spigpig1025's Profile

頭一次試特濃可可豆乳、仙草豆乳，好難飲，陣味好怪。第二次同屋企人落開河畔買熱狗，屋企人話未食過呢間，想買啲試吓，喺我勸喻下都阻止唔到佢哋想食嘅慾望，因為餐牌太多種類，樣樣都想試。終於買咗多芒楊枝金露、滋潤之選、狂人粢飯、燕麥豆乳、8.6特濃豆乳、本身要椒鹽炸木棉豆腐，但姐姐仔話豆腐啱啱賣哂，叫我豆腐轉豆卜好唔好，是但啦！嘩！一放入口，又乾又孩，心諗，你哋賣呢款產品前，自己有無試過㗎，真係好難食喎！啲產品又杰又無味，啲豆漿一飲落去仲有陣怪怪嘅臭腳味，試過咁多種都無一樣接受到，但又真係唔明點解咁多人食。…Read More

我喺呢間新達廣場II麥當勞發生一啲小插曲，事源我用手機麥當勞APP購買咗二份早餐，用麥當勞APP搜尋最近麥當勞，由於我唔熟大埔區，所以直接用佢APP揀最近麥當勞，APP顯示大埔廣福商場麥當勞, 我就直接付款買了，閒出取餐位看電視螢光幕，發現只有9XX號碼，而我訂的號碼係7XX, 知道奶野，即刻問經理哥哥係咪揀錯地方，點知真係錯咗，好彩經理哥哥即刻幫我打電話落大埔廣福商場麥當勞幫我cut咗嗰便，喺返佢呢邊取餐，原先諗住要自己撲返過去另外嗰便食，好彩呢個經理哥哥幫手，同埋最主要喺朝早繁忙時間佢態度無覺得你煩兼好有禮貌，所以上嚟讚許吓呢個經理服務真係會用心幫助客人THANKS!  …Read More

第一次親身遇到呢種恐怖既服務態度，話說我哋2個大人、2個小朋友，叫咗三個粉麵套餐，三杯餐飲，好聲氣問職員攞多一枝飲管，叫咗好幾聲都無應，最尾應咗後有個著白恤衫既男人閒埋嚟，我估應該係老闆，佢問我要幾枝, 我話要一枝得啦唔該 ! 於是好快手拎咗枝飲管問我邊杯，佢想幫我直接放入杯，我見到枝飲管濕既，仲要係個管面深色有茶漬、飲管裏面仲要有粒檸檬核塞住咗。我即時捉住枝飲管話佢枝飲管有人飲過，佢即刻換過枝新既比我。我見到佢手勢好純熟，一定唔係第一次攪啲客。真係無諗過問你拎多一枝飲管會比你咁大整蠱，喺出面食野咁耐，未見過一間會過份到咁，我寧願你一句同我講唔可以或收返枝飲管錢，都唔好咁既態度呀! 唔知呢啲個案有無得打去食環署投訴，我諗都好多客中過佢招。佢係連一粒星嘅資格都無，一粒星係夾硬要我填…Read More

去親都叫水煮魚米線，啲魚好滑，可惜辣度只得一種，無得再加辣。夏天2點幾3點嘅時間去食比較辛苦啲，因為無冷氣，第一次就係帶二個女一齊去食，細女食到喊，因為越食越焗，出哂汗，所以而家心癮起都係自己去食。…Read More

呢間餐廳服務態度真係越嚟越不知所謂。事原係今日落咗去食下午茶餐，叫咗個雞中翼火腿米線，我同侍應講雞中翼另上，好啦米線到咗，但雞中翼未有咪再等一陣囉，因為係我叫另上，後尾我碗米線差唔多食完都未嚟，我咪再問問侍應，後尾好快拎咗四隻迷你雞中翼埋嚟，完全係凍既，有可能係侍應拎麵比我時忘記拎碟雞中翼我，我食完準備埋單，看到張單佢幫我另外加多二隻雞中翼，我搵幫我落單嗰個問話佢落錯咗，點知佢話佢唔知，叫我自己問返幫我落單嗰個，但其實落單個係佢，佢自己都唔記得，咁我咪搵個做得耐啲啲嗰個講囉，講完成件事佢聽，佢話明我講乜，但我巳經食咗啦，都要收返，我話有咩可能你哋員工落錯單要客人幫你哋揹飛，而且我唔知你哋一碗會比幾多隻雞中翼我，後尾佢話大家都有錯，每人揹一半，佢唔講呢句，我都會比囉，始終住喺嗰邊，都成日落去食，但聽完佢講話我都有錯我都即刻著咗，之後個侍應黑哂面口話唔想同我講，係咁，拜拜! 雖則佢無收多我一毫，但你比我既態度係客人問題。而且巳經唔係第一次落錯單，係經常性落錯單，我哋都算，費事麻煩人哋都照食，服務態度又無，係完全無，食物分量又時多時少，夠膽晚上食佢外賣紅薯粉一半份量都無，講真$5X食你碗野連杯凍檸茶真係唔算平囉，仲要份量咁參差。我同屋企人都唔會再幫襯啦，唔想再貼錢買難受.............…Read More