦！可以揀一款雪糕口味，要左咖啡，落完單就比錢$60，一拎杯奶昔就把幾火，個蓋鬆到阿媽都唔認得，倒到我成個銀包都係，9個鐘後仲係一陣咖啡味😡奶昔，正常應該係傑傑地少少沙冰feel? 係咪我記錯？呢杯似水狀，而且超級甜，飲左一啖已經想直接送去垃圾桶，不過阿媽話唔好浪費飲埋佢，無下次👎🏻咁既價錢飲杯垃圾，下次都係去返five guys飲…Read More

📍神 🗺️太和有段時間好興既石頭燒牛扒，好耐無食了，發現呢間都幾平！唔好意思唔記得影meun, 因為入完錢買飛店員就催我入去，影左我食個餐，牛小排(切件)$58有200g仲包任飲任食，可能係頭尾切出黎但一d都唔差，真心推薦呀，但只限午餐有呢個牛小排特價！！！🧃任飲既只有水&青檸汁🥣 湯係羅宋湯，非常足料，入面連牛都有好多亦大件🍚白飯任裝 有飯素提供🥗 有椰菜絲(?) 粟米粒 車厘茄🥩牛小排有驚喜！都唔係好細件，生熟自己決定✌🏻不過最後塊石唔夠熱，生得濟有d un (店舖可以提供換石，只係我懶得換)$58無加一真係抵到爛，大家快d去試下！…Read More

📍牛駅麻辣火煱放題 🗺 尖沙咀好型既隔板😆6點就到唔係太多人，用app落單，食物好快到丸同蔬菜係外面拎，好夠凍唔怕食物變壞，部分小食係app內選，芝士條唔建議，豬手推薦👍🏻好爽又入味我主要食牛，同朋友要美國精選牛餐，都唔差!其他食物忘記左影相😂台灣火煱，都真係有台灣特式，蛋餃，蛋灌腸，好少見甜品有朱古力 / 綠茶軟雪糕，亦有其他枝裝雪條，選擇多2小時慢慢食，侍應都非常快手執拾，抵讚，食火煱的話會再黎，不錯!…Read More

好耐無入上水，多左唔少餐廳，行左個圈西餐好似唔算多，見孖寶門外餐牌有岩食，價錢又ok就去左本來諗過2人餐，不過2個都想食肉就分別叫晚餐餐湯同麵包應該自製，幾好飲，麵包烘過再上，外層脆內軟熟，好食！阿媽例牌食牛，要左紐西蘭肉眼，7成熟黑椒汁牛扒上枱已經見到煎得好靚!切開7成剛好，食落真係覺得抵，有牛味無筋，外脆內軟，處理得好好，另外值得一讚係黑椒汁，好多餐廳為左迎合大眾口味，黑椒汁完全唔辣唔香，但孖寶既好味!我叫左香煎威爾斯羊扒，原本以為係一塊扒🤣原來係羊架..哈哈，不過羊架我同樣鍾意，細細塊肉比牛扒更難處理，同樣7成熟，外脆內軟，帶少許蘇味，不錯，而且三件都處理得好好，連肥膏位都煎得香脆，我食晒配菜方面都唔馬虎，薯仔同其他菜都略煎過有調味，唔會淡茂茂最後飲品加錢轉朱古力沙冰&玫瑰咖啡，2杯都唔會過甜整體黎講真係好高質，如果下次再過上水，絕對會回頭…Read More

阿媽知我前排食完校長,心思思又想食所以帶佢去,今次近近地去荃灣,係樓下掃完安心上到去,同事已經係門口等然後帶位,坐低後另一位同事幫手開爐食物選擇多,無雪味,肉類亦唔會沾滿醃料只食到味精,係我喜歡校長燒肉原因,燒烤肉類放滿2張枱,仲有金沙骨,牛仔骨,魷魚鬚,扇貝肉,比較貴既食材爐上放一張燒烤紙,食物無咁容易濃,連多春魚都可以燒得好靚!睇圖都可以見到d肉燒得好靚平時豬頸肉 漢煲扒比較多油既食物容易搶火濃晒都未熟,但係呢度就燒得好好食物醃得幾好,唔會太咸亦唔係淡茂茂今次一口牛唔錯, 大大粒燒完6邊就食得,有肉味而牛仔骨大部分都無乜脂肪,好靚另外仲有點心 熟食 火爐材料 壽司,不過我主力燒肉飲品有啤酒,仲有我喜歡既荔枝茶,甜品有自制既,亦有多款雪條,右上紅色包裝細細件果款好好食!Lotte的校長繼續保持到水準,相信我好快又會再去…Read More

