CopernicusChan's Profile

點左水門雞飯套餐，味道水準好一般。雞肉比較柴，冇雞味，雞油飯有d硬，冇雞油味。雖然套餐$62唔算貴，但整體性價比已經不如開初。同一價錢有好多小店既雞飯都比佢好食。…Read More

我地叫左兩份午餐，燒春雞同和牛大啡菇漢堡。 坦白講真係冇評論上面講d人咁好食, 只不過係中中等等，冇乜驚喜。燒春雞配菜小得只有一粒車厘茄同一塊 4cm X 4cm既生菜；我唔食薯條諗住轉沙律，換來既係幾塊生菜同紅蘿蔔絲加兩粒車厘茄，感覺好寒酸，賣相同份量小得可憐，食唔飽。100蚊內既lunch，唔可以expect 咁多。要食既可能淨係食佢牛扒，其他都唔會考慮。午市得老闆同一個男伙計招呼客人，服務質素還好，唔使加一。但我expect老闆同d 客笑多d，成日板起塊面。…Read More

海膽飯係幾好食，海膽都有6塊，同生蛋都配合。但佢太細碗太少飯，有d 失望。睇廣告以為至少有平時一碗飯size, 但其實只有1/3左右，真係要叫多碗肉燥飯先夠飽。芝士玉子燒幾好食，唔錯。燒物中規中矩，一般。螢光魷魚等小食味道不錯但份量少。杯signature lemon sour 買65蚊，以為會好特別，但感覺都係普通檸檬soda.整體黎講佢位於旺區，價格自然貴，但相同價錢係其他地區可以叫更多好野食，所以吸引力不大。…Read More