HelenChen1107's Profile

愛琴坊係我返工日子嘅飯堂之一，同事一齊食飯大家意見唔同嚟愛琴坊就最好，因為有勁多選擇價錢又親民😍今日order 咗燒豬肋骨配沙律菜，買好餐坐大約5-6分鐘就可以去櫃位取餐，睇下個碟就知好大份，豬肋骨醃得好入味，燒到燶燶地邊好正呀，沙律菜又新鮮👍🏻P.S. 嚟度嘅豬扒沙律，青咖喱都好好味，有時間大家不妨試下😋…Read More

其實一早已經知道屋企附近開咗嚟開餐廳，但由於佢係內街所以成日唔記得佢😅，今日終於有機會試啦，walk-in 係門口企咗10分鐘就有位，我地叫咗兩個晚餐同埋蒜蓉蒸蟶子沙薑雞脾，好入味好好食，汁撈飯一流🤩咖喱吉烈豬扒飯，一樣好出色，個豬扒好脆唔會油淋淋，咖喱另上食幾多點幾多👍🏻蒜蓉蒸蟶子，有啲失望，味道好淡，如果爆下啲蒜蓉加小小熟油應該好食多🤣（唔係專業人士自己亂噏😆） 會唔會再幫襯？一定會呀…Read More

同事farewell 想揾間公司附近黃店，上網見丼瀛好hit就決定試下。佢位置係工廠大廈內搭lift唔係好方便，book咗6:30準時到達，門口已經排咗好同路人🤩，量咗體温入座店內已經坐滿客人，一邊食飯一邊播住同路人音樂👍🏻而家晚市做緊指定餐牌7折，價錢真係超值，無乜點考慮就叫咗燒物，刺身，炸物等食物⋯刺身好新鮮👍🏻我最鐘意食炸芝士同炸年糕😋不過客人太多只可以坐到8:00交枱，不過唔緊要，我地都希望佢可以做多轉生意，繼續堅持落去💪🏻…Read More

疫情關係原本提供台式火鍋嘅阿元菜市場改為台式滷味攤（老闆好有生意頭腦👍🏻），我一試無妨心態去試試先，滷味攤都幾有特色，係自己出去夾想食嘅嘢再交比職員拎去都，價錢就好似車仔麵咁，幾特別又有台灣風味👍🏻（無影環境因為有幾多食客，唔想影響其他人😅)眼闊肚窄，兩個人叫咗兩大碟😅，滷味係帶甜嘅咸道剛剛好，最愛豆腐，豬腸同蛋😍會唔會再幫襯? 唔知滷味灘玩到幾時呢🤪？如果仲有就會再去食個王子麵同冬粉😋…Read More

平日Lunch得一個鐘就近近地幫襯翠華，勵業街嚟間舖係有兩層，每日都有一款午餐供應，選擇唔多😩，由於人多關係我上咗二樓，上落樓梯一定要小心，地下好滑😟，星期四午餐係香煎魚柳，我要咗凈菜。午餐嚟講份量好似唔太多，魚柳煎得唔夠脆有小小鯹，配菜ok，同區差唔多價錢可以有其他選擇😅😅。…Read More

星期日去IFC 行街見好耐無食日本嘢，就去咗千両等位，我去到千両都差唔多兩點，都要排大約30分鐘（比以前已經算好快啦🤣)🔸油甘魚&北海道八爪魚刺身好新鮮好好食呀🔸麥粒青瓜，凍豆腐好新鮮🔸三文魚籽壽司好甜，一啲都唔腥🔸炙燒魚背壽司每次必食，燒一燒魚面一啲都唔油仲好香🔸芥末三文魚手卷一般啦🔸牛油果軟殼蟹卷嚟個都係我必點，個軟殼蟹仲係卜卜脆嫁🔸玉子燒Ok la 🔸加州卷唔好食，仲要太大件放唔到落口🙅🏻‍♀️會唔會再幫襯？如果唔太多人係會嘅…Read More

