只野仁's Profile

   原本book了12點，但是日打8號風，以為冇得食了:(，點知佢打嚟問我地仲黎唔黎，佢照開我當然照食，不過去到都2點。     全場唔計我地得一枱客，仲要係老闆同佢啲friend，已經鎖定目標，叫個12 oz rib eye 同tuna fish semi buffet，就出去攞啲頭盤食吓，有十幾款既選擇，有小弟歡喜既Parma ham 同 Salami，ham 味道OK，雖然唔係好高quality，但buffet之中算唔錯，仲有蜜瓜配，掂! 仲有啲釀蕃茄同釀青紅黃椒都好好味，前後食咗三碟，抵晒!   主角跟住出場，充滿碳燒香味既rib eye 黎喇!!!加少少鹽就已經好好味，juicy又有肉味，正正正。個tuna 其實都燒得好香，但當然個扒係最好味。啲菜加咗醋，好開胃，大王密密食!!!!!美中不足之處係冇包coffee or tea, 唔係就超正!!!…Read More

    終於展開暑假美食之旅，要同大王食吓平時冇乜機會試既weekday lunch. 平常去彩星大廈都過門不入，今次特登過黎食個靚lunch。   坐低睇吓menu，set lunch 好多選擇，全部$148，有welcome drink，soup or salad，main course同dessert，再有coffee or tea.。 每個item都有好多choices，welcome drink 有幾款果汁或汽水，湯又有幾款:磨菇湯、龍蝦湯等，仲有凍湯添! Main cousre仲多野揀，有好多西班牙出名的菜色: Roast suckling pig, Paella, 沙甸魚, steak......到甜品喇，都好似有5個choices.   小弟同大王叫咗磨菇湯同龍蝦湯，主菜係乳豬同Paella。乳豬份量都OK，有兩大舊，皮脆肉嫩，極少脂肪，唔會因為lunch 就質數下降。個Paella仲有海鮮同其他肉選擇(唔記得係乜)，大王揀咗海鮮，份量超多，如果兩個女仔都可能食唔晒，味道好香濃，飯好有咬口，所以好飽肚。最後再黎兩個賣相精緻既desserts，大家都食得好滿足!!!!    PS. 原來星期一至日都有set lunch 供應，暑假前一定再嚟食多餐!!         (大王仲話有兩杯野飲超抵)…Read More

睇完少年食神既專欄，想同愛旦既大王試好耐，但夾唔啱時間，今次終於係銅鑼灣特登去跑馬地試，之後再出翻黎睇戲。六點頭黎到，老細仲係準備中，坐低立即叫個奄列飯同薑怱鷄脾飯，點知老細話只係做到四點，晚市只有意粉。晴天霹靂！！！我地軟硬兼施都唔能夠得呈，唯有食老細推介既紅白意粉各一。紅係蕃茄汁，白既係白酒忌廉汁，配料可以有蛤肉，海鮮，煙肉，蘑菇等、、、先黎一個鷄肉忌廉湯，有少少既雞肉，可以接受。跟住就輪到蕃茄海鮮意粉出場，味道略酸，意粉唔淋，不過可以再硬一點就更好，自己炒既比佢仲好味(大王意見)。到白汁蘑菇意粉出場，呢個似模似樣，色香味全。有白酒既香味，白汁濃淡適中，食落夠嚼頭，口感有Al Dente餐廳既七成。以四十幾蚊既茶餐廳價錢，白汁蘑菇意粉絕對值得推介，只要換咗一隻大啲既碟上枱，佢既賣相令你願意比多一倍既價錢黎食。同大王會再黎試吓佢出名嘅午市碟頭飯，睇吓少年食神有冇老點！P.S. 佢地營業時間有啲飄忽，去時打個電話問吓會穩陣啲 …Read More

