ivychiu0108's Profile

上網睇黃店去試，點知d餐前麵包少到好似俾小朋友食，夾埋先普通一塊方包嘅四分一左右(大家對比下牛油刀) ，駛唔駛連包都慳成咁，亦唔再講有冇得refill包依件事。叫咗個set lunch，意大利粉係幾煙韌，味道好過cafe少少，但佢個set其實係連一杯野飲咁意思，收你$16x，食理念都唔係收到咁貴，做黃店都要索價合理先得，埋單就$18x。最後個侍應問我加唔加甜品，我就諗加埋同去酒店西餐廳食差唔多價錢，接近$25x，點解要幫襯一間咁普通而唔值嘅小店呢？食野都係求味道好，坐得舒服，理念緊要。所以都好明白點解餐廳lunch hour 10張枱都唔full，原來真係有原因，一直以黎都過譽。如果叫貴d意粉就差唔多單價$300，比得起5星酒店k11 artus都冇咁貴。一路望向廚房都見佢地都唔忙而且人手好多，不如有時間諗下點解咁少客仲好啦。…Read More

我用app 6點半，半價食，同我講冇水冇茶，即駛暖水唔係支裝水要變斷杯收錢，日本餐廳好少可咁。見隔離幾枱有就講係唔小心俾咗，遲黎過我張枱又有免費水，擺明人地正價食所以大細超，有咁多唔小心咩。6點半去到講冇刺身，又係搵邊個信。有個長髮男侍應又狂chur飲唔飲酒，行黎行去15分鐘chur 3次，冇枱都唔係咁煩啲客啊，唔飲酒好出奇咩。最後叫咗少少野食加收費支水，一人半價咗都要200，支裝水正價，南蠻炸雞普通到同吉之島特價個啲一樣，冇水冇刺身俾侍應狂問已經冇心情影相，overall野食質素似旺角銀城，伏加食唔飽所以之後快啲走落灣仔食，仲未執真係奇蹟。好心咁寒酸唔好做半價啦，食咁多半價未試過好似依間咁。…Read More

係好耐之前都好中意食Tony Wong玫瑰花蛋糕，個陣d花瓣仲係用糖霜整，可以話係夠硬淨。《晴報》五周年，Tony Wong為左慶賀《晴報》生日而特別打造一百個依款橙金色上面有埋蝴蝶朱古力、甲蟲朱古力嘅玫瑰花蛋糕，玩遊戲中左本身好開心，所以專登訂左係生日個日拎，順便慶祝下，但最後個結果唔係咁開心。(網上圖片) 由駱克道拎埋返到屋企只係半個鐘時間，d花瓣已經不停溶緊落黎，其實今日唔係好熱，二來個店員話兩個冰袋都可以keep住個蛋糕一個鐘，黎唔切影相已經不停溶，諗住生日都可以影多d靚相，溶都咁都唔想影好唔開心！上網睇返買1磅單色玫瑰蛋糕都要$470，咁點叫人再買呢！個賣相老實講好靚，但d白朱古力花瓣跟本受唔到蝴蝶朱古力、甲蟲朱古力嘅重量，所以首當其衝係個邊塌落黎，我以為只係塌完重個邊會停，唔夠幾分鐘到裡面又係咁lum，唉！跟住全家放棄，切都唔使切，直接用匙羹食。裡面嘅士多啤梨係好食，蛋糕同餅底都冇得輸，但個外型咁已經大打折扣，如果住再遠d，d相應該都影唔到  …Read More

PAUL LAFAYET Patisserie Francaise為《歌劇魅影》的offcial partner，故在機場博覽館隨處皆可見面具的蹤影，而下面的面具就用上四小時和超過一千粒的馬卡龍所拼成，可以說是一件能吃的藝術品，超級美！這次的limited edition gift box封面其實和海報的一樣。看似很大，其實比開飯哈哈笑的卡套小很多，因為只能放一粒馬卡龍。盒子側邊貫徹Paul Lafayet的作風，四面印上金子，絕不馬虎。裏面有一張小卡紙，大概寫上：馬卡龍每天在香港新鮮製作，為你生活添上一份窩心。更寫上必須在溫度5度以下的冰箱內，並在5天內吃完。雖然現在是冬天，還是不要放在室溫吧！看到limited edition gift box只放上一個馬克龍，尺寸剛剛好，由於馬卡龍易碎，故若尺寸不夠或是過多，亦影響馬卡龍賣相。馬卡龍的味道是限定的，大概是要呼應《歌劇魅影》的Phantom吧！上個月的食評《品嘗十八色的星星》沒有嚐到Vanilla，現在可以試試看。卡紙上的Vanilla馬卡龍和現場的分別是：真人比上鏡靚，内裏比較平滑而呈淡黃色的，外面看似來也是白白的，內外皆有黑色雲呢拿點點。第一口吃著，竟然有白朱古力的味道，雲呢拿好香，而且不會過甜，像市面上比較貴價牌子的雲呢拿雪糕味。比起我喜歡的Raspberry口味，這個也可以回購的！…Read More

