SangChan5499's Profile

一行10人去食晚飯，6:30一坐低餐牌未睇，主任已經問可以落單未？兩分鐘後又問飲唔飲湯，冬瓜盅得番一個。朋友推薦食片皮鴨，為咗食片皮鴨而去，事先預訂有$200折扣。可惜片得太細太碎，皮還皮肉還肉，風味大減。食物完片皮鴨，店員問可以上其他菜嗎？話可以，但麻煩唔好一次過上曬。佢話會同廚房講。點知，10分鐘內上曬其餘嘅8道菜，上菜叔叔自己都會覺得麻煩，根本張枱都一次過放唔曬8碟菜，係咁催我地每人快啲夾走啲餸。我話我地唔趕快時間，佢哋又立即黑面。結果，60分鐘內食完片皮鴨連8個餸飯。其實由入坐到我地埋單離開仲有大把吉位，係咁催我地走做乜？難怪香港飲食業經常俾人同國內比較。…Read More

中午晏咗出門，MG cafe 滿坐，逼住去最近嘅餐廳。之前食過一次還好，今次冇book 檯坐戶外冇問題，最慘係餐廳價錢，茶餐廳嘅質素。落完單之後叫極都唔應人，明明見到你叫人當睇唔到。之前有餐包提供，但一句缺貨就話冇！唔通冇替代品？下次冇位都係食車仔麵好過！…Read More

好少寫食評，今日不寫不可。早幾日訂枱食飯，訂一點，店方話有難度，12:30就可以。OK，家陣時勢，都明白店方想做多一輪。今日食完1:30度，全程都係得三枱客。埋單時，我問店經理，店唔係full booking，點解唔可以book 一點，佢揭一揭本booking record，同我講：「乜你book 一點咩，冇人寫低喎！」我問：「我book一點，你地話唔得，冇人寫低係我問題？」經理話：「唔好咁煩啦！下次唔好book，walk in 有位就食！」嘢食好唔好食已經係其次！…Read More