stevenwong0420's Profile

今日特登射波入黎食，平時星期六日放假排半個鐘都排唔到，星期一中午時間就唔洗等直入。一入門口就聞到極度濃烈嘅蝦湯味，坐低嗌左兩碗拉麵，一隻鮑魚，一個糖心蛋。只做一款麵既鋪頭，理應係每樣食材都做到滿分搭配，碗麵加埋自然係100分。先試左啖湯，OK夠濃味，蝦OK，麵冇味，百零蚊既一碗麵黎講，份量算細，大概係出面一般既2/3左右。外加既鮑魚味道普普通通，糖心蛋就同我平時係7-11買$21有3隻即食包裝既一樣，唔知應該話今時今日嘅便利店做得太好食，定係呢間舖頭做得太普通？地方亦非常之狹窄，加上最後埋單得知只收現金，過多幾個月都就黎2026，打開門做生意都仲係只收現金，唔講以為我落街篤串魚蛋…Read More

上星期六，落大雨，schedule 係去動漫節朝拜下，諗住落雨冇咁多人，睇下呢間咁間咁多好評既黃店水準如何，去到見門口冇人等，內心莫名興奮，諗住拎位既時候發覺係掃QR CODE排緊隊拎籌，好彩都係等一張，點都等啦！半個鐘左右就入到去，嗌個lunch set，好似買車咁，menu上高都係比你upgrade 既菜式，唔upgrade 就比返標準配備你，金睛火眼左一輪，選擇upgrade左個帶子同他他。帶子係莫名地好食，要一啖成粒放落口，先可以感受到佢味道上高既層次感。其他菜式都好別出心裁，自己黎試下啦不過缺點就係，呢個價錢，我覺得可以再豐富多小小，同埋環境實在太逼，坐得唔舒服，好似星期日去左啲連鎖coffee shop咁。整體黎講，論食物質素、服務態度係相當出色，不過呢個價位我會expect 起碼坐得舒服小小。…Read More

天氣報告話會落9日雨，所以諗住呢幾日盡量去試多幾間平時預計會排長龍既餐廳，咁岩今日要出荃灣拎野，又係正Donki隔離，順住商場去唔洗擔遮，不得不讚鋪頭選址的確方便，咁就二話不說就定左去食呢間鮮選壽司。去到7點半拎飛都係排到160，前面咁岩嗌到145，等15張飛，滿意，行左一轉Donki等左5分零鐘就入座。埋到位，舊式迴轉壽司睇黎都即將式微，鋪頭跟大隊用鐵路送餐，全程除左帶位同出去埋單之外，ipad落柯打均為電子化，不得不緬懷一番過往迴轉壽司既景象。講到食物方面，如果以平民級既選擇可以比較既有爭鮮、元氣同壽司郎去比較，我會話鮮選壽司都搞到幾有心，價錢黎講平得黎係真係好食，唔係有個招牌既話我唔覺自己食緊呢個價錢，因為食得出個飯係有調味過，仲要一睇就睇得出係手握飯，用緊真既wasabi，紫菜都仲係脆口既。ipad落單後兩分鐘內一定到你面前，三個字快靚正。今次相就唔影，因為大眾化既壽司黎黎去去都係咁既樣，不過必點既有茶碗蒸、飛魚子、各款三文魚，同期間限定既壽喜燒牛肉壽司。海膽就一般般，胃口細既可以谷係以上既去encore。兩個唔好既地方都幾明顯，就係有幾次既手握飯團未夾起都半散狀態，大小不一，呢個情況我食左十幾碟黎講都佔三份一，懷疑係新員工未成氣候，代表管理人員監管不足。第二點，入座後一拎起個ipad落單，部機每一個位都係痴笠笠。總括黎講，呢間野，食物同定價黎講，係相當有誠意，起碼排隊等得黎啲野都好食，不過環境同清潔程度就一般般，員工就相當有善，不過不失，唔係排長龍又想食平壽司都可以一試。…Read More

同事生日，放lunch去試下呢間日本餐廳，開係商場當中黎講環境相當之清幽，我地同行7位，職員亦相當有禮，菜式亦介紹得吸引，風趣幽默。同行7人都各自叫左一份午市定食套餐，餐跟茶碗蒸，沙律，昆布湯，午市定食套餐黎講，茶碗蒸相當之有質素，丼飯更非常足料。同行亦有人試左隻岩手蠔，夠大隻、鮮甜，$88一隻黎講都可以一試。總括嚟講，lunch既質素同體驗都幾好，會令我想試埋晚飯時間既食物質素，希望會再有驚喜。…Read More

弦，絕對有一定份量將呢個商場變成一個世外桃源。適逢女友正日生日，一收到風開左間omakase 係荃灣就已經book定位，上網做哂資料搜集唔希望壽星失望，就試一試特別多人推介既15貫lunch omakase。由淡味去到濃味，味蕾既反應由新奇到驚嘆，呢一餐飯，呢一個價錢，有能力可以將我係日本食過既比下去。我唔希望去一一點評我食過既壽司，因為呢啲野應該係由食客同師父去溝通出黎，就算你唔中意既食材，係呢一間餐廳入面，比個機會自己，去將個樣食材另眼相看，因為好多出面有既食材，經師父既加工已經更上一層樓，最令我印象深刻既我會話係三文魚籽同海膽軍艦。幾道壽司都掛住一齊吹水唔記得影相，同埋可能係緣份，埋單先知原來對面既師父係鋪頭既總廚，少寫食評既我都特登上黎補返個，多謝款待！…Read More