不知不覺，同大王一齊兩年喇，大王推介要搵啲(特別)啲既食店黎記念一吓。平時路過總會見佢有人等位，網上既食評都係咁講。安娜係元朗老字號，係元朗既傳奇，但大王既評語係麻麻，唔知點改會咁多人等，覺得同花園餐廳差唔多，平時都唔會提起勁黎試，但小弟今曰就處女下海，同大王試一試呢個傳奇！七點幾黎到，唔使等，搭枱就有位。裝修係屬於懷舊一族，跟花園同金鳳一樣既感覺，鈎起童年中學既記憶。大王要豬手餐，小弟就要咗黑椒西冷七成熟。多士同紅湯好快就到咗，多士夠熱，紅湯唔係味精水，仲好多菜，比意料既好！牛排好快就到咗，熱氣騰騰，淋上黑汁，渣咗一聲，久違了既中學鋸扒感覺，又湧上心頭。試一口，有牛既少少穌味，足七成熟，正是往時熟悉既味道。被黑汁浸淋既薯條，亦都照樣可口。食到一半，大王既豬手都上枱喇。份量十足既豬手，用汁煮，食落冇焗既咁咸，味道清啲，啱大王口味！總括而言，安娜屬於大件夾抵食，冇銅鑼灣金雀既古雅精緻，但抽氣比金鳳好，食物同美而廉、金鳳等不相百仲，比大家樂好，係童年鋸扒既味道。但以咁既價錢味道而吸引到咁多人排隊，真係元朗既傳奇。同大王呢一餐，當然味道係其次，可以係記念曰留下一個回憶，先係難得。 …Read More

係Openrice見過呢道啲食評，同大王想試好耐，今日終於有機會。煎海鮮蔥餅 – 係食評中得分最高，所以即叫。食落幾香脆，有蔥、八爪魚、蠔仔、蝦粒，比其他既韓國餐廳既出品薄，如果配上辣汁會更好味，70蚊係抵食，但有其他地方既海鮮蔥餅比佢好食。紫菜包飯定食 – 評價又很好高，大王都叫咗。睇落好似冇醋既太卷，食落都冇特別，不過碟頭夠大，幾飽肚。泡菜豬肉鍋 – 幾好味，再配上隨鍋付送既白飯，撈湯一流。炒螺肉 – 碟頭好大，有好多青瓜、紅蘿蔔、雪梨同肉絲，開頭食落甜甜地，跟住啲辣味就慢慢滲出黎，食得辣既大王都話辣。總括黎講，碟頭大，價錢偏貴，可以一試，但唔會特登黎，大王又中咗計。…Read More

又要係元朗搵野食，大王提意呢道，好有歷史既印度咖哩。起初大王驚間鋪太舊會好污漕，但坐低又唔覺，都OK光猛。跟佢貼起蔡蘭張poster叫咗個濃腰果汁牛肉，燒鷄翼、泥泊爾餃子再加印度黃飯。先黎既係黑糊椒薄餅+酸洋葱醬+薄荷醬，同外間既餅一樣﹐香脆又有黑糊椒味，大王特別歡喜酸洋葱醬，直頭就咁食啲洋葱添。濃腰果汁牛肉，只有少少辣，比想像中温和，但都好濃味，配上印度黃飯就好好味。泥泊爾餃子，餃子普通，但係附上既辣醬就好好味，餃子再加上辣醬，真係好正!!!最有驚喜既係鐵板燒鷄翼，熱辣辣咁上，有炭燒既氣味，微辣，係近期既佳作!!!!埋單$210, 幾抵食，會同大王再黎食!!!跟住買埋生果返屋企睇大結局…….…Read More

黎開旺角，大王心思思想食，即刻去攞飛再去行街，依足老闆話一個鐘先返轉頭，果然等多5分鐘就有得坐。已經TICK咗食啲乜: 糯米鷄、皮旦瘦肉粥、酥皮义燒包、黃沙豬潤腸、腐皮卷、二崧蝦旦餃、鳳爪、山竹牛肉。好味既有:有小朋友果時既味道，尤其是皮旦瘦肉粥，粥底夠味，正!!!其他既就普通:二崧蝦旦餃就最唔得，十足十蝦仁炒旦用皮包住食，唔夾。大王話啲野食失色咗，如果唔係有野做，攞定飛就一定唔會等。P.S. 好唔好味都係好主觀，但食物應該冇味精，因為食完都冇口渇既感覺。…Read More

