Monicazhao's Profile

今日返夜，下午茶出來覓食。大埔算頗多下午茶選擇，就連大型連鎖嘅壽x郎都有出下午茶餐，見立鮨有，價格又唔貴就來一試。點咗最平嘅$58壽司set➕迷你烏冬，認真CP值好高👍🏻壽司係赤醋飯，wasabi唔似牙膏裝，刺身類食落都新鮮，餐仲跟埋湯同沙律，計埋加一都係$63埋單😆如果返工可以日日都來食就好。不過今日星期一，全店計埋我都係得3檯，好似都唔係開左好耐，希望佢做得住啦🥲Ps有個覺得搞笑嘅位係明明以前係立食，依家全部有位坐🤣…Read More

當日我哋點咗一個牛油果多士、一份carbonara、一杯咖啡，全部都係同一個人做，包括當日有小韓星生日應援，妹豬們點的調酒，也是他調的🤣味道不錯，貓咪可愛，環境寬敞！…Read More

今日發現熊貓外賣有promotion，就買左一大堆小食到屋企食，發現又抵又好味，真系好正！！花雕系列酒味OK，夠入味，芥末墨魚頭簡直超好味！一定會翻兜！今晚晚餐都食左四餸麵都好OK～…Read More

我地叫嘅係咁，跟住鋪頭將我地2個嘅「肉」撈亂左，我要自己分返開⋯⋯平心而論係好食而且fresh，感覺都健康，不過下次細心d會好好多lo🥲本身好靓一個飯，為了分餸搞一餐…Read More

大概一年前係上環飲過，個時候準備過年，佢哋仲送左包利是封比我。估唔到！依家開到佐敦了！太興奮太開心即刻幫襯🥰買左紅火龍走甜，食到本身火龍果嘅清甜味，加上小小鹹芝士奶蓋，夏日熱辣辣都即刻降溫～從此佐敦不再是廢水沙漠了🤣🤣…Read More

之前食過一次，話d餡餅好出名，都OK啦，又唔至於好食到翻尋味。今日經過就打算吃個餃子麵再去搭車，點知無芹菜餃，無粟米餃，OK，總共5款有2款無都唔緊要，拿拿臨落左個白菜餃子麵等食。眼看我個安心出行已經22分鐘，都未有嘢上來，而其他台遲過我到都食左一半了，我就問店員究竟有冇落單，店員話餃子係耐d嘅，再2分鐘就得。好，又等到我個安心出行準備25分鐘，我又問，究竟有未？已經20分鐘，阿姐答我，未有二十分鐘喔。呢個回覆真係不得了，我即刻收聲啦，唔通叫阿姐過來睇下我個安心出行咩，唔通叫佢睇cctv研究下我係咪真係一坐低就落單咩，真係不得了。最後我用左10分鐘左右，將碗d麵痴埋一舊、餃子又同灣仔碼頭差唔多嘅餃子麵食左一半，起身買單，走夾唔透。如果佢d餃子同麵好食到登天，我會接受阿姐係呢個態度同速度，不過，價錢唔係話平，味道又唔係特別出色，店員態度又係咁，我覺得真係無謂受氣。邊個會想用超過20分鐘等一碗普通嘅麵，仲包埋阿姐嘅問候呢？…Read More

呢間係素食group見有人推話新開，黎睇演唱會就食，食左2次，都好正！酸辣土豆絲好惹味，辣度只係bb辣，好正～今次終於食到腐皮卷，一淡入面全部都係菜，正！薯餅係上次朋友話好味，所以試下，係煙韌口感，唔係麥麥嗰款，都幾好食～上次食茄子，四季豆，麻婆豆腐，都係好味的～同埋唔好睇少個例湯，雖然係素湯，但足料好味，而且飲得出無味精。老闆娘仲好熱情，如果你花多眼亂，即管問下佢就得佢一定熱情推薦自己嘅手藝～以後睇演唱會唔愁無淡好食…Read More

上一次來的時候下大雨，很多店都關了，只有漁樂開著，於是叫了一大堆，炸蝦，墨魚都有試過，還有炸🦪。今日好天再去，因為食得飽飽，所以只叫左炸魚一份，依舊好味😋食得出魚嘅鮮味，而且無骨，淡淡肉😬上次食嘅蝦都記得係好鮮味，不過小小貴咁啦🤣但因為新鮮喔，又覺得都抵返。上次來由於只有我地，老細有同我地傾計，仲請我地飲啤酒🍻今次就見佢同另一台客傾緊d食材點處理，應該都係對食物好用心嘅人。總之，好味，性價比OK，值得再試！…Read More

其實幫襯開堂食，覺得係好好食，所以今日晚黑就去買外賣。叫左一個雞叉燒跟翠玉瓜拼四蔬，一個十三飛。唔知點解十三飛分左湯，但我個翠玉瓜四蔬全部浸_曬係d湯度。個半熟蛋已經浸到全熟，雞叉燒浸到老曬兼且分埋體，舊檸檬成舊浸住變左檸檬湯⋯⋯我可以理解翠玉瓜麵要浸湯，之但係點解你啲餸唔可以分開裝？外賣包裝費都係一樣咁收，另一兜可以分開d粉，點解呢一兜唔可以分開d餸？唔通堂食你會將d餸轟曬落碗湯上比個客食？我真係唔知講乜好，大家下次如果叫外賣轉翠玉瓜麵，記得提佢分湯，如果唔係，你就會收到一兜你自己都唔知叫乜9嘅嘢。…Read More

