ccchiii's Profile

作為一間標榜高級意大利牛扒餐廳，Carna by Dario Cecchini 喺網上獲得唔少好評，但我琴晚嘅親身體驗卻令人失望。牛扒係主打，但我嗰份Beef Chuck Flap筋多難咬，完全唔值佢嘅價錢。等食物嘅時間亦非常之長，等咗最少45分鐘，對一間高級餐廳嚟講實在唔合理。員工態度一般，唔算熱情，仲落錯我兩樣食物。呢啲係基本錯誤，喺呢個價位嘅餐廳出現，實在唔應該。雖然裝潢華麗，但枱與枱之間距離太近，基本上可以清楚聽到隔離枱講緊乜，完全冇私隱可言。對於想享受一個寧靜晚餐嘅人嚟講，會覺得好逼。Carna 嘅理念（nose-to-tail、可持續肉類）雖然值得欣賞，但實際體驗遠遠未達標。網上好多食評都過份誇張，實情係：環境逼、服務差、食物唔值等咁耐。以呢個價錢，我會選擇其他更值得嘅餐廳。…Read More

完全唔明點解有咁多人幫襯！？我好少批評，亦甚少出post，今次真係要講出黎！！琴日嗌左個是日午餐，白汁鱈魚意粉真心好Normal，好Normal，好Normal！不論味道定係賣相，都配唔起個價錢囉。到夜晚個胃好痛，開始想嘔，晚餐都食唔落，就知係Lunch出事，燒左成晚，嘔左5,6次，醫生話食錯野。一個Lunch搞到咁，生不如死….唔知製作食物過程入面係咩程序，係點解凍，係點處理凍肉，總之，唔_會再幫襯！…Read More

平時都會經過呢間店，今日決定試下嚟食！入到餐廳，裝修幾有日本Feel，但職員態度一般，有小小串我就叫左個滑蛋豬扒飯定食！過左一陣，定食上枱，定食仲有個螺肉，但佢係常溫，食左兩嚿就唔敢再食！主食個賣相好吸引，但食落去之後⋯嘩！豬扒淡而無味，飯太硬最後食剩左好多飯洗手間唔乾淨，仲有陣惡臭味，令到我感覺唔太舒服。到左夜晚，開始嘔同痾，頂唔順入左院，醫生話應該因爲個螺肉，搞到腸胃炎！一句講哂！以後唔會幫襯！實在令我太失望。。。…Read More