木舌.'s Profile

見isquare入面呢間都多人讚，價錢都合理，所以決定試下。試咗招牌炒金邊粉，果然是不錯，有4隻蝦，半生熟處理得幾好，而且本身浸咗醬，隻醬幾特別幾好味。個金邊粉本身，粉同汁就正常發揮，料頭好足，關鍵係蛋絲炒得好香，令成碟野昇華唔少。唯一挑剔係個汁略多，食到最尾會有點太甜。另外試咗個豬肉濕炒河，不過無影到相。碟豬肉濕炒河汁醬調味都係幾好，不過都係濃味咗少少。未試小食，但睇落都幾吸引，之後有機會再試。…Read More

雞煲幾好食泰式小食都吸引但太多雞雞煲雞串燒炸雞件炸雞翼質素不錯感覺有啲重疊其他小食有無骨鳳爪豬肉串豬頸肉等質素都不錯見介紹有牛胸爽但去到唔見有＋完全無職員講牛胸腹質素ok卡樂beef太多肥膏位基本上唔會特別再叫變相得一款牛可食感覺有啲單調其他火鍋料有啲出面攞有啲app落大路野都有但選擇唔太多泰式飲品幾多花臣特別鍾意泰式奶茶有得少甜整體員工都有禮貌上菜速度都快係飲品有時會耐d鍾意食雞/泰式熟食/泰式飲品應該會幾鍾意呢幾樣質素唔錯對得住價錢如果鍾意傳統邊爐有多啲牛嘅部位配料多啲花臣呢間就未必啱…Read More

全港新鮮牛雜應該剩返無幾多開，九記係其中一間。餐廳行先錢後貨制，行埋去，落單，比錢，搵位，開餐。雖然好多人話要試下個魚餅，但一場嚟到，梗係食新鮮牛雜。即叫即剪，牛腸，牛膀，牛肺，牛肚每樣大約有三四件。牛腸: 切得幾大嚿，有肥膏邊，腸味好濃，唔會太韌，不錯。牛膀:無出面咁鹹，但切得比較少，試唔真。牛肺:切咗好多，無異味，正常。牛肚:好淋，唔係出面一般嘅死鹹，唔錯。總括嚟講調味輕手過出面鹹水牛雜好多。因為唔洗遮陣雪味，就咁食原味已經幾好。…Read More

雖然寫喺宜安街，但係要喺喺臨到宜安街街市傍嘅斜路上。家庭式小店，應該是一對母子經營。牛肉漢堡，合格以上，包有煎香過，入面主要係黑椒調味，整體不錯，肉汁頗多，夠juicy。另外嗌咗雞扒漢堡，都係黑椒調味，如果唔鍾意黑椒味嘅朋友要留意下。隻包同牛肉漢堡唔同，雞扒漢堡係用甜包。細節上幾有心思。雞扒好大塊+煎得香。同埋有樣野幾細心，用嚟包著麵包塊牛油紙係另外上，唔會一返到去就濕晒，值得加分。跟餐金菇肥牛串，又係黑椒調味，不過有啲重手，唔食得辣要抹走咁啲。一串三件，幾抵食，味道正常。另外嗌咗個黑松露沙律醬薯條，呢個反而有啲貴，$25但都幾細包。薯條加咗七味粉點綴，本身幾好，但隻黑松露沙律醬有啲頹，隻沙律醬本身質地麻麻。總結，合理價錢，味道中上，有機會會再試下其他款式。…Read More

環境好企理，但食物質素監控卻比較差。食過四-五間壽司郎，呢間可以話係最差。輸送帶上面啲壽司真係慘不忍睹。轉咗幾個圈都無職員處理，都幾有礙觀瞻。唔係一件半件，而係起碼有三四件。除咗賣相之外，部份食物質素都好有改善空間/比其他分店失色:海膽都幾難食。好苦。不過呢個可以理解，$17碟海膽都預咗。炸物: 基本上每間分店都係即叫即炸，之前試過幾間水準都唔錯。今次叫咗一round，全部野都炸到over晒。油甘魚: 其他分店好靚仔，每次食幾碟，但呢間好削，完全無令人叫的衝動。希望之後會做返好啲，同其他分店水準睇齊。…Read More

