EatingIsHappiness的個人專頁

經網上介紹，特地相約朋友去試試。一出lift, 落地大玻璃非常吸睛，飽覽270度維港海景，華麗餐桌和水晶燈裝飾，環境舒適優雅，打卡一流🥰餐廳主打精緻歐洲fusion菜式🌟Starter香草醃製三文魚🐟醃製三文魚口感新鮮綿滑，混合香草、蜜糖芥未和辣根醬汁，味道豐富，十分惹味😋。香滑泡沫鮮雜菌湯 🍵濃濃雜菌味道，香氣撲鼻，入口香滑💜。Main course燒美國安格斯西冷牛扒🥩牛扒燒至七成熟，色澤粉紅，牛味香濃，切開質感細嫩，肉汁豐富，愈食愈滋味💯。傳統烤火雞🐔烤火雞外脆內嫩，肉質滑溜，沾上清甜蔓越汁，肉味更突出✨伴碟的南瓜粟子餡料令人開胃。Dessert暖焦糖牛油吉士包，雲呢拿雪糕🍦方型吉士包外面焦糖邊脆，內裡鬆軟，啖啖焦糖牛油香，配上雲呢拿雪糕柔軟香甜🍬。意式雲呢拿奶凍🍨雲呢拿奶凍入口清涼幼滑，加上雜果和醬汁，鮮甜滿滿💖。…查看更多

一直好想試呢間本土口味軟雪糕，今次經過深水埗終於試到喇🤩揀了鹹零七味軟雪榚，配檸檬皮及薄荷葉（$38）Salted Lemon Special Drink Flavor with Lemon Peels and Mint Leaves Topping 😍第一啖食落去好特別，完全係鹹零七味道，有鹹、有酸、有清甜，一種新奇刺激的味道，很清新，味道出色🤤值得一試👍🏻…查看更多

經網上得知的cafe, 相約朋友一起去試試😀一到達cafe門口，已經見到好多花花草草，一入去四圍都是花花裝飾，花花牆，花花吊飾，好適合女士去食同打卡😍曲奇杯子 White Hse Cookie Cup（$69）之前網上見到，已經好想試，今次終於試到🥰曲奇杯整得好靚好有心思。將牛奶倒入曲奇杯，有得飲有得食。飲一口牛奶，會有絲絲曲奇味，好特別。咬落去曲奇，曲奇比較硬身，濃淡適中。二重奏忌廉煙肉芝士貓耳朵 Double Cheese Orecchitte with bacon in cream sauce（$118）個人推薦這款，首先賣相好配合Cafe花花主題，其次是好味道，可能本身喜歡吃芝士，食第一啖之後就停不到，濃濃芝士味湧晒出來，芝士之中又夾雜煙肉的鹹味，一個字，正！蠂豆花綠茶 Blue Butterfly Pea Jasmine Tea（$45） 顏色上橙下紫的綠茶，紫色蠂豆花在上面，顏色好搶眼，好夢幻。係未攪的情況下分別飲了紫色和橙色，下面偏甜，上面有點淡，綠茶味夠濃。當攪混來飲就剛剛好，不會太甜又不會太淡，很解渴。龍蝦先生遊花園（$289）很大隻龍蝦，擺盤賣相好吸引。龍蝦肉結實有口感，意粉爽口好食，好有龍蝦味，對龍蝦無特別愛好的我都食到停唔到手。Cafe每款食物飲品都有花瓣襯托，賣相精美，擺盤用心。環境氣氛舒適，服務態度一流，值得再去。…查看更多

朋友生日，特地選擇在這間日系懷舊復古風Cafe聚會。樓高4層，裝飾精緻，環境氣氛溫馨舒適，每一個角落都係影相打卡點，亦有日系精品古著服飾買。岩晒喜歡影相購物既朋友。我地叫了四個日系輕食便當🥰😍黑松和牛漢堡·盛當；宮崎南蠻炸雞·弁當；十勝牛肉·盒子當；沙律便當。上菜時，木製便當盒會以和風花紋手帕包住，好靚🌸以黑松和牛漢堡便當較為出色，和牛漢堡肉質夠軟入味，其他便當味道中規中矩，輕食份量。另外溏心蛋都很不錯，配飯團好夾。…查看更多

宅在家又想食Pepper Lunch, 現在外賣真的很方便，足不出戶就可以食不同美食。外賣叫了咖喱黑椒芝士牛肉飯和咖喱黑椒芝士雞肉飯。外賣會以黑色膠盒裝上，賣相好似堂食一樣。打開飯盒蓋，芝士鋪在面層，有陣陣黑椒味傳出，好香。飯與芝士仍然夠熱，倒上醬汁，攪拌一下，芝士與飯溶為一體，還有拉絲效果。醬汁令牛肉，雞肉和黑椒飯，味道更突出，黑椒味濃，好惹味，還帶有點點咖哩味。雞肉嫩幼，牛肉好似肥牛味道，兩款味道口感不錯。外賣與堂食分別，外賣少了堂食那種鐵板燒熱辣辣香口感覺。但外賣仍然夠味，黑椒味出。…查看更多

經過包點先生，本來諗住買點心食，點知俾我見到有砵仔糕買，仲要得返最後一個，即刻買埋最後一個白糖砵仔糕😂砵仔糕常溫口感爽彈幼滑，煙煙靭靭，粒粒紅豆綿密軟腍，帶有陣陣香甜。整個砵仔糕甜度適中。…查看更多

