我鍾意食's Profile

日日都係到同老公講想快啲出去飲酒好想飲酒食花生所以老公有日星期六就帶左我落樓話呢度有開可以飲酒落到嚟發現除咗飲酒，呢到係食串燒嘅地方播既係Mirror，張敬軒既歌，超有taste有個大電視播緊足球(but我唔睇波😂）叫左幾杯酒同一板串燒個presentation very 打卡able酒我點左Kirin Ichiban既黑加侖子frozen beer，第一次飲Frozen Beer，上面有啲沙冰超得意，同埋我唔算飲得好有氣嘅啤酒，所以一向都偏向鍾意飲台灣啤酒多啲，今次呢個真係唔算非常之有氣，同埋啲泡都有黑加侖子味，好驚艷飲得之人可以留意下，似乎仲有得挑機😂講返佢啲串燒我最鍾意係呢一個白鱔，燒嘅時間啱啱好，保持到佢少少爽脆，亦都保持到肉質嫩滑，個皮仲要燒到脆👍🏻大推煙肉車厘茄係我去串燒鋪一定會點嘅，真係超鍾意食呢個，咬落去啲車厘茄汁爆出嚟超正佢個牛油大頭蝦燒到個牛油味好濃厚，啲蝦肉都彈個XO醬蠔同埋個鮑魚都食得出佢嘅海鮮幾新鮮甲羅燒係今晚另外一個MVP，味道調得啱啱好 yum飲完今餐只會令我更加想飲酒，快啲開返酒吧啊…Read More

話說好耐無同老公兩個人出街食飯拍下拖，佢帶我黎個時第一個感覺係呢到真係好靚！女仔最鍾意呢啲色彩繽紛嘅地方，仲要有咁多鏡，個design真係好似萬花筒咁樣，好fancy基本上我睇menu淨係睇desserts同埋main course因為好耐冇食過慢煮牛肉，所以叫咗個。個牛肉嘅份量比想像中少，但係真係幾好食。啲肉好柔嫩，肉汁仲喺度，個source 既味道唔會太搶，食到好香嘅牛味。另外我都幾鍾意佢啲配菜，做得幾出色。簡單嘅烤焗令到佢成為左牛肉最佳嘅配搭。除咗呢個牛，我哋仲叫咗個辣肉腸意粉，佢個擺碟都係好靚嘅，味道好香蒜味，少少辣唔會太過，都幾惹味。因為價錢都唔係特別平，所以都唔係叫咗好多，但係靜靜地兩個人傾計呢度真係最佳嘅選擇。服務亦都好好，下次慶祝紀念日都可以再嚟…Read More

之前舊舖已經幫襯過一次覺得質素都唔錯，再search嘅時候發現原來轉咗地點。 個湯嘅蕃茄味極度濃郁， 完全做到開胃嘅效果。因為今日真係好想食薯條，所以叫咗個炸薯條。呢度嘅薯條又幼又長，而且仲炸得好香脆，畀個like你但食完真係feel到自己勁熱氣主菜叫咗個雞扒年糕。韓式炒年糕用喺西餐上面呢個fusion嘅配搭真係第一次試。佢啲年糕非常之煙韌，雖然咬到個口有少少攰，但係都幾好食嘅。而且個汁食得出唔頹，雞扒亦煎得好香。呢個朱古力香蕉金寶簡直就係是晚一大亮點！老公狂讚話好食！又叫我之後整。 我都覺得唔錯嘅，平時食嚟食去都係apple crumble，冇乜新意。今次呢個曲奇碎下面全部都係朱古力同埋香蕉，係幾match嘅。不過兩個人食就真係有少少濟。另外如果佢下次個朱古力可以用dark chocolate 就更好啦！…Read More