餐廳位於衛理道對上的網球中心內，位置極其神秘及舒適，一家大細黎就一流！餐廳配以小明火為鐵觀音加熱，慢火加熱散發吸引的茶香，留住溫度、保持高貴的茶味。茶壺功夫湯餐廳招牌菜，足料火喉煲起；入邊有齊蟲草花、螺頭、雞腳，透過茶壺分隔，將湯的精華分離，味道十分吸引，黎到依到必點。橙花蝦球片片香燈配上濃厚的醬汁，帶出脆脆蝦球的精粹，送飯之選！蟲草花蒸班頭腩餐廳採用新鮮班頭腩，食落冇雪味，有既就係海水味！新鮮到一個點，配以淡淡的豉油及蟲草花，保留班頭腩的鮮味，CP值超出啊！豉油雞依個黎到可以值得一試！豉油雞醃料入味，煮得岩岩好，肉質唔會過硬！嫩口至極！…Read More

印象中第一次去元朗分店，侍應好友善，樓下登記完上到去就已經有人帶位，天氣比較熱即時拎飲品，選擇都好多亦有酒精類飲品之後就出去拎熟食食住先，好餓😂咖哩角 章魚小丸子唔錯，另外仲有螺肉 泡菜等等既前菜，有個蓮藕片好好食之後就拎生肉開始燒，款式都好多，肉唔會碎濕濕，亦唔會未退冰，處理得唔錯，估唔到有魷魚同金沙骨，自己買都唔平燒爐上有一張紙，食物唔會痴底亦無咁容易燶，幾好，每枱都預先放定幾張爐紙，方便更換食物質素幾好，調味唔會過咸，漢堡扒好好食，至少食左6塊😂除左燒之外，有火煱料打邊爐，仲有點心！雖然無食但見人地拎都唔錯我個餐包刺身，可以拎飛仔出去拎，都幾好食最後食埋甜品真係好滿足…Read More

印象中上一次主要係任食火煱,未有雞煲,所以今次試一試,先食雞煲然後加湯變火煱,門口揀好餐同辣度就有侍應帶入座出去拎完飲品雞煲就到,份量足,小辣對我黎講剛好,醬汁亦好惹味😋雞件已經熟可以食,雞胸都唔鞋,真係唔錯,如果多少少醬汁會比較好,無咁容易痴底之後可以加湯或+$20轉湯底打邊爐,我想快d食所以揀左加湯,值得一讚既係,除左火煱配料外熟食選擇都非常吸引炸饅頭脆身,炸榴連阿媽話ok, 芝士撻流心帶少少檸檬味,唔會太膩,奶黃牛角包非常鬆脆,雖然係比較飽肚既食物,但真係值得一試！外面自助有唔少餐前小食,好鍾意呢度既炸雞軟骨,調味好好亦夠脆每樣肉都試一試,最有牛味應該係右下封門柳但就比較有咬口,我最鍾意右上安格斯牛板腱,encore左幾次海鮮類都幾好,蠔同帶子雖然係急凍但估唔到好食,嘴刁既阿媽話encore,我鍾意墨魚滑同蝦,食到墨魚味唔似外面粉漿,而蝦竟然仲識郁!!!!除左qr code落單仲有部分丸類可以係自助區拎,好方便最後甜品 好多款…Read More

朋友家係附近,專登行過黎買腸粉食混醬三寶有 4條腸粉+5粒燒賣+5粒魚蛋 $20近呢10年8年買腸粉,即使叫多醬都唔會比多你,好黑人憎,混醬坊係唔需要叫都會比適量既醬,呢個係我喜歡買既原因即叫即整熱辣辣,腸粉都算滑身,魚蛋細細粒但好爽,燒賣就正常唔會好粉每件腸粉都沾有滿滿既汁,真係好滿足,去開附近一定會買…Read More

怕聖誕太多人,10日前已經落定order, 轉數快過數,好方便雖然節日,但依然有平時既party set餐,$518但超多野食,另外我再加左小食2個大批2飯/意粉2小食8炸/烤雞8紅/白湯我係自取,再有9折,order左6點取餐,早左少少到未有得拎,侍應都非常有禮不停唔好意思,但其實只係我自己早到準時6點鐘拎餐,再搭車去朋友屋企,大概半個鐘但pizza依然脆,炸物無變淋環遊世界好多料,而千島海鮮都唔錯建議外賣要烤雞,始終炸既熱辣辣好食d推薦: 香蒜肉絲意超級好食‼️海鮮闊條麵凍左好難撈匀😆但味道ok值得再幫襯…Read More