今年母親節唔想幫襯美x, 東x堂。唸爆頭想訂啲靚得嚟又好食嘅，最後經朋友介紹下決定訂嚟間。我係母親節前一星期左右落分店訂，職員話已經爆單未必接到話call back 我，好好彩最終比我訂到。（要特別特別鳴謝上環職員落力幫我爭取🥰）個蛋糕造型好靚，個糖皮唸住一定好甜，點知原來唔係，佢係士多啤梨味又唔太甜👍🏻，而蛋糕裡面唔係普通忌廉，佢地用蘆薈餡，唔會漏，整體都好好食👍🏻會唔會再幫襯？下次朋友生曰想試有m&m’s 餡嗰款🤩…Read More

平日趕住返工好小有機會慢慢嘆早餐，所以逢星期六日有時間都會發掘下Cafe當獎勵自己🤪，今日去咗Cupping Room Coffee Roasters 貪佢早段無乜人可以坐得鬆動啲😄大約10點到達，仲未有太多人，由於我戒食澱粉質，所以只好叫Full Brekky，飲品我叫咗Iced Tea,🔸Full Brekky 真係好豐富，煎蛋，Bacon，Sausage，車厘茄，大蘑菇，仲有多士值得讚係佢地煎蛋有小小燶邊好香口，仲有Bacon煎得乾身唔會油淋淋😋🔸Iced Tea 就無乜特別，勝在無糖，下次會叫返咖啡會唔會再幫襯？會呀…Read More

最近見疫情好轉至放膽出街食飯行街，難得去到銅鑼灣想快快脆脆醫完肚仔去行街，一心唸住茶木會比較少人點知一去到已經要排成十個😭，既然到咗就照排啦，大約等咗30分鐘職員就幫我哋量體溫入坐，好好彩安排到海境卡位。卡位兩個人就夠哂大好舒服呀👍🏻排隊期間已經唸到食乜，即叫🤣🔸鹽酥雞扒刈包拼蚵仔麵線個刈包係我全餐最滿意嘅，雞扒好脆個包又軟棉棉，好吃👍🏻蚵仔麵線食唔到台灣風味，不過蚵仔都幾大隻。🔸鹽酥雞肶拼菜沙律雞肶超大，大過我隻手，味道係好不過太飽食唔哂🔸綜合水果茶，台式酸莓冰好抵呀跟餐可以跟$46或以下飲品，兩個都好清新，幾好飲又降温🔸滷肉飯加$16可以追加滷肉飯，味道ok，抵食🤣兩個人都係食咗$132，有咁嘅環境已經好好🎉會唔會再幫襯？答案係《會》…Read More

星期日瞓到自然醒，想食小小嘢就落街走走，願來屋企附近都有Maison Eric Kayser😋, 嚟間分店風格同其他都差唔多，門口黑色為主有落地玻璃窗好開揚。我今日叫咗牛角包🥐同咖啡☕️，牛角色一如既往好鬆化好味度，不過食完會發現成手油，間唔時食下都ok 嘅🤣咖啡對我嚟講濃咗小小，下次會叫返有奶嘅😂坐下坐下都坐咗成個鐘，週末過一個慢活嘅早上都係個唔錯嘅選擇☺️會唔會再幫襯？如果有時間嘅一定會再去😝…Read More

大家會唔會好似我咁行街行到攰攰地，想坐底飲杯嘢，但近嚟幾年大部分台式飲品店都只做外賣，難得屋企附近有間阿元來了，佢地好好唔介意我只叫飲品😁😁下午茶時段唔算多人，就叫咗胚芽珍珠，芋香珍珠同埋台灣香腸。兩杯嘢飲都唔會好甜（可能係我叫咗小甜🤣）珍珠都好煙韌，ok 呀。台灣香腸就無乜特別，不過跟埋蒜片，非常貼心👍🏻下次想試滷肉飯，花枝丸同埋蚵仔大腸麵線P.S. 嚟咗好幾次，職員服務都好好，讚👍🏻會唔會再幫襯？答案係《會》…Read More