食慣左各國美食，都係覺得中菜最多姿多彩。所以間唔中都要食番啲中菜，養下個胃。 一入門就係一個好大嘅魚缸。就咁睇都知呢度有海鮮食。坐低咗之後就上咗個麻辣花生。第一次食呢個花生，麻味做得幾好，辣味唔算好重。作為餐前小食幾開胃。傳統中菜廳啲碗碗碟碟真係特別靚。見到個碟上面有隻雀，有啲花，心情都好開朗。一嚟就叫咗個馳名燒乳鴿。七十幾蚊一隻一啲都唔貴。而且佢燒得好有水準。外脆內軟，油脂平均。除左淮鹽仲有喼汁，無諗過同乳鴿都幾夾。叫左個好考功夫既蝦籽柚皮。 鮑汁嘅香，柚皮嘅林，配合蝦子嘅爽口感呢個係店主推介嘅黃金蝦炒飯！真係好有黃金蝦嘅感覺。蛋黃夠碎，落得夠多。最正嘅就係啲蝦唔使自己搣殼，啱曬我呢啲咁懶既人。雖然好好食，不過成兜咁大份都真係有啲漏。為咗我嗰個好鍾意食牛仔骨嘅老公，叫咗呢一碟牛仔骨炒金菇。牛仔骨好香口嫩滑，炒埋啲金菇同埋少少三色椒都幾match，係鹹咗少少啫。食完仲有糖水送。番薯糖水同埋紅豆沙兩樣都非常足料！啲番薯好好味，軟硬度適中。紅豆沙好多豆，不過老公就覺得佢有啲太多豆。 呢的個人口味嘅嘢，大家自己品嚐。…Read More

西貢呢條巷仔不嬲都出名多泰國食肆。今次嚟呢一間餐廳真係無心插柳，純粹係見到出面啲相好似都幾吸引，所以就入咗嚟食。估唔到又ok喎。餐廳唔係好大小本經營feel， 同一般嘅泰國餐廳一樣，都係有啲金嘅擺設，同埋有啲佛像。天氣開始有啲熱，所以要先飲個椰青消消暑。 清甜夠凍，椰肉香滑。 一間泰國餐廳好唔好食，取決於佢嘅冬陰功湯煮得好唔好飲。呢度嘅唔錯。唔算太辣，亦都唔會唔夠酸。 色水幾靚，而且料落得好足！好鍾意食冬陰公湯入面呢隻菇。 蝦唔算太多，但有幾隻都ok啦呢。呢個係細碗，但我地完全估佢唔到佢咁大碗！蝦餅炸得好香，好厚身而且好彈牙！ 冇油益嘅感覺，而且剛剛炸上嚟新鮮滾熱辣，值得一讚！好多地方食嘅時候都唔係熱辣辣嘅！重頭戲嚟啦！因為我真係勁想食魚，所以就叫咗個爐魚！一向都好喜歡食泰國嘅鱸魚。咁樣用個爐熱住佢，條魚就暖笠笠，食落覺得特別好味！而且唔會越煮越硬！亦都冇好似雞煲烤魚嗰種重口味。泰國嘅煮法係比較清新一啲嘅！佢用嘅調味料無論係蔥蒜，定係粉絲等等，都係同條魚非常之夾既！突出到佢嘅鮮味，唔係重口味嘅感覺，好喜歡。行番出嚟先發覺佢有另外一個門口， 出面都有啲枱凳，晚市應該會多啲人， 所以要坐出嚟。不過我都係鍾意喺舖頭入面食嘢多啲。…Read More

估唔到小街小巷有間咁既酒店仲有間咁高質既餐廳。好彩一早訂左位，我見好多walk-in都摸門釘。到達第一個感覺就係餐廳好用心佈置，lift口放滿唔同草原系既deco，都幾靚幾舒服。坐底左就發覺唔只係佈置上落功夫，佢D桌椅同凳都好講究。你睇下隻碟幾靚？勁鍾意呢D!Menu既第一頁就係甜品，全部都改左個有趣既名，不過價位都唔平。我地叫左個大既拼盤。 真心稱讚佢每樣嘢都好高質！德國腸唔只好食仲切得好靚！仲有個雞翼！我第一次揾到比麥當勞脆香雞翼 好食嘅炸雞翼！外面個皮好薄好脆！入面個肉勁juicy! 而且配左個少少辣既粉！好夾好好味！炸芝士條既芝士好香，不過就實左D, 無個種搣開有芝士痴住嘅感覺。而且佢有甜薯加埋薯條，感覺冇咁濟！ 芥末醬個人覺得味道可以再濃一啲，呢個係偏奶嘅感覺嘅。不過都好食，唔會太甜。另外叫咗個牛油果蟹肉意大利飯。呢個飯既份量完全超出我想像！勁多蟹肉！又勁多飯！(其實係比平時食開既多，但唔會太飽，係一人份！讓人客食得飽係良心企業呀！)D蟹肉好好食！真心有香蟹味！所有嘢都好match！除咗牛油果同埋蟹肉之外，佢仲落咗啲菇去煮，令成件事味道上豐富好多！好鍾意個飯好creamy，而且D意大利飯係熟既。現場仲有米可以買走。我想講食到尾見到隔離枱既甜品我就明佢點解set呢個價，真係好靚同埋都有3-4人份！好jealous！但今次實在太飽，下次我都要食先得！…Read More

