Wendyyy_'s Profile

星期日朝早諗住搵個舒舒服服既地方飲個茶，於是在黃埔眾多選擇中挑中了紫荊閣。十一點黎到尚無咩食客，被安排係兩人位坐低。見到窗口位無人便要求調位，個叔叔一萬個不耐煩話換啦！諗住好心執好檯面野先過去，叔叔升級到十萬個不耐煩話人過去得既喇！心中即時減分講返野食，叫左個沙律明蝦筒，樣幾靓，蝦都夠新鮮，不過沙律醬就太多，咬落好似食緊一舊沙律醬春捲，中伏。鮮蝦菜苗餃，好淡味，個皮太黏，一籠3隻無一隻可以完整夾起，全部夾到爛晒。四寶滑雞扎規規矩矩，都算足料，不過味道就有小小偏鹹。最推薦古法馬拉糕，夠熱夠松化，又不會太甜，好食。最後4樣野買單194（茶位費每位15），價錢真係唔平，咁既質素同service，呢個價錢好多選擇。今次可以一試，之後唔會再黎。…Read More

最近覺得天氣凍凍，食野都想食熱辣辣的。今日同朋友在旺角附近小聚，於是計畫在砵蘭街覓食。由於家住紅磡，常會光顧韓點，印象一直不錯，這次看到這家韓點II，便毫不猶豫選擇了它。夜晚放工時間人不算多，坐的十分舒服，老闆娘也招呼得也十分周到。看到餐牌有最近心水部隊鍋，便立刻選擇！由於朋友不能吃辣，特別跟老闆說減辣，上來後果然不見辣椒，各種肉類和蔬菜整齊擺放，更有拉麵和cheese，引人食慾之後老闆娘加入高湯後就正式開火煮！沸騰後嚐一口，果然不錯，尤其喜歡餐肉和切片年糕～好味！三個女生大快朵頤，十分滿足！還有叫韓式魚蛋，十分清甜可口，連湯都差不多喝光，只顧吃完全不記得影相當然，如果你能飲酒，米酒也是大大推薦吖！…Read More