10delpiero's Profile

乜都唔使講, 有幾款菜是必吃的1. 豉油雞, 是新鮮雞, 各位, 不是冰鮮的;2. 薑汁芥蘭, 聽說是店裡的人自己種的, 勁爽甜;3. 椒鹽九肚魚, 這味菜, 令平時不吃魚的人也會破戒;4. 紅燒豆腐, 豆腐好嫩, 仲用珍肝炒添, 簡直就是bonus;5. 懷舊燒肉這小店, 就在氹仔手信街上, 不要錯過, 不過這店逢星期一&二休息, 每日只做午市12:00-2:00 & 晚市 6:00-8:00, 真是唔憂做. …Read More

在朋友介紹下, 來到這間其貌不揚的茶餐廳, 在這裡叫飲品, 可以只叫奶茶或檸茶(仲要係熱的), 因為他們的茶是一壺壺端上給客人, 讓他們自己倒入茶杯, 他們還給一個小小茶隔, 讓客人隔掉茶渣.我選了奶茶, 茶夠香滑, 而且沒有香港的奶茶那麼heavy.另外試了辣魚包&蛋牛治. 值得一提是那件蛋牛治, 人家用的只是尋常罐頭咸牛肉, 但是卻有心思地將咸牛肉跟洋蔥炒一炒, 令整件三文治變得香噴噴, 不比那些可恥的香港茶餐廳, 就這樣從罐頭中挖出來, 直接塗在麵包上就算. …Read More

上星期, 吃了一次, 付錢時, 心裡暗暗發誓: 冇下次!點了一客廣島生蠔蒸飯+炸雞定食, 另點了一杯綠茶.總括而言, 那可憐的幾隻蠔仔, 舖在蒸飯上, 沒有蠔味, 飯太爛, 炸雞唔脆 = 唔值$88!!至於那杯綠茶, 竟然是用coffee mate 的creamer 來 mix, 令人太失望了.埋單$110, 有背脊骨落的感覺, 這價錢, 在其他地方, 可以吃得很好了. …Read More

今天下午, 做完手頭上一點工作, 學人扮闊太, 去cova high tea.有cake set $118, tea set $128, tea buffet $168.大廳沒有位子, 被安排到吃 tea buffet 的內堂. 餐廳的布置很grand很精緻, 餐具也是考究的銀器, 可是tea buffet只有那可鄰的幾款咸點和甜點, 兩個蛋糕, 都沒人碰, 凍冰冰的, 令人見到都覺得no thank you 了.最後叫了cake set, 選了栗子蛋糕, 這裡的蛋糕終究沒教人失望, 很香濃, 夠栗子香, 蛋糕底也跟外面餅店的口感不同, 應是材料的分別了. 可是我最期待的咖啡就普普通通啦, 比起其他更便宜的咖啡店如royce 甚至kam's都不如. :( 不過這裡的服務倒是超好的, 畢竟是闊太下午餐的好去處. …Read More

由讀書到現在, 幫襯了這間日式餐廳很多年, 記得以前他們在銅鑼灣明珠戲院那個商場都有分店的, 現在只剩下太古城一間店. 很多人寫食評, 但都沒有人讚這裡的咖啡好飲, 這裡的咖啡, 最特別之處是客人可看到吧枱姐姐逐壺沖出來的, 絕不是即溶咖啡粉, 所以夠香濃, 溝咖啡的cream又香又滑, 好飲過starbucks 甚至cova(今天才去過cova, 真的有此感覺), 而且每套杯子都不同款式, 十分精緻, 所以差不多個個星期日下午都來喝一杯. 食物方面, 我多數吃三色飯或咖喱飯, 水準ok啦, 我:)始終是為咖啡而來的. …Read More

咁我唔知尖沙咀雞記有幾好食，反而放工行過北角，就試吓呢間最出名的炸墨魚餅，幾香口，幾好味呀，炸墨丸撈豉油皇粗麵，d麵好甜，但又食到唔停得口。午餐同晚餐都值得試吓嘅。下次試完菜飯再報告。…Read More

呢排銅鑼灣sogo地庫最多人排隊的小食檔，一定係mochi cream。等足十五分鐘，輪到我，梗係買多幾件。晚上八點幾，款式仲算幾齊全，我揀的都仍有貨。揀了最大路的綠茶，紅豆，朱古力和個個女仔都揀的粉紅色櫻花。返到屋企，啲雪米糍剛剛好夠淋，一如所料，最好味是綠茶，好香濃綠茶味，層皮夠煙un，紅豆都ok，裡面的cream好滑，唔太甜。反而朱古力就太甜，唔太香朱古力味。櫻花味就更...講真，我唔知什麼是櫻花味，只知道得個甜字。幾粒嘢，就花了我行我$52，以後都係保險d，食番紅豆&綠茶。…Read More

講真，來這裡吃自助餐，是為了它的戶外炭燒食物。室內的熱盤，味道一般，所以一次也沒吃過。早幾日趁聖誕前吃一次，黃昏，泳池旁已傳來陣陣炭燒香味，見到必食的燒雞翼，墨魚，豬扒，秋刀魚，還有最好味的燒菠蘿，醮上特製醬汁，甜甜酸酸真是冇得彈。今次師傅仲整緊炭燒琵琶鴨，我埋去排隊，師傅好闊佬咁切了五件鴨骴給我，我話只要三件就夠，跟住旁邊阿叔竟然搭咀，同師傅講：咁剩低嗰啲比晒我！勁搞笑！其實燒鴨頗肥膩，但層皮就好脆，而且夠熱辣辣，所以係成晚最多人排隊等的食物。今次的新發現，還有冬菇亭的煎大蝦和牛肉卷，煎大蝦肉質不夠鮮，勝在夠香；金菇牛肉卷OK啦。至於炸天婦羅最出色係炸軟殼蟹，脆而不油膩，所以好多人排好多轉。室內甜品同熱盤一樣唔太吸引(除了麵包布甸)反而室外師傅即焗的燕窩蛋tart令人驚喜，皮鬆化，蛋唔太甜(只要你唔介意是否有燕窩，呢個甜品絕對係全晚之冠)成日有人鬧黃金海岸自助餐冇生蠔，但我就覺得，全港哪一間自助餐有炭燒食物，加上泳池、草地美景這種優閒情調？價錢都好大眾化，我呢次埋單，有身分證discount，好似係身分證有1,3,9呢幾個數字，就有六折，咁每人埋單都只係二百二十幾蚊。反而我覺得酒店點解唔進取d，做埋節日消夜自助餐。…Read More

夜晚放工，一個人，凍冰冰，行過雞蛋仔檔旁邊的七喜，就二話不說入去醫肚。去七喜咁多次，未試過「瀨嘢」，所以此店在北角開張不久，就有一批熟客。最正是炸鯪魚球，乒乓波咁大個，熱辣辣六大個，蜆芥醬又夠大碟；連出面好少有的脆鯇片都有得食，點辣椒豉油very good，而且夠爽脆，所以叫幾次都只係食到一次。另外，這裡的水餃同牛腩都好好味，有時唔太肚餓，食一碗已好滿足。今晚，天氣凍，點了艇仔粥和咸肉糭，艇仔粥冇乜肉碎，但豬皮同鮮魷都好足料，埋單三十元，回家的路暖笠笠，已是物有所值。…Read More