其實平時好少行呢到，唔係個fd話幾抵食都發現唔到。不過真係幾抵同幾好食！ 首先因為聖誕節，出面嘅裝飾真係好靚！今日我哋食係下午茶我點知個黑松露豬扒包，我想講呢個包嘅份量完全係out of my expectation！勁大份！ 呢個係晚餐嘅份量囉好唔好？ 黑松露味勁香！然後的豬扒亦都好有肉汁，加埋出面硬脆嘅法包，成件事都好搭！薯條仲要係我鍾意食既粗薯！無得彈！個friend叫咗半份葡式炒意粉，呢個份量就正常D, 上面有啲厚切嘅辣肉腸，加上意粉嘅硬度適中，調埋呢個葡式嘅味道，都幾好食！我哋一個叫左杯red sangria，一個叫左杯mc，好有食晩餐既感覺！真心抵同好食！店內既環境同埋用色都好靚，喺度食嘢好舒服！本身諗住個下午茶應該會唔飽，兩個人叫三個應該差唔多，好彩冇叫個甜品！但佢啲甜品都好吸引呀！希望下次可以試到啦！…Read More

作為一個鍾意周圍「搵食」嘅人，周不時都會比我發掘到好餐廳！呢排天氣凍左咁多，終於正式踏入冬季，我都可以試多好多唔同嘅火鍋啦！今日嚟到九龍城，同男朋友一齊試一間食牛肉好出名嘅火鍋店——牛精皇。呢間火鍋店除咗最出名嘅牛肉湯底之外，都仲有好多唔同嘅選擇，例如番茄牛尾鍋、泰式冬陰公鍋、松茸豬肚雞鍋、海鮮鍋等，應有盡有。不過第一次嚟到呢間火鍋店，當然係要試一試招牌湯底牛精鍋先啦！原來呢個湯底已經有唔少嘅牛肉配料，包括牛肚、牛肺、牛尾、牛腩、牛孖筋、牛膀等，而且店員仲會分開送上，係你面前將配料放進火鍋裏面。拎好所需要嘅醬汁之後，我哋就慢慢期待個鍋滾起！每次打邊爐都唔少得一份炸魚皮，湯底啱啱滾起嘅時候就已經可以率先將炸魚皮輕輕燙一燙，食得！香脆又可口一定會爭住食！我哋叫咗一份海鮮盛合，總共有六款時令海鮮，有元貝、鮑魚、紐西蘭蟶子皇、大沙白、貴妃蚌同海蝦，好豐富！湯底嘅濃郁程度滿分，可以想像熬製時間不短。每一款海鮮都有自己獨特嘅鮮味，配上香濃嘅牛肉湯底，味道都幾夾。其中我就比較鍾意食紐西蘭蟶子皇同埋元貝，口感有嚼勁，但要小心控制火候同埋烹調時間，如果唔係好容易就變硬，浪費左海鮮嘅鮮活度！手切肥牛亦都有兩個部位選擇，一係肉眼同肉眼邊，另一款係牛頸脊。我哋揀咗前者，牛肉味重，質感都軟身，而且見到牛肉雪花嘅紋理非常之靚，係睇得出又食得出嘅優質牛肉。之後仲叫咗一碟牛舌，我個人來講幾鍾意佢嘅少少羶味，好香口。質感就較煙韌，唔錯。最後終點左一份娃娃菜，烚菜之前，店員細心地幫我地將火鍋邊嘅泡泡同油撇走，令娃娃菜可以吸收晒湯底嘅精華，亦都更健康。順帶一提，男朋友叫咗一支雪花啤酒，價錢非常之平都係十零蚊，但佢話個味道都唔錯喎，cp值高！總括嚟講呢間火鍋店嘅回頭率極高，我都會推介比其他朋友係呢個冬天瘋狂打邊爐食牛肉！…Read More