午餐初嚐triple steak來自日本的主打自助牛扒 要先在點餐機點自己所需份量及種類 然後坐等牛扒安躺石板上出現沙律 湯和白飯任裝 牛扒上來的時候一成熟 自己把它小塊切開放在熱石板上慢慢煎熟開始的時候石板溫度適中 牛肉的肉汁被很好地保留 口感也很好 但我的石板吃到一半就涼了我去換了一塊以後 又太熱了 迅速地把剩下的肉都煎乾了就變得有點柴有點韌了anyway 這個價錢這個水準 值得推薦👻不過如果要排2小時⋯⋯就算了罷。…Read More

話說今晚睇完戲，11點打算食個宵夜，就同男朋友黎呢間成都火鍋。見到出面大大字貼著9點30後入座6.8折，有d出奇，因為問過成都朋友確實係地道成都品牌，香港人又普遍中意打邊爐，點解開左咁耐仲要打折促銷？唔通生意唔好？入到鋪頭大概11:05，有幾台人食緊，放眼望去都好多吉台，前台話等陣執個卡位比你，一等等左差唔多15分鐘先有。期間已經有走嘅衝動，因為問左幾次，都話未得，而眼前明明有吉台。大把吉台都等咁耐，只因為想試下同成都食有冇差。事實證明我就唔應該等⋯⋯坐低之後冇人招呼，單都冇，問店員拎，佢話我幫你跟下。我？？？？單都未有跟乜嘢？？？等佢幾分鐘之後返來發現冇嘢跟，先恍然大悟比張單我。叫左成都小小辣➕清湯，上到來發現係幾乎唔辣⋯⋯⋯⋯同成都嘅小小辣唔係一回事⋯⋯⋯⋯⋯⋯⋯⋯失望之餘唯有安慰自己，呢個係香港口味。望下menu，菜品價格係成都3倍以上，呢個可以理解，畢竟香港租貴人工貴，過江龍價格高都正常。最後埋單，411蚊，精彩嘅時刻到了，店員話，小姐要500蚊先可以碌卡。我又？？？我問，咁我冇咁多現金點算？？因為我平時真系帶得個一二百現金出街，其餘全靠八達通apple pay信用卡⋯⋯佢只係不斷強調唔好意思公司規定⋯⋯其實我唔係好明咁大間舖點解有d咁得意嘅規定。好彩係我今日咁啱係地鐵站禁左400蚊⋯⋯⋯⋯⋯⋯⋯⋯唔係真系唔知點收科。綜上，食物味道就唔評價了，畢竟唔可以用香港同成都比。但服務態度真正係⋯⋯無得頂。爭d冇錢埋單呢d事，一次就夠，唔會再來。如果可以，真系希望時光倒流我冇黎過，起碼心裡面總會覺得心思思，有美好期望。至於味道，坦白講，與我在成都和重慶食過的麻辣火鍋都有差距，一來辣味不足(可能與一開爐店員已加入大量清湯有關？)二來也沒有吃到在四川那種香味撲鼻的感覺，三來吃畢口內留有的味道亦甚詭異，不如成都本土的來得自然。食材新鮮，但湯底質素浪費了這些食材。…Read More

係附近參加seminar，午飯時間周圍都多人，見呢間好似裝修得幾有感覺就去試試。因為自己一個，所以雖然門口排滿人，都可以啱好直入有位。招牌應該都係炸嘢（？）炸髀炸雞扒炸雞翼，見餐牌都係呢d多。第一次食，就試招牌炸髀，應該冇伏？上到來，發現都幾大份，試試d汁，好鹹！！！！不過好在搭配返意粉同個髀，又尚算可以接受。但不得不提係個炸髀真系炸得太over了，好乾好硬，咬落鞋煞煞，真系有d失望⋯⋯而且已經炸到表面有黑色的「窿」，我覺得咁嘅水準做招牌，真系唔多得⋯⋯至於配菜炒飯，算滑；粟米，甜；涼拌木耳，其實我唔係好明白呢個組合點解會有涼拌木耳⋯⋯總體而言，只係for填肚，不過不失。…Read More

永遠超級多人永遠排長龍永遠要等位。午餐時間過來打算食個快飯，都唔容易，都要企一陣先有位坐低。環境就真系好一般而且得個幾個姐姐，叫好耐都唔來，並且因為人多都有小小危險，好容易撞到人，目擊姐姐倒瀉粥。不過好味呀嘛，冇計啦！！如果齋食腸粉外賣就門外排隊等待都好快，不過都係預左會被姐姐話啦，最緊要快手落單唔好猶豫，哈哈哈佢來去就幾樣嘢食，都可以做咁多年，證明都唔話得。下次都打算試下d粥，十幾蚊一碗，見朋友食都幾多料。…Read More

係南昌返工，見都多人推薦，午餐同同事過來試下。我叫左撈檬，同事要生牛肉湯檬。我個有一件豬扒2只雞翼，佢就得幾片牛肉，睇落好似我個抵d。雞翼好香口，畢竟係風沙。豬扒就普通豬扒味，唔多覺有香茅香味。不過我地都覺得係好食嘅，值得再來食。同埋街市熟食中心黎講，呢個環境算唔錯。不過就可能真系人手少，坐低幾分鐘先有人招呼落單，落完又等一陣先有得食。同一般茶餐廳嘅高速度相比真系有d慢，我地慢慢食完已經差唔多夠鐘返工。…Read More