秋風起涼涼地,中午放工即興想打邊爐,搵埋阿媽去最近既一鍋堂,因為之前食過覺得好好~第一次午餐時間去雖然已經2點,但有7成滿揀好湯底就安排入座,因為未食野比較餓,就選擇左100分鐘放題,B餐特選安格斯牛(我覺得對得起價錢)見到廣告牌同金寶湯crossover, 我其實好鍾意金寶湯,但覺得打邊爐要濃味d, 最後揀左鴛鴦(喇沙x麻辣)😂覺得喇沙可以再濃味少少,不過夠香,而麻辣一開始辣椒味未出,滾左一陣都幾惹味,唔算太辣ABC餐包既食物唔同,吸引我要B餐係因為見到牛脷心托,一開始叫左美國安格斯牛肉,牛脷心托,封門柳,羊卷肉(快熟😂)相信好多人試過,明明比貴少少想食好d, 點知第二輪牛既質素變得好差,但今次叫左幾轉,安格斯牛質素每碟都保持得到,封門柳肉質較安格斯牛肉硬(但並非咬唔開!),牛味亦較重,而牛脷心托好爽口,第一次打邊爐食牛脷,好好食安格斯牛肉封門柳牛脷心托黄金魚皮任夾,2個人食左2碟😂好脆好好食魷魚 牛栢葉切得大塊,淥好唔會縮到搵唔返,手打三寶丸細細粒幾好有少部分既丸可以自己夾,攞放位置冷氣好夠飲品選擇都幾多,除左普通罐裝包裝,仲有自家制既樽裝茶,飲過薄荷烏龍茶,洛神花茶唔錯,冰糖燉檸檬就偏淡雪糕超級好食!奶味重,食左幾杯服務員有禮,收盤收得快…Read More

去完檢測順路入黃大仙中心搵野食Grove既三文治輕食都唔錯,見下午茶$3x~$50又唔太貴就入去試下同阿媽一人一個餐,佢叫左蒜蓉汁牛仔柳配意粉,賣相其實唔差,牛仔柳算大件,不過偏淋身覺得有鬆肉粉味,阿媽話意粉好淋唔好食我叫左馬來咖哩雞扒飯,一上菜真係想講粗口😂一塊雞扒就咁淋少少汁上去,唔太食得出馬來咖哩味,汁亦少,好似乾噎白飯咁,個飯仲頹過大快活既咖哩,非常差…飲品正常,凍華田夠味,檸茶有三片檸檬,不過會永久blacklist, 食佢不如食連鎖快餐👎🏻所有野食應該都係整定,上菜速度超快…Read More

行完aeon係附近搵食,比火山燒吸引,店舖光猛門口有餐牌,岩食就入座🙂大約7點都開始人多了!其他同類型食肆,清一色只有石板燒牛/豬/雞,但火山燒除了石板燒牛外,仲提供飯&意粉,選擇非常多,價錢亦親民阿媽叫左200g美國頂級高腰西冷,跟一碗白飯,而我要左金標和牛肩胛肉溫泉蛋丼,建議+$29跟餐,真係非常划算,可以沙律/湯/串燒/飲品 四選三,只係飲品已經值回票價,我兩份餐都加左🙂忌廉湯望落有少少稀,但飲落唔錯,唔會水汪汪,似係自己煲,沙律新鮮正常,另外牛扒有醃蘿蔔,好食沾醬上面帶甜,下面帶辣牛扒大件厚身,石板夠熱,足夠食到最後都唔會凍,高腰西冷肉質較淋身,不錯厚身,份量足夠輪到我既金標和牛肩胛肉溫泉蛋丼,溫泉蛋時間岩岩好,蛋黃好香撈匀飯一齊食,正!牛已經切好一片片,份量唔少,牛肉處理得非常好,粉紅色未熟晒!牛味好重,有咬口但唔係咬唔開果隻!!好豐富無得去日本,叫個章魚燒過下口癮,脆身入面有章魚粒,唔錯,共6粒$29 4選3可以揀餐牌上所有飲品,非常划算,彩虹棉花糖特濃朱古力,真係好濃味,唔會太甜阿媽飲炭培烏龍茶玫瑰海鹽奶蓋,唔甜,茶味濃,佢話好飲最後不得不讚店員好有禮貌 一定會再過黎食!!…Read More