小時候每逢聽到「食齋」就會不禁皺起眉頭，大概很多人也有吃齋菜的童年陰影 (笑)但時至今日，西式素食與中式的大為不同，沒有了油膩的感覺，賣相更與一般非素食無異，至少讓non vegetarians不會反感，或許更會想有試試新菜式的衝動！沿着中環扶手電梯上行，來到蘇豪區，終於找到了Pop Vegan。餐廳位於一樓，走了一層樓梯便到達。翻看餐牌，看到Pop Vegan的食物種類也相當多元，由前菜、湯、飯、意粉，至到pizza、burger、甜品，應有盡有，總有幾款讓你感興趣。首先要了一杯開胃mock tail MPL，就是mango, pineapple and lychee。果香濃郁，甜美解渴。朋友點了一客Tuna Tartar，上枱時被它的賣相surprised了！如果不說，絕對不會聯想到它是素食，皆因「吞拿魚」像真度極高。原來「吞拿魚」是以蒟蒻製作，顏色模仿得十分相似。他他裡的牛油果、芒果及蒟蒻的口感非常相襯，吃起來感覺清新，帶檸檬草香氣，是一道很不錯的前菜。然後來了一份「吞拿魚」壽司卷物，中間包著的食材與「吞拿魚他他」大同小異，配上微微帶點辣度的mayo，可愛又可口。最後還吃了Happy Cow的dairy free vegan ice cream，我選了較特別的薑味！雪糕的質感幼滑，薑味非常突出，帶有少許辣勁，刺激味蕾，十分過癮。離開前也有在店內選購了Vegan products，很適合素食者前來！而不是素食者的朋友，而家終於可以試一試美味又健康的西式素菜了。…Read More

上星期去完日本旅行，對日本嘅拉麵一直念念不忘，返到嚟香港仍然好掛住日本嘅拉麵店，所以今日去咗灣仔嘅鳥華亭食拉麵。一入去真係好似係日本食拉麵咁，好有日本嘅風格，我哋坐咗喺bar 枱，可以零距離咁睇住店員煮嘢食好盞鬼，亦可以顯示出日本人對食物嘅自信同認真。依度嘅老細係日本人，我哋一坐低佢就主動走埋嚟介紹呢度嘅食物。依度主打雞湯拉麵，因為湯底由多種材料用12小時熬製，講到咁吸引一於試試佢。至激白湯拉麵（必試）食拉麵湯底最重要，第一啖飲落去有驚喜，唔係講笑，飲得出真係用咗好多材料去煲，湯底有濃厚雞味，好好飲。叉燒好林，肥瘦適中，拉麵爽口彈牙好食魚介白湯拉麵我哋仲叫咗另一個拉麵，今次唔係雞湯，係用魚湯，同樣好味，配菜有蓮藕片，香脆好食，溫泉蛋都好好食明太子雞翼店舖嘅小食款式唔多，選擇唔多，因為日本人會專注做好一樣食物，雞翼係其中之一。雞翼外皮好脆好香口，入面好juicy ，明太子令雞翼嘅味道更加豐富，好好味雞軟骨串燒我哋望住老細幫我地燒，睇住佢好認真咁燒，未食都已經覺得好好味，食完第一串會想食第二串，後悔冇叫多幾串小店嘅感覺好舒服，好欣賞老細對食物既用心同認真…Read More