本來上個星期諗住黎，但係原來星期日休息，決定今個星期六黎個Brunch。係西鐵站行過黎，十分鐘唔夠都好快到。去到門口，有兩枱人6位係度等緊，見餐廳D人都係等住食野多，就知佢地慢工出細貨。等咗15分鐘就有得坐，比想像中快，係食評見到話凍0茶正，即叫，再黎既係凍奶茶、招牌波蘿包、招牌咸牛肉豬仔包、蕃茄湯底豬排鷄翼面。凍0茶: 落足檸檬，夠晒檸味，但茶味就唔夠。凍奶茶: 唔會太多奶同太甜，但茶味唔濃，都係尖咀橋底好飲好多。我叫大王唔好飲咁快，唔係飲晒啲野食都未黎。15分鐘度，主角就出場喇。招牌波蘿包: 賣相吸引，波蘿包皮夠脆，但大王覺得波蘿包太甜，整體好味!!招牌咸牛肉豬仔包: 旦加咸牛肉係好好既配搭，豬仔包又熱又軟，好味，但如果咸牛肉可以煎香咗先放落包度最好。見到其他人食既豬排好吸引，先叫番個蕃茄湯底豬排鷄翼面。豬排鷄翼面: 豬排煎得啱啱好，金黃色，咬落去唔乾，有味仲覺得有肉汁添。個湯有大量蕃茄，好濃好味，鷄翼就普通，面都唔會煮得太腍，唔錯!!食晒後大王要再食招牌旦沙律三文治烘底，我梗奉陪，追加等咗一陣就有。個包烘得好脆，正，但個沙律就淡咗啲，冇旦味，滿足唔倒大王既要求。P.S. 店內坐滿人，但坐低就即刻有招呼，雖然唔係笑面迎人，但可以接受。對面位”溜”單，伙計主動發現，即刻出番碗面比佢，唔錯，冇其他食評講得咁差。不過有街坊幫親招呼就確實好啲，咁都係人之常情，話晒都係主要做村民生意。…Read More

知道呢間鋪都開咗一段時間，見今晚大王係銅鑼灣出現，就試試佢既大阪燒。睇過食評，知道價錢偏貴，不過如果好食又好玩都唔錯。好肚餓，研究咗menu好一陣，終於決定食乜野。大王要辣味﹐配料要八爪魚, 芝士, 洋蔥, 粟米。小弟要原味，配料就要海螺頭, 帶子, 芝士, 洋蔥, 日本本菇。跟住伙記就略略講解吓，等我地搞好搞暈啲材料就開火準備落鑊煎。一倒落去，已經要追加個泡菜豚肉立即食，因為實在太肚餓喇。泡菜豚肉微辣，幾開胃，頂肚唔錯。煎吓、轉吓、再反吓，最尾加隻蛋係底，禮成，食得!!!!先食大王既作品，冇乜辣味，啲洋蔥幾好味，但就食唔出其他既味道。再試小弟既原味﹐好過辣味少少，似多啲日本既味道，但都係偏淡。食咗兩塊，戰士已經投降，剩低我繼續努力，但因為太”溜”，最後都係食唔晒。叫咗杯巨峰提子紅茶，但黎錯咗巨峰提子梳打，咁老闆就將錯就錯，再送多杯紅茶比我地，多謝老闆。叫做試過，幾有趣，但味道就好普通，啱年青人同情侶黎玩吓、開心吓，但就唔好期望有乜味道。…Read More

瞓到黃朝伯晏，諗住呢個大排檔會收工，但都路過睇睇，大王想食嘛…..點知過咗3點先到，問吓老細﹐佢話做埋我地喎，唔該老闆!!!叫咗蕃茄豬排飯﹐豉油鷄翼飯，再加凍0茶，凍華田。豬排飯黎先，好味，蕃茄酸酸甜甜，豬排新鮮煎好，熱辣辣，好味，有住家既味道!豉油鷄翼飯，甜豉油，大鷄翼﹐好味，但可能係飯尾﹐唔夠熱。大排檔風味﹐正，童年時既回憶，少年食神今次冇介紹錯。…Read More

