mr.kennypak's Profile

以前真係做得幾好，豬扒醃得好入味，甜甜地，仲有些少燒酒味。而且煎得好香，又唔會太乾，仲係食到有肉汁嘅。最近兩三次去食，真係越嚟越差，本來以為偶然水準下降，堅持幫襯多兩三次，不過我估唔會再有下次。價錢雖偏高，但係我接受，不過而家，真係頂唔順。豬扒越嚟越冇味道，屋村或者中學附近嘅快餐店都好過佢，豬扒冇哩味道，而且好似冇煎過咁，唔似得以前咁香口 。今次同朋友去食，一個豬扒飯加蛋，另一個番茄豬扒飯。豬扒飯加蛋，我夠膽講，以前隻雞蛋真係好好食，撈飯一流，而家隻蛋都唔係流心嘅，基本上係生嘅。兩個人連埋飲品，170幾蚊，但係食物質素，真係仲衰過屋村茶餐廳。不過食開有感情，仍然期待各位提供新食評，假如將來有改善的話，我仲係會返嚟幫襯嘅…Read More

好耐未食過上海菜，呢間質素幾ok，炒膳糊做得好好，誠意推薦！隻鴨都做得唔錯，唔記得乜嘢名。甜品係高力豆沙，坦白講真係一般。兩個人食咗800幾蚊，合理水平。服務態度ok，普通水平。…Read More

而家旺角越嚟越難泊車, 約朋友旺角見面, 最好都係去朗豪坊.  今日見到有間新嘢, 之前未試過, 先睇睇餐牌, 兩個朋友都話OK, 走入去試試.  今次叫得比較多, 試咗唔同口味嘅小籠包, 感覺食法好唔同, 特別係流沙小籠包, 第一次食, 又真係幾特別, 佢唔似酒樓嗰D流沙包, 係有埋豬肉餡, 比傳統嘅食法多咗個層次.  另外個酸菜魚都好抵讚, 聞到個湯都好開胃, 不過我嫌有D唔夠辣, 不過整體係OK嘅. 其他小菜同涼拌, 我覺得水準都可以, 係廣東人能接受到嘅川菜水準.  價錢十分公道, 如果下次有朋友想食酸菜魚, 我都會返啅…Read More