今天跟朋友相約於孖啡，突然感到有點唏噓，心裡想著自己是不是老了。以前總會跟同學在樓上cafe吃午飯、聊聊天，吵吵鬧鬧的過日子，今天再次到訪，已經不太看到學生的影子，反而有不少上班一族在此用晚餐，大概樓上cafe都是我們這年代的人的回憶吧?我和朋友看到孖啡擺放了一系列的桌遊供客人玩樂，有戰國風雲、猜猜畫畫、Scrabble、層層疊等等。我們取了一副Uno，飯前先玩了兩局。我點了一杯士多啤梨乳酪，莓果香味濃郁，甜度適中。玩了一會我們也餓了，朋友order一客黑松露野菌忌廉意大利飯。上桌時已聞到black truffle的獨特香氣。偷偷吃了一口，risotto的飯粒頗為硬身，接近正宗意大利飯的做法。忌廉讓整體的幼滑度提升，實在不錯。我的carbonara也香氣四散，長通粉的口感煙韌彈牙，而煙肉就有如畫龍點晴之妙，增加鹹香及口感。最後我們還叫了一份心太軟分享。嗜甜的我當然享受朱古力的甜美，但不太愛甜食的友人也對這甜品讚不絕口。心太軟焗得剛好，外脆內軟，切開後流出朱古力漿，十分吸引！重點嘅依然熱哄哄，被我們一口接一口的光速消滅了。…Read More

雲石枱配金色茶壺，都幾有特色！傳統得黎幾貴氣點左兩個老火湯，size幾好，兩三個人夠分得黎又唔會太多，可以留肚食其他野！呢兩個湯都好足料，個湯夠哂味得黎又清，唔會成口油！老人家最愛！奶皇包，雖然無流心，不過個外型已經拎哂分，最緊要夠熱！柚子蝦球簡單講，夠大粒，夠彈牙！單單係呢兩項已經攞咗70分以上，脆漿厚度岩岩好，再加埋味道唔錯，唔會得個甜字 值得推介！雞絲粉皮 個汁略嫌鹹咗少少，但係整體都唔錯，青瓜夠新鮮，雞肉亦都嫩滑！明火煲住既泡飯，好有型，個爐好似歷史文物咁，唔係話佢好舊，係個爐好多detail位好精致！出街食比例上一定係多肉少菜，所以尊登叫返兩個蔬菜類平衡一下。蒜蓉蒸既無咁淡口，味道唔錯！…Read More

有時去餐廳都係睇feel, 唔係一定講有無music，仲有燈光，食物，人。呢間餐廳都幾好feel。佢既食物質素仲真心唔錯。亞厘士道真係有唔少滄海遺珠。我同男朋友點左一個set, 散叫左個意粉&小食。先上既係餐包！我無諗過有餐包既，因為我印象無係menu上見到。但surprise我既就正正係個餐包，真心好食，好高質！三種不同味道，不同質感的包和餅，都令人覺得好香！重點係d包上個時係熱架！好好味！呢個係粟米湯。同屋企煮既粟米湯唔同，佢攪碎左D粟米，所以食到既粟米唔係一粒料既，係再細粒好多，質感好得意。整體都幾creamy+fresh。等緊食物到個陣我就俾個蛋糕櫃勾左魂。好多選擇，而且都幾靚，唔知係自己整定買架呢？先上既係沙津，個沙律係跟餐既，但個份量似係叫左半份沙律咁。無諗過章魚仔同沙律菜都夾得埋，兩種不同既鮮味加埋，真係好fresh! 另外仲有幾片辣肉腸，係厚切個種，好有咬口。呢個作為開胃菜有80分！因爲真係好餓，諗住薯條可以快D上，所以叫左個薯條小食。但我想講，佢個份量係非一般咁大！呢到應該有成4包M記薯條咁多好誇張。佢炸得好香脆熱辣！每一啖咬落去都會有聲，唔會有D係林既。都未食到一半薯條，主菜就黎啦！呢個係咸蛋黃醬火腿煙肉意粉。係見到佢咸蛋黃醬咁特别先叫既。 食到呢碟就知道呢間餐廳嘅賣點就係大件夾抵食呢個意粉上面嘅餸差D多過啲意粉。未試過食意粉可以啖啖都食到餸！鹹蛋黃醬好香！雖然油多咗啲，但係真係食好鹹蛋既味道同質感！開心！佢有D洋葱中和下，所以整體唔會過份地漏。跟住上乳豬肋骨，上嘅時候先發現原來豬肋骨都會跟住薯條，早知就唔額外叫薯條。個豬肋骨唔會霉，肉質都仲有啲彈牙，幾好食！ 不過都係嗰句啦，成舊豬肋骨咁大舊，好難焗到每一part都岩岩好。已經好好味！食完主菜梗係要食甜品！叫咗個蘋果金寶芝士蛋糕，既有蘋果金寶嘅味道，亦有芝士蛋糕既香滑！蘋果肉俾芝士包住！兩樣嘢非常之夾！而且佢個presentation好靚！我本身以為佢淨係喺個櫃度攞出嚟就上㗎啦。最後一樣我喜歡嘅係，佢好多嘢都好用心，包括呢個牙籤筒，好靚！下次可以再嚟！不過要記住佢啲嘢好大分…Read More