睇完戲9點幾，大王心思思想食魯肉餃，就慢步過來。有兩枱人共6位已經係門口等，我地就乖乖咁跟住等。大王唔舒服，等咗45分鐘先可以坐低，真辛苦。坐低即叫，費事再等耐啲，點知冇魯肉餃，搞到大王又失望多一次。口淡淡既大王要咗皮旦粥，我就要咗玉竹秋梨茶，車仔面要咗鷄翼，魚旦同蘿蔔加粗面，跟住大王追加個生菜魚肉添。皮旦粥: 睇落平平冇奇，食落好甜好夠味，又多皮旦﹐好味!!!玉竹秋梨茶: 唔太甜，解渴。車仔面: 加咗大量既辣菜甫，好味，蘿蔔係一向既清甜，其他就不過不失。生菜魚肉: 份量足，但就冇特別。下次要再黎食番魯肉餃……Read More

大王整完牙，又加上六合彩既前夕，要同大王妹會合重鎚出轚，加上上次無試過，所以就選擇黎呢道試試。大王想坐室內，阿姐話要等30分鐘，咁就去咗書局睇咗陣書。終於有位，叫咗芝士蝦丸, 青咖哩包, 辣椒膏炒蟶子, 燒雞翼, 龍眼冰同真多冰。:(芝士蝦丸: 平平冇奇, 似蝦餅一樣，不過就只係多了芝士心。:)燒雞翼: 很香，皮燒得很脆，比泰良園好味。:)辣椒膏炒蟶子: 份量夠多，不太辣，夠爽口，配菜既洋蔥就更加好味!!!:(泰式炒河: 冇特別。:)青咖哩包: 我地要咗豬肉，啲味就普通，但用面包點啲咖哩就好夾，好味!:(龍眼冰: 龍眼少咗啲同太甜，大王唔推介。:)真多冰: 椰汁味夠重, 我就幾歡喜。食完再去買六合彩，一定要中………..…Read More

食完碗失色既豬潤粥後﹐大王驚會肚餓，再去揾野食。一心去食車品品，點知星期一係休息﹐唯有去隔離既點心店再食多兩籠點心頂肚。叫咗焗杏汁飽同鮮蝦米網腸粉兩樣，因為已經好飽。焗杏汁飽即叫即焗，新鮮熱辣，外皮鬆脆，裏面香噴噴，杏汁滿滿，非常好味。鮮蝦米網腸粉都係即拉既，皮薄而滑，米網香脆，加小量既蝦已經好滿足。總括黎講都算好味。…Read More

大王有提議，係冇人要負責下就試試佢。黎到門口附近﹐見到好多人坐晒係門口﹐不過係另一間鋪﹐仲要都係泰國野，唔知點算好，大王就話鍾意坐室內多啲﹐所以冇轉到另一間。好似唔係好多人咁，有啲失望，但都照叫，係三心兩意同openrice食評影響之下，最後叫咗:燒鷄翼，泰式蟹肉釀魷魚，泰式肉碎炒飯同兩個椰青。先黎椰青，一個甜啲一個酸啲，酸啲嗰個肉地仲好薄添﹐大王話佢係老椰青。跟住係炒飯，拮穿隻蛋黃撈云啲飯，再同埋啲肉碎食，好味﹐少少辣，啱晒大王。再黎泰式蟹肉釀魷魚，有蟹肉味﹐不過外層魷魚亁咗同硬咗啲，要咬多幾吓先得，配上酸辣汁都尚算好味。燒鷄翼原來老闆娘留咗單，不過後補都好快，同大王請講講吓就黎咗，味道唔錯，不過外皮再脆啲就好，同馬來西亞既燒鷄翼就差太遠喇。埋單$240，唔貴﹐但椰青要$30個就貴咗啲。…Read More

今日同大王出城，黎到灣仔轉轉口味，食吓西餐。間餐廳好似好full booking咁，我book咗8點，7點9已經打兩次黎confirm我係咪黎，當然我地都準時到達。見到有個 dinner set，不過心多多既大王都係散叫。頭盤叫咗焗磨菇，有啲蕃薯同cheese係面，好味。叫咗個意大利雲吞，上次想食冇食到﹐今次補番，不過個汁太咸，食完再飲杯酒都冇味。再黎係蛤肉意粉，意粉真係 al dente，個汁都好味，自己要努力學習吓先得。跟住要多個rib eye steak，呢個普通啲，冇特色。總括黎講，意粉係最好，黎食意粉已經好滿足。…Read More