JL1226's Profile

今日咁啱出街做啲野，行過好多商場都就唔啱食野，就諗住去茶樓食下午茶，但咁啱又撞正佢裝修，咁就求其過左隔離太興食下午茶。入去坐底比隻杯妳話隨便飲水，點知枱上個水壺係吉嘅。到落單，佢單都慳返唔寫，齋即時大叫出面入機，我講一句佢就大叫一句，但最終竟然落錯單，落左下午茶餐牌無嘅野。到叫佢改單，點知都係再落錯，唔用紙寫底就會落錯單就唔好慳，做多少少用紙筆寫住先入單。跟住又再搵人黎再改單，佢就再同我跟，最終話價錢一樣就唔再改單，入面廚房知就算。…Read More

今晚諗住近近地去食野，就去左稻香食小菜做晚餐。一入去門口，同門口帶位個侍應生講食小菜3位，對住佢講左3，4次都無反應，到入面有另一個侍應生行過望出黎先問幾位。到坐底左，諗完一輪叫餸，就叫咩無咩，叫士多啤梨骨，沙爹粉絲蝦煲，咁簡單嘅餸都無，都唔知點做晚市。有餸上枱叫飯，有侍應生問要唔要飯，咁就話要兩個白飯，一分鐘後，另一侍應生就黎再問有無叫飯，我地話有叫左2個，佢就快快手手係單上寫底叫左兩個飯;再一分鐘後，原本問要飯個侍應生送2個飯上枱，佢再想寫黎左兩個白飯，我地就話已經寫左。侍應生完全都唔溝通。呢間茶樓真係愈來愈差。菜式味道一般。…Read More

今天(2017年5月29日，星期一)，起身去深水埗食野，想起這間食店一定有位就去食。去到下午2點左右，就可以叫下午茶，我叫了肉絲炒麵，是即叫即做，買相都算好，麵底夠脆，肉絲麵料味道還可以，但個人覺得偏鹹。價錢38蚊還可以接受。…Read More

我嗰晚同屋企人去食晚市，一行人三人。入到去，就帶我地去個死位度。之後，我要求坐另一張近通道四人枱，嗰張枱無話留位，但位侍應要問幾個同事先比我地坐。D食物無特色又唔好食。韓燒竟有壽司，但料少及飯硬又無味。生肉腌唔夠入味。飲料得三種，無一種好飲。二至三人得九十分鐘，夠鐘前十分都會同你講聲。到埋單，我用VISA比錢，佢話過唔到機。之後用第二張都唔得，唯有比現金。我D卡喺第二間鋪頭食野買野都得，得佢碌唔到。佢比我買一送一都唔去再食多次。…Read More