我好想食烤魚好耐好耐，但偏偏想揾個人同我食都揾左好耐。終於俾我揾到！緊係要揾返間出名既試下！Openrice見佢有幾間分店，我諗都唔會係伏。黎到先知原來除左烤魚仲有雞煲食。我地叫左個烤魽魚鍋，因爲個Fd唔係好食到辣，所以叫左個酸菜底。黎到啦！黎到啦！萬眾期待！個魚真係好香！一黎先係一陣孜然味，原來烤魚都係用左孜然粉調味既。就咁睇條魚個樣，完全唔覺得佢係滑魚，但食落就覺得真心滑！而且重點係唔係好多骨！好開心呀！比我期待中既烤魚更好食！皮脆+香！肉滑+嫩！而旁邊既配菜都一點不輸蝕！酸菜好好味！個酸味唔會太over，呢個軟硬度岩岩好！佢仲加左D唐芹，洋葱d fd，花生d fd，莞茜同埋有D蘿白青瓜片。令你覺得唔會獨孤一味！就咁食呢個都已經好正！我同個fd叫左一碗白飯share。始終食咁多汁既野都係有碗白飯會好餸D。烤魚最正既一樣野就係佢下面keep住有火，keep住熱辣辣！正呀！食食下揾到我的最愛：魚標，happy仔:)由於食個魚已經好飽，所以我地只係加左份油麥菜，感覺都幾新鮮！呢個係叫個魚之前既前菜！酸辣土豆絲！做得好出色！除左調味ok之外，芝麻都落得好足！而且雪得夠凍！讚仲有呢個燒茄子，烤得好透！茄子好香，不過個人覺得落得太多調味，有D搶左茄子既主味！可以無咁咸就perfect啦！…Read More

以前一路都好想試呢間韓式餐廳，不過嗰陣時店舖喺西環，唔會特登走過去。仲記得嗰時主要係俾佢嘅圓柱形三文魚飯所吸引，估唔到而家仲多咗好多唔同嘅菜式，而且甜品都非常之吸引。有朋友唔識搵路黎，其實好簡單，地鐵站C出口過對面馬路啊，見到花園餐廳個牌嘅左手邊果幢大廈就係啦。我同朋友嚟到嘅時候見到有手工啤酒，諗都冇諗就叫咗兩支你試吓。我叫果枝叫做be high, 有淡淡嘅citrus香氣，但啤酒花味道唔會太過龍，適合女士飲用。呢一年幾都行緊鹹蛋黃風，到到都有鹹蛋黃菜式。呢間韓式餐廳都唔輸蝕，仲推出左鹹蛋黃炸雞，跟足熱潮嘅走勢。炸雞外層好香脆，鹹香豐富，鴨蛋黃味相當濃郁。裏面嘅雞肉都好嫩滑，好juicy，值得推介。不過要留意，炸雞嘅份量都比較多，適合兩至三個人分享。呢度仲有個提拉米蘇，做法好特別，有別於一般嘅意大利tiramisu。平時正宗嘅提拉米蘇係用上咖啡酒，但係呢間韓式餐廳取而代之用咗韓國米酒，相信食落去嘅口感同味道都會大大不同，可惜今次太飽，下次一定會再嚟試一試。…Read More