kakiparadise的個人專頁

lunch 時間, 本來都想再遲少少先食飯, 點知比個姐姐氹左入嚟  (姐姐要加人工, 坐低之後見佢拉左好多客坐低)入座之前聽到姐姐話有送湯同菜~ (開心)有幾款菜可以㨂, 都算幾有誠意.湯係菜乾湯椒鹽瀨尿蝦size 有大有細, 份量都多, 又好味, 可以過足口癮~但係要小心搣, 我啲手指已經滿佈傷痕 炒蟶子, 味道都唔錯, 不過有啲有沙囉..蒸白鱔好好味, 唔會蒸到好老 .------------------------------到左晚餐時段, 本來想試第二間, 點知又比姐姐邀請坐低 今次就飲粟米湯~唔會太稀, 幾好.蒜蓉炒白菜 - 我媽咪讚話有批菜頭炆斑頭腩 - 必試, 唔鐘意食魚嘅我都覺得佢好好食 姜葱蟹 - 夠惹味, 出街食海鮮, 一定要點啦  可以坐喺度吹住海風慢慢嘆, 真係好舒服.蒸帶子 -  不過不失.2餐加埋先 $600唔夠, 又唔洗加一, 好抵食!!下次再嚟長洲要再幫襯!!…查看更多

話說喺佐敦搵食，無意間見到呢間餐廳，見到餐廳名幾得意，所以入左黎食野😂🙈蟹肉素翅灌湯餃 - 好足料👍黑椒牛仔骨蒸飯 - 牛仔骨份量都多，啲飯好好食👍👍👍三色燒賣 + 蝦餃 + 鮮蝦菠菜餃 - 即叫即蒸，雖然可能要等等，但係好值得👍西洋菜豬肉餃 - 好多餡料👍 （餐廳仲有其他餃子 👉 韭菜豬肉餃、素餃等）食物味道都好好，最想讚係餐廳冇收加一，但服務比加一餐廳更好👍👍👍 同埋，餐廳食物既性價比好高，好抵食，下次過開嚟佐敦都要再嚟食呀！！…查看更多

中秋連假既最後一日, 同長輩們去佐敦行街~長輩想食齋, 搵左幾間餐廳, 最尾揀左呢間, 因為見佢門面好有傳統齋鋪feel 😂5點零鐘入坐 (個lunch 其實都未落曬格 😂) , 嗰陣餐廳未係好多人, 姐姐得閒推介下有咩好食😂 同埋啲餸都上得好快~首先叫左個 ❤️ 齋鹵味 ($40) ❤️仲特意叫姐姐唔要咁多咖哩齋, 要多啲酸齋 😂因為遲左影相, 所以已經比人夾走左 1,2舊 😂😂😂個齋幾好食~ 有我至愛既酸齋, 咖哩齋, 素叉燒, 素鮑魚…等.跟住就有 ❤️ 五柳仙班 ($85) ❤️啱啱炸起就拎過黎, 個皮幾鬆化, 好食!!加上, 有大大碟酸甜醬, 可以瘋狂點醬食芋頭魚, 勁開心!! 😂 最後, 仲有個 ❤️ 羅漢上齋 ($95) ❤️我覺得幾足料丫, 有唔同既菇菌類, 又有竹笙黃耳雪耳雲耳, 馬蹄髪菜等等 (好耐冇食過髪菜啦 😂).鐘意濃味既人可能會覺得佢有啲淡, 但我就覺得啱啱好~如果唔係本身飽飽地, 都好想試下出面啲酥餅 😍 下次如果再黎食想試下啲豆腐同蠔~整體黎講, 今餐都唔錯丫, 呢排日日大魚大肉, 食返清淡啲都幾好呀!!同埋呢間齋鋪, 有服務之餘冇加一 (姐姐話 初一十五先有), 每位茶錢$7, 都OK 丫~ P.s. 食完呢餐之後, 到訓覺都冇再肚餓過 😂😂😂…查看更多

本來喺opensnap分享，不過佢又唔比copy n paste.. 所以喺度簡單講下剛剛的食後感。#熱情果-好酸的味道#薰衣草綠茶-好有handcream味既感覺😂#荔枝-清新香甜帶微酸味道#respeberry-酸甜味道適中#綠茶50度-好有綠茶粉味，少少少少甜#金沙-不是朱古力味，是「樽」子味，唔會太甜食之前記得要隨意試食呀，哈哈～…查看更多