之前聽朋友介紹煮回家話有好多嘢買，今日收工經過就去睇睇，佢有好多日韓急凍美食，仲要有埋醬油蟹🤩🤩我行下行下再發現原來佢仲有急凍嘅餸買，好多款式，我揀咗日式豬軟骨同埋栗子炆鴨，嚟啲急凍嘅餸返去煲熱滾水，連包裝袋煲10分鐘再剪開膠袋倒啲餸上碟就可以食啦。返到屋企淨係需要煮個白飯就可以開飯啦，啱晒忙碌嘅香港人。會唔會再幫襯？答案係會呀…Read More

自從搬咗屋之後好少去九龍區，今日難得去黃埔行街，行行吓發現間台灣餐廳見仲未有人排隊就入去試試😋😋餐廳環境光猛整潔，職員亦好有禮貌，加👍🏻我地兩個人叫咗滷肉飯，麻辣牛肚絲，木魚炸豆腐同埋小食拼盤。唔使一陣有嘢食啦😍🔸滷肉飯，啲汁好好味撈飯一流，加埋隻滷水蛋有鐵蛋feel能入哂味，good👍🏻🔸路邊攤小食台灣香腸味道同想像一樣，係ok 嘅。花枝丸，好彈牙好食👍🏻鹽酥雞，唔夠脆有少少油膩👎🏻🔸木魚炸豆腐外面脆嘅裡面好滑加上個醬汁又好好味，我好鍾意👍🏻🔸麻辣牛肚絲辣辣地幾開胃嘢飲唔記得咗影相😅😅會唔會再幫襯? 經過就會…Read More

係官塘揾間比較光鮮嘅茶記一啲都唔易，紅茶冰室係度算係ok 嫁啦，平時中午經過都見佢有人排隊，咁一場嚟到就試下早餐啦😃嚟間餐廳地方夠大 ，目測都夠坐幾十人，由於疫情關係要係門口先量體溫，入座後已唸定叫魚柳早餐，但叫極啲職員都係當你透明，等咗一段時間有人理我啦，不過態度好差好唔耐煩☹️職員行開咗去打單，回頭比單客人時係飛埋枱上，唔係放係度嘅，唔係偶然一次，我發現係佢地嘅文化對每位客人都一視同仁😅😅 （可能咁至夠地道🤪)講返食物先，魚柳好大件，仲大過我手掌，粉漿都算薄又脆卜卜，好食。成個餐都係40蚊，所以腸仔係唔會比好嘢嘅🤣滑蛋又整得幾好喎，好滑。整體食物水準唔差，但服務質素真係需要改善。會唔會再幫襯？如果比人鬧得小嗰排就會😂😂*個早餐係有多士嫁，不過我無要到😝…Read More

公司搬咗去牛頭角一排，成日週圍去試新嘢，近排終於比我揾到間靜靜地又高質嘅Cafe😊deFoodies 位置一啲都唔起眼，係勵業街其中一幢工業大廈裡面 ，大廈門外又無易拉架所以都唔係咁容易揾到佢。經過工業大廈長廊之後行上樓梯就到Cafe, 上到嚟完全係另一個世界，好清靜好乾淨，勁有驚喜😍本來想叫沙律，龍蝦湯同咖啡，但可惜湯無哂啦，只可等下次😫Cafe係self service 嘅，買完餐可以坐下先，沙律係即叫即做，所以等咗一陣。先講下賣相先（我係外貌協會會員🤣), 個樣一啲都唔差，咖啡杯仲係雲石紋，隔熱墊有燙金字添👍🏻🏅温泉蛋巴馬火腿沙律温泉蛋熟度啱啱好，火腿又唔太咸，仲加埋黑橄欖，好吃😋🏅Latte香濃Latte, 開咗蓋有拉花嫁，加分🤩今日坐到唔知時間，整體非常滿意🏅🏅會唔會再幫襯? 答案係《會》…Read More