莆田市是位於福建省的沿海中部．創辦人本身已經舉家移居新加坡，可仍然想念家鄉菜，故在新加坡創立莆田更大9間分店，及後在去年7月銅鑼灣利舞臺味開首間香港分店，12月就進駐鑽石山，九龍區的居民有口福了。冰浸苦瓜：為前菜，每片苦瓜厚度不過兩毫米，清透而完整，整道菜美感十足，苦瓜不算苦得難以入口，重要是沒有給糖水浸過，蜜糖雖為透明，可不是糖加水溝出來，用苦瓜點蘸蜜糖，苦中帶甜，層次分明，夏天吃相信可達消暑之功效。原味燜黃瓜魚：師傅於沙碢中以150秒把整條黃瓜魚燜熟，是為最鮮嫩的味道，吃下去沒有魚腥味，而且魚肉果真最嫩最滑，魚骨不多，相信老人家和小朋友吃的問題不大。店員還主動幫我們分魚，值得嘉許。九轉小腸：為莆田名菜之一，由傳統「九摺式」穿套滷製，即將豬小腸去除脂肪再切段，然後逐層套入，套足九層，及後以滷水汁煮三小時，逼出豬腸內多餘脂肪，手工繁複，可知師傅做得用心。小腸口感非常軟腍，滷水味濃郁，且沒有油膩感，故完全不覺得自己在吃一般內臟，減低不少罪疚感。椒鹽豬手：每碟兩隻，師傅精選七吋豬手，外脆內腍，有鑊氣的煮法，椒鹽味道酥香，中間肉筋溶進口裡，每一口都有骨膠原，簡直是愛美女性恩物。莆田扁肉湯：莆田的招牌菜，從皮到餡皆是人手製作，扁食燕皮新鮮而且透亮，餡由豬前腿肉加蝦皮手工剁成，每一粒都爽口，與餛飩的感覺有很大分別。其實另一福建名產——土荀涷，也含有豐富骨膠原，可個人不慣吃冷凍了的沙蟲，總是覺得腥，所以吃了一口就放棄了。 …Read More

冬天都想著冬眠去，整個人沒有生氣似的，惟有甜品、甜品和甜品才能在我生活中添上色彩。今天一口氣買了四種Paul Lafayet的精緻甜品，就奢侈一下啦！Crème Brûlée為Paul Lafayet的招牌甜品。上面的焦糖是買時即燒的，需要在黃金45分鐘以內吃，否則放涼就不好吃了。光看照片，已經像一個暖暖的月亮，冬天吃暖在心。裏面不會過甜，好creamy，裏面超多的雲呢拿黑色點點已經知道用料十足，簡直媲美酒店甜品。Apple & Red Fruits Crumble又是另一Signature。在微波爐叮三十秒，Crumble面香得難以置信。裏面的主體是以烤焗的蘋果粒，加上以紅莓、藍莓和士多啤梨蓉，每一粒新鮮的蘋果已經染成紅紅的，酸酸甜甜，不到半分鐘已經KO了。通常吃完Crème Brûlée、Apple & Red Fruits Crumble，我也會把瓷兜洗淨重用，放一些小物，放在公司就放萬子夾，方便而美觀。Mango & Pistachio Dome上面的是開心果馬卡龍，不過可能太小，吃不到味道。外面的芒果皮，感覺比一般的水晶皮整得充實，反而似直接把芒果肉放上去的，一點也不酸，微甜。美中不足是，餅乾我以為是像消化餅脆脆的，可是林的。Chocolate & Blueberry Dome跟我想像的感覺一樣，中間有小部份的藍莓芝士蛋糕，挺好吃，朱古力外層溶溶的，甜得好吃！最喜歡還是它兩個Signatures，下次打孖買…Read More

現在介紹我所選的其餘9粒馬卡龍。沒有被我選上的是Vanilla, Chocolate 和 Cappuccino，可能覺得大眾口味，下一次在選也可以，反正聖誕節的顏色應該要多些色彩，才不會單調，浪費了星星的造型。吃的時候，我和姐姐每一粒都一人一半，吃完再對一對小冊子，考考自己猜對味道嗎。不過一口氣吃十八種味道也挺像去了一趟糖果屋的樣子，眼睛、鼻子和舌頭也嘗了甜頭。最後提醒，一盒應該要大班人吃才過癮，因為每人吃了接近一打，好飽 …Read More

過完聖誕節終於有時間寫食評，2015年第一篇就是寫我最喜歡的甜品———七彩馬卡龍。Paul Lafayet一直是我最欣賞的馬卡龍店，因為每一粒的馬卡龍是甜而不膩，味道特別。聖誕禮品盒裝閃令令，光看盒子已經好吸引。來來來，現在立即打開神秘的盒子。 十八粒的馬卡龍由左至右，上至下整齊排列出來，形成七彩繽紛的聖誕星，連聖誕的三種特別味道，共二十一種，我狠狠剔除三種，選了十八種不同口味。馬卡龍的保鮮期只有五天，照完相就快快吃。 …Read More