係意樂又叫外賣喇，食左幾次，質素有保證。今次叫和風牛肉豬骨濃湯烏東，加$1.5，由拉麵轉為讚岐烏東😀外賣會用兩個盒將豬骨湯與牛肉烏東分開上。一打開牛肉烏東盒蓋，見到蔥花芝麻及其他調味料撒上牛肉上面，望到都流口水。倒入豬骨湯，香氣撲鼻，湯仍然熱。和風牛肉好似打邊爐肥牛味道，軟身，重牛味，不錯。讚岐烏東入口彈牙，一直都很愛吃。除了牛肉，入面還有蘑菇，昆布 ，鹵水蛋 ，粟米仔，蔥花，芝麻等等，好足料，口感豐富。豬骨湯好香濃，好夠味，令成碗配料味道得以提升。…查看更多

今次同朋友叫招牌芝士豬肋骨🤤開爐火慢慢煮，熱熔芝士拉絲捲豬肋骨，一咬落去豬肋骨就骨同肉分開，肉質軟腍入味；水牛車打芝士份量好多，但芝士唔膩，再配上韓式辣醬，辣度剛好，惹味十足😋爐邊配菜都好好食👍🏻…查看更多

外賣晚餐，叫了蒲燒鰻魚滑蛋蓋飯-皇牌蒜蓉汁。一打開飯盒蓋，香氣撲鼻。第一啖食落去滑蛋飯撈汁，竟然有絲絲芝士香味，事實係蒜蓉汁，汁好香濃，滑蛋好滑，味道不錯。飯量多，食到後期太約超過2/3，發覺汁唔夠，顯得飯有點乾。鰻魚肉質軟綿不乾，醬汁香甜，廷好吃。鰻魚滑蛋加飯撈汁一起食，口感好豐富。可能飯量多，所以都幾飽肚。…查看更多

Lunch外賣拎返公司，門外好多人等，等候時間有點耐。叫了一份清清地的雞肉清湯薯粉。無食米線，想試試薯粉。外賣碗會將湯與薯粉隔開，以免薯粉過份浸軟。薯粉是呈扭紋，易夾起，不易斷，口感爽彈。湯底清甜，有腐皮、蔥和很多芽菜。配料雞肉算嫩滑，不太柴，雞肉切得有大有小，份量適中，味道不錯。如果叫辣味湯底，薯粉和雞肉應該會更突出。…查看更多

放工經過Baker Talent, 見到玻璃雪櫃入面，有大大小小色彩繽紛的冬甩，少女心頓時爆發，即刻買一個試下。揀左大冬甩，$12一個。冬甩賣相可愛，朱古力面，以彩色朱古力針作裝飾。一咬落去，冬甩雪得凍，硬身，朱古力針更硬，還有寒氣在口中散發出來。味道可以，是朱古力甜，沒有餡。個人覺得一試難忘，再試投降。…查看更多

突然想食薯粉，外賣叫了一份重慶酸辣紅薯粉，配一餸豬軟骨，湯底揀左不辣。湯底好足料，好多花生、酸菜、芫荽和蔥，湯底酸酸好開胃。豬軟骨份量都多，軟腍入味，軟骨有咬口。紅薯粉彈牙，煙煙韌韌，要多幾下牙力咬斷，好有口感。一大碗，足料好飽肚，湯底愈食愈酸。下次要挑戰食中辣😋…查看更多

提早到達餐廳，唔駛排隊就入得，可以盡情地影相，餐廳裝飾佈置一流，好多打卡位✨👍🏻貧窮是寂寞拼盤拼盤有薯條，冬蔭公炸飯波，腐皮扎肉，秋葵蝦。整體來講都好食，一大盤，冬蔭公炸飯波香口惹味，秋葵微脆釀入彈牙蝦肉好特別😋青乜檸牛肉比薩泰式風味薄底pizza，餅底香脆有口感，牛肉煙韌，以泰式辣醬，紫洋蔥，蘑菇，青檸芫茜汁配搭，清新好味道🤤笨拿拿肉桂飲到啲香蕉味，亦都有肉桂味，可能佢無落糖，或者當時嘅香蕉唔係當造，所以唔係咁甜，反而有陣青澀味。如果鐘意青澀味嘅朋友應該會好岩蘋果雪梨桂花茶淡淡桂花清香，味道香甜，食完濃味食物，飲呢杯花茶非常之解膩解渴🤩…查看更多

週末外出走走，走上半山的饒宗頤文化館，環境清幽，充滿歷史文化氣息。文化館內的小白屋Coffeeflow，門口佈滿綠色藤植物，綠牆配紅色高凳，引人注目。Cafe裝飾雅緻，文青風格，室內室外很多打卡位。坐近窗邊望風景，聊天喝咖啡，甚寫意，影相更一流我們叫了黑松露炒蛋牛角包配牛油果沙律，炒蛋幼滑黑松露味香郁，牛角包口感鬆脆。牛油果和沙律都很新鮮。像極了愛情咖啡玫瑰士多啤梨牛乳咖啡（Rose Strawberry Latte），迷人粉紅色底層配上cream泡沫上層，玫瑰點綴，外觀吸引。倒入咖啡，混合士多啤梨泡泡，變成漸層顏色，好特別，咖啡味道香滑香甜。Green Tea Latte抹茶味與奶味平均，不苦澀，甜度適中，口感滑順。…查看更多

第一次食熱石牛扒🐂😋，自助形式，先在購票機買票，食物準備好就自行到窗口拎，再自己燒自己食。與朋友叫了西冷牛扒和三拍子牛扒，兩塊牛扒都大大塊，啖啖肉😆切一小塊在熱石上，生熟程度自己控制，醬汁自由配搭，幾好玩😜西冷牛扒軟腍易入口，肥美多油脂；三拍子牛扒就太韌，較難切開，重牛味有咬口。…查看更多