fxk的個人專頁

星期五晚到訪深宵食堂 用餐體驗很不錯💛-評分（5個emojis為滿分）食物🤩🤩🤩🤩服務💁🏻‍♀️💁🏻‍♀️💁🏻‍♀️💁🏻‍♀️💁🏻‍♀️環境🎏🎏🎏🎏性價比🍻🍻🍻🍻-推介菜式厚燒牛舌：非常惹味 juicy有肉汁 非常推薦香辣豬頸肉：肉質粉嫩 另上咗個sauce 微辣但略嫌唔夠鮮味-軼事原本因為冇訂位被安排坐近廁所同後樓梯，聞到有煙味，都未同老闆反映，佢已經留意到，主動問我哋需唔需要調去窗口位，對客人嘅細心服務值得嘉許👍🏻-總結：值得一試嘅居酒屋🏮…查看更多

晚餐食咗個完全唔似係台式，而且毫無誠意嘅紅燒牛肉麵。TLDR: 茶茶台式料理不值一試麵條偏硬，麵質似日本拉麵🍜所謂牛肉其實係非常之硬嘅牛𦟌🐂配料有兩舊唔稔嘅紅蘿蔔🥕、一條菜🥬、一堆芫茜整色整水，都幾不知所謂，從來未食過有芫茜嘅台式牛肉麵湯底中規中矩，算係夠味而又不過鹹，但飲落又唔太似係用牛肉熬嘅湯頭，反而被上述嘅芫茜搶晒味差啲唔記得講，個餐仲跟咗碟得幾粒仔幾乎冇調過味嘅醃青瓜🥒總結：食物方面，總括嚟講就係幾不像但又要以台式餐廳作招徠，味道普通，CP值低。服務態度亦有待改善。整間餐廳唯一較可取之處在於個環境尚算新淨，光線明亮。…查看更多

由小一開始幫襯到而家大二，間中突然好想食手卷，隨您鍾意係我嘅首選，就算唔順路都會特登過去，因為實在太抵食，而質素都唔錯！特別推介三文魚手卷，紫菜好脆（不過要盡快食，紫菜腍得好快），而且三文魚食到底都仲有，唔似得大部分手卷店，啲魚生放喺面，下面淨係得飯，好寡！另外，軟殼蟹手卷都好好味！見到有人批評隨您鍾意職員態度惡劣，我都曾經有一兩次唔好嘅經歷，但大部分時間嘅服務都尚算不過不失嘅，都希望店家可以喺呢方面作出檢討，繼續提供優質又實惠嘅食物。…查看更多

今晚去呢間餐廳食飯，點知食到一肚火！服務態度差劣因為無訂座，去到想攞位，但完全無職員接待。好不容易搵到個疑似係經理嘅阿姐，同佢講七位，佢語氣頗差地講：「無訂位呀？無大枱喎，得六人枱，唔要就算，無所謂。」貌似好不屑做我生意咁喎🤔好啦，坐低咗，等緊飯腳蒲頭，另一位職員問我開咩茶，我諗住等緊人再開茶，就話一陣再開啦。過咗一陣，上述經理同職員煞有介事行過嚟睥住我咁講說話畀我聽，語氣極為挑釁：「人哋話一陣間先開茶喎，畀水就得喎。」真心小學雞🙄食物平平無奇尤其啲飯，又黃、又硬到成粒膠咁招牌鹽焗雞唔夠味又凍冰冰一句總結，貼錢買難受…查看更多