雖然book 位話full咗，但5點幾上到去都幾多位，不過要7:30前走咸蛋魚皮佢會等一段時間儲夠客先上，熱辣辣不太咸幾好食 (可能佢預你加粉shake，但我無)湯底好足料幾夠味，但偏甜正料:手工丸幾高質，好濃味，細細粒唔會太滯芝心牛丸一流黑松露魚滑都唔錯牛肉賣相一般，算係任食邊爐的中價款，有d牛味，食落幾滑帆立貝好大粒好夠味任食竟然有鱔片算好好，encore咗好多碟手工拉麵有驚喜普通料/伏料:餃類，鴨血都係一般是日海鮮只有蜆，比較細粒麻辣xx丸 & xx 小籠包 都幾伏響鈴好一般其他:落單份量設計都幾有問題，有啲填1都勁大份 (丸填1=3粒，鴨血填1有6片，魚皮餃填1=6粒)，希望可以改下員工好有禮貌雖然坐細枱，但會有架餐車喺隔離比你擺加湯嘅湯 + 擺料，坐得幾舒服…Read More

BakeOut Homemade Koppepan西環以自家製麵包為賣點的小店自家製包底確實不錯可惜腸仔上芝士凝固晒不夠惹味薯條略鹹下次有機會試下其他餡的包希望會再正D…Read More

Lunch 時間汕頭街的食肆一向是人頭湧湧雖然現在舞肺肆虐但街上有數間食肆仍有人龍但是黑龍不但沒有人龍入座後竟然還有不少空位點了兩個沾麵分別是櫻花蝦和招牌的牛筋首先最大最大的問題湯竟然是不熱的沾麵湯不熱，味道已先輸一半叧外湯本身也撈不匀面無味，底太鹹麵質也是一大敗筆沾麵配粗如烏冬的麵條可謂較罕見因為較難掛湯而這款麵亦無甚麼特別咬至中間甚至覺得淡而無味湯底方面中規中矩櫻花蝦湯感覺只是普通的魚介湯味至於牛筋湯則椒香較濃可惜湯真是不夠熱吃了不久跟店員示意想加湯換來的只是一壺熱水自己加加完後湯底變得更淡已沒甚麼湯底味道可言叉燒很一般荀搭了一些醃物反而略有驚喜另外，隻溏心蛋的外表(櫻花蝦那碗)是甚麼玩法......很久未試過食到如此質素的拉麵/沾麵見有這麼多好評+黃店唯有希望只是店家一時失手吧......…Read More

慕名而來，2點嚟到啱啱好有位，過多陣就見其他人要等位。主打burger同all day breakfast，見隔離枱食緊嘅all day breakfast好似幾正，但一心嚟食burger，所以無試到。芝士磨菇牛堡，等得有啲耐，不過店內都寫明所有食物要等比較耐，所以都ok。最出色係磨菇，炒得好香，味道好出。漢堡扒算厚身，但略為細塊，咬到好入先食到 。反而最大問題係完全食唔到芝士味咁滯，似磨菇牛堡多啲。催淚蝦堡另加薯條，蝦餅咬得出啲細蝦，但無蝦嘅位蝦膠唔夠多，食落都幾"冧油"。芥末比較集中喺中間，但側邊無咩味。咬到中間爆辣果下係幾爽。薯條炸得有啲over。總括而言burger一般，All Day Breakfast 似乎正啲。…Read More

無乜影相，簡單逐樣講下環境靚仔，相信大部分人都贊成刺身款式都多，三文魚 油甘魚 正常，有啲特色野食下e.g. 馬刀貝 白豚肉，都不錯。但帶子切到勁細粒 (5毫子硬幣size)壽司幾好，款式多，做得幾精緻，唔會勁大舊飯塞飽你帶子壽司啲帶子大粒過刺身，仲有啲特色野e.g.蒜香和牛卷。呢個價錢有海膽壽司有驚喜。不過又係有少少扣料問題，海膽同三文魚籽壽司都係，叫2件，會有一件足料搭一件少料串燒頭兩輪好高質，用料唔錯，師傅燒得好用心。牛肉串，多春魚燒得啱啱好。煙肉車厘茄串，煙肉微焦，技術一流不過過一陣再叫多round就伏晒，可能太多單，好多都過晒火候，好失望天婦羅不錯嗌2round都水準之作個汁都係熱，好細心炸星鰻&苦瓜幾有特色幾好食小食嗌咗個海皇粥好多海鮮，不錯飲品自取，正常雪糕要落單，有 haagen dazs + 其他一兩隻牌子自取區有少少其他甜品Overall嚟講幾好而家價錢幾抵玩,晚市$248+1兆萬價錢食尖沙咀放題呢個價扣少少貴料都可以理解如果串燒無失手就已經好值回票價…Read More

登龍街抵食之選湯底不錯，份量都足有部份item不錯有啲就一般推介: 豬頸肉: 入味，厚切有咬口粗麵: 無梘水味，爽口普通:墨魚丸: 普通雪藏貨色魷魚: 加工到勁透明，無乜味下次再試其他配料…Read More

雖然間鋪叫做位於九龍城但其實係喺位於相當邊陲嘅啟德道門面平平無奇但入到去原來都full house冇寫雙拼要加幾錢一問之下竟然係唔使加錢呢一點喺而家嘅食肆可以話係相當難得一場嚟到梗係要試下招牌嘅墨丸同墨魚鬚碗麵嚟到首先最特別嘅係湯底係有少少肉碎同埋芹菜嘅湯底感覺幾清新麵底就正正常常無乜鹼水味墨丸雖然有墨魚碎嘅口感但係同時亦有好重粉嘅感覺個人覺得唔係太啱口味反而墨魚鬚有驚喜爽彈得嚟又夠墨魚味而且份量都唔少( 張相無影晒)舖頭入面大部分都係老員工客人都係熟客為主食食下出面有人抄牌夥記都即刻通風報信啲人未畀錢都照可以出去搞掂咗先呢啲小社區嘅風貌而家真係買少見少…Read More

尋找黃店之旅今次嚟到沙田區沙田區嘅黃店其實唔算多壽司店更加係寥寥可數呢間舖頭位於禾輋邨之前想嚟食但係搵得太耐最後去咗其他餐廳最近壽司癮起又諗返起呢間小店所以專程去試一試餐廳嘅模式類似快餐店 先畀錢落單再等嘢食唔好太期望有服務(當然如果多啲笑容&招呼好啲會更好)食物價錢算係正正常常不過衛生就略嫌爭少少坐低嗰陣枱面有少少唔乾淨叫咗十幾件壽司同埋一客帶子刺身整體都唔錯😋三文魚壽司幾肥美象拔蚌味道正常，口感好爽彈左口魚油脂感十足軟殼蟹卷，帶子刺身(無影)味道唔錯，都幾足料抵食牡丹蝦，赤貝正正常常😕啲飯偏熱，係其中一個最大敗筆三文魚蓉冇乜味， 不過呢個價錢都預咗海膽花之戀唔係太抵食就嚟食完嘅時候門口有客人等搞到有少少要急急腳咁走餐廳裏面係三張四人枱嘅佈局如果可以將啲四人枱擺做兩人枱有家庭客嚟嘅時候先變番四人枱咁啲二人客就唔使霸住四人枱我地亦可以唔使咁急走總括嚟講材料處理得唔錯但啲飯真係一大扣分位如果改善埋就very good…Read More

裝潢是舊式小店的風格，即是沒有裝潢。但取而代之的，是懷舊的風味和人情味。小蛇羹$45一碗，包蛇湯一碗。味道走清淡路線，脆脆，檸檬草，胡椒粉，麻油，全部放在桌上任加。要濃要淡，悉隨尊便。蛇肉份量很足，吃著吃著也看見不少厚切蛇絲。蛇絲口感十足，但稍欠蛇味。然而$45一碗的蛇羹，總不能要求太多，足料炮製，童叟無欺，已是合格以上。大大碗的蛇湯，相信是老闆見臨近收鋪益街坊，走的是藥材味路線。飲完全身頓時暖了起來，可惜這個晚上不夠冷，否則感覺會更佳。隨著觀塘區重建，這些舊式小店已經買少見少。蛇癮起又人在東九龍的話，絕對值得支持一下。…Read More

晚市來到，十分旺場，由於較遲預約，所以要等好一會兒才有位。餐廳裝潢不錯，打卡絕對一流，可惜有一些較近廚房的位置較窄，坐得不太舒服。食物的賣相頗精緻，價錢在深水埗區來說是偏向中高價路線，晚市一個餐大約一百元左右。試了兩個餐，食物的質素正正常常。如果以飽肚的角度而言，份量是足夠的，但是設計上卻較為普通。以漢堡包的餐為例，餐只包漢堡，番薯條和飲品，可是漢堡的餡料較單調，吃得飽只是靠餐內大量的蕃薯條。烏冬餐也是同樣大量的"配菜"也是現成，稍欠心思。以這個價錢而言，如果餐廳可以把餐內的其中一些食物份量減少 (如蕃薯條)，改為多一款食物，會